¹ Nhe a kaa nə wukun wu an pə wul də gu. "Ɓələp nkot a də gap gəyit bə mə tang gurum vəl ɗee kun oh." ² An dok a laa b'ələp gwe də gurum mwəp wu mə chan bi wubis hə, dip gə gogot gurum wu a wul wuvəl hə, bən a laa, ɗin bən a wul, gə nook mwəp mou, ³ A laa kam hə nsa gun fu tangkop də gu man naduk wu Kristi mang a fu nə pə bələp gə ni. Ni a wu gə kat də gu mou. Gə kam hə, ni a wu kam ɓələp ndəgən gu. ⁴ Dok mə kaa ni a ndəgən ni a wu gə kat, bən ni gə nook ndəgən kam ɓələp Naan. Mən a wu gə kat nɗəgən mwəp, mən yong gə mə bərop gə ni gə kam ɓələp nung Naan nɗəgən gu. ⁵ Gu koos kaa suk, ɗee gu naa gu naa naduk a gu yi. Kam kaa suk. Ɗee gu man suk nkaa Yesu Kristi ni ndəgən gu moog? Ni ndəgən gu bagal bə gu pələp a na ni ɓwəət. ⁶ An fu laa gə gun dar nkaa mə ɗem mən. ⁷ Gəɗes hə, an fu ɗang Naan yagal yong mə kat gun gə wubis mou. An pə dangnaan ɗee sə kan na chak leng mou. A nwa ni an pə ɗang Naan də gu cin bii wudung ni gə war hə. Gə naa gə yen mə pələp kan na chak. ⁸ Mə boot wu cin bii wukər nkaa ɓələp naduk mou, ɓagal bə mə cin a də naduk ⁹ Mən pə tookpiya nsa bii mə zugum bə na gu ɗee a a wuɓal. mən pə dang Naan də gu ɗee a wukəgət. ¹⁰ A yil jep chak jepee mwəp nhə a pən gun nsa an də gu mou, bit wugə kwət də gu bə gə a ɗee a waɓiyal mou. Gə a tangkop a cin bəlang gə kam ɓələp wu long pən an bə bən a ɓak gənaar, ɗee gu tuaghat chagap. ¹¹ Wutəs afee, məjepemna, cin tookpiya! Cin bəlang də wu mə lap bii wubis a mwəp kon hə, gu mang tugarduan, ¹² gu ɗem suk, tuaghat chagap. Naan nung ɗem gə tuaghat chagap gə tong gə gun. Gu nang suk gə kang fu wusəsaar. ¹³ Gurum Naan wusəsaar dip mwəp pə nang gun. ¹⁴ Mang chindong nung Nda long Yesu Kristi, gə ɗem Naan, gə kanggəshak nung chellem wusəsaar tong gə gun dip.