Jing 3

1 Dok mǝ kat yong mǝ ɓoot bǝ mogor ni mou, mǝ mǝkat ɓǝ ɗee nAthens. 2 Mǝ lep Timoti, emnǝgǝn mu ndung a wushaar bǝlang Naan ɗǝgǝn bǝlǝp wuret nung kristi dǝ pǝn bal ngun gǝ zuaan gun nka naduk agu, 3 Yong gǝ mǝgwe nyagal parpar nsaa tǝgerchiin nhǝ. Gun gǝ kaasak gu man a waa nsa wukam hǝ mǝ kok mǝn yi. 4 A naduk shi wu dok mǝn gǝ gun hǝ, mǝ laa nkwǝt man chin ni ntagam mu, bǝn mǝ kat a kam hǝ gǝ bii wugu man hǝ. 5 A waa nni a kat yong a boot bǝ mogor nizak mau mǝn a lep dǝ a man gokkang naduk agu yi. Mak bǝ wupin fǝn pee kwǝt gǝ yaa gun bat gǝ ni gǝwar wubaan mǝn tǝgǝrchin amu lat baan. . 6 Timoti dok tong dǝ gu mǝn unil gǝ bǝlǝp wuret nka naduk gǝ dempee agu. laa gǝ mǝn yin bii gu diye mǝn zǝm gu bǝn gutangkop naa mǝn gǝ bii mǝn zak mǝ tangkop naa gun hǝ. 7 A wanni, mǝjepmna muop, mǝ kat zuan fu gu nsaa naduk a gu dǝgǝn tǝgǝrchin gǝ nogor amu dip. 8 Gǝɗess hǝ mǝ bǝrǝp gǝ dǝ duar bal agu gǝ dǝ long amu. 9 Dee mǝ dǝkyil a nǝnang ashik mǝ pǝn Nnaan waa ngun nsaa tookpya ndung mǝn dǝ ni dongbǝt mu gǝ tookpya gǝ ni ntǝgǝm Naan nkaa gwe? 10 Fuss gǝ lepar mǝn fu dang Naan gǝrǝt dǝ mǝ naa gun deewar mǝ pǝn bii wu won gun dǝgǝn naduk agu hǝ. 11 'Mang Naan amu, gǝ Nda gǝ kaashik muup, gǝ long amu Yesu kam war nmǝm dǝ gu. 12 Mang long amu ni mwǝn mwaan ntagham ngun gǝ ɗemshak gǝ gogot gurum muop dip, kat gǝ bii ndung mǝ chin zak. 13 Mang ni pǝn ɓal shi bǝzung gu ɗewar muop mǝ dee a wu fufil ndǝgǝn saar ntagam Naan a mu gǝ Nds pss bit wul long anin Yesu dip gǝ gurum wusǝsaarmuop.