1 Gǝdǝ wutǝs mǝjepnaa, dok mǝ dang Yesu kristi ba lap shepee mu nau gu muan muan eu gǝ tookpya tagam Naan. Kam hǝ, bǝ gu chin gǝrǝt. 2 Gu man shepee wudok mǝ pǝn gun hǝ a dǝgǝn long Yesu. 3 Nhǝ a chin Naan, mǝ dee wusǝsaar, dǝ mǝ nit buwaar dip. 4 Din gun mou gu boot yaksuk gǝwar wusǝsaa gǝ pǝn yon. 5 Na gǝ yok shishik kabi wubaan muop wudung man Naan mou. 6 Na mugwo dem bǝzung wunyit muup, long pa gǝ pǝn kǝlǝng ngurum wuni shipa wubias, kabi mǝn pǝ laa gǝ gun kar nau. 7 Naan dok yong gun dǝ gu tuaghat ndǝgǝn rap mou, dǝ gu tuaghat ndǝgǝn wusǝsaar. 8 Gǝ kam hǝ, gurm wu nyang bǝlǝp nhǝ, nyang a gurummaa, a Naan wu pǝn chellem wusǝsaar gun. 9 Gǝpe dem mǝjep-emnǝgǝn, gǝ yil a me? mǝn gun gǝ kaasuk Naan pǝn bii shee nka gu demsuk. 10 Gu chan jepee muop nhǝ dip dǝ mǝjepnǝgǝn muop wudung maa doniya. Bǝn mǝ dang gun, mejep-emnǝgǝnmu muop, dǝ gu chin man kam hǝ. 11 Dok bǝn mǝ kargun dǝ gu tuaghat kolok, chin bǝlang gǝ sarsuk kan wudok mǝ laa gǝ gun hǝ. 12 Dee gu zak gu muan muan wukǝr ntagam wubaan muop, yong bǝ gu dee a dee aka mugwo. 13 Mǝjep-emna muop mǝn pǝ tangkop gu tuaghat nkwoo, kan gurum mǝ saam yagal bǝ gu dee tǝgǝrchin ka gogot gurum wudung muop gǝ dǝn enn zak mou. 14 Ka mǝ pǝn naduk wu Yesu muut bǝn yaga, Naan gǝ nwawul Yesu gǝ gurum wudung mǝ turap nsaam ndǝgǝn muup. 15 Pǝ wu ǝk bǝlǝp Naan bǝ mǝn pǝ laa gǝ gun mǝn wudung mǝ kutni a wukaham mǝ nyit mǝn shiwul long, pa gǝ yaa war muop wu mǝsaam hǝ 16 Long gǝ kaa shin pa gǝ sam gǝ gǝbǝtǝng, sam gǝ dǝgǝl wubal, gǝ dǝgǝl mǝwongnaan, gǝ wall feer yongpee Naan, gǝ muop mǝ duam dǝgǝn kristi yong yigil shideel. 17 Ani bǝ mǝ yǝn mǝn a wukaham bǝ mǝ yigil gǝ gogot gurum muop wudung mǝ dee hǝ, bǝ mǝkok mǝn kaa gǝ ni gǝ dǝ piip dǝ mǝ kang gǝ long. Mǝn lat, mǝ tuaghat gǝ long dǝtǝs. 18 Nwasa kan hǝ, pǝn kagam ntugursuk gǝ bǝlǝp muop nhǝ.