¹ Gə pee ɓəlang wu mən fu chin gəme gə gun hə, nayong gu chin ɗəgəl gə bii wuret ndung kat Naan chin hə. ² Naan la yen, "gəshi chin wuret, a kələng gun, nɓit angkaa a təp də gu." ³ Mə lə məbii lə pal ntagham mee gu məu yong baa gə kop ɓəlang amu nwaa baan. ⁴ Ɗee nhə bə mə piap kə sun ndəgən bəlang amu ka wu mən a kwərəm Naan. Mən a kwərəm Naan gəpee bii-mogor, gə manchin, gə ⁵ nas pee, gə dian, gə dəgəl lang, gə bəlang wəlaa, gə saam leng də ɓit nɓəl, ⁶ gə bəlak, gə saar, gə bii-man, gə yugur, gə chin wuret nɗəgən Mǝrip Wuret, gə ɗempe shi naduk. ⁷ Mə a kwərəm Naan nbələp naduk, ndəgən maa afe Naan. Mən gə lee ɓəlang Naan wu pənyit leng nsarmu dasə gə sar dakul. ⁸ Mən fu ɓəlang ndəgən yoangə, yoan wən, gə dam səm (kushe) gə təgər. Mə yen mən a wu wuram, dip gə kam hə, mən a gurum naduk mwəp. ⁹ Mə chan bəlang ka bii mə man mən nou, mə mə man mən. Mə chan bəlang ka bii mu a ɗe duwam kan mə kutni nkagam, mu chan bəlang gə bii mwəp wu mə ɗuam hə, mən ane! Mən nkagam, mə dwan mou. ¹⁰ Mən fu chan ɓəlang gəyee mən ndəgən took-dam, mən a ntookpiya dat, mən fu bəlang ka wubii-wən muop, zak mən mənfu luang gurum muop gwet dat. Mən fu bəlang gə bii wupiya muop, ɓə kan jepee dip a nəmuun. ¹¹ Mən fu laa a naduk gə gun, Korintiyawa muop, buzung mu a wu ɗep. ¹² Mə dugur buzung mu mou, agun gu dwagar buzung gu gə kasuk ɗə mu. ¹³ Gəɗes nhə a laa gə gun gə bii a də jep h, gu ap buzung gu gu pən nmən. ¹⁴ Naa yong gu kang kaasuk gə gurum wu mə ninag pən naduk hə. A me kang wuret gə wubis eh? Wa pee wusaan gə kwə eh? ¹⁵ A me kang Kristi gə Shaitan eh? Ame kang gurum wu pən naduk gə wu minag pən naduk eh? ¹⁶ A ɓəlep me kang lə wap Naan gə lə mulak eh? A mən a pee wap Naan wu gə nook-nook wu laa yen, "Yong a tong gəmee gə muop, a muan-muan gənaar muop. Yong a tong a Naan a muop, wa muop zak mə tuaghat a gurum anə. ¹⁷ Wa nsa ni gu fat ndəgən muop, mən gu cham nsəng gə muop", ka wu Naan laa hə, Gu bəm bi wu fəp mou, ani hə a lap gun." ¹⁸ An yong a kwət a ndaa gu, gun gu kwət a jep nə mədaas gə swərəp" A Naan wu maa laa kam hə.