1 Gǝdǝs hǝ nnung fuus gǝ lugun gǝ pas mǝjepnaa, yong she mǝ yil-yiyil ngun mou. 2 Nsa gun guman dip gǝrǝt nkwǝt bit wul long gǝ kwǝt aka wul wathǝ nlǝ par. 3 Mǝyen " Tuaghat chagap gǝ mǝ bii chin mou" beǝrat dat mǝ gǝkat bii dam wul kã muop. Bǝ kwǝt a bii tǝlgam nung namat gǝ gam hǝ. Yong mǝ fat nfuu wa lani mou. 4 Mǝn gun mǝjepnaa, gun a kwǝ ɗe yong lat bǝ bit nani mang gun bǝrǝt ka wat hǝ mou. 5 Nsa gun a jep gǝpee wusaan gǝjep bitɓang. 6 Nsa ni na yong gu saam gǝbii gogoot gǝshang hǝ. Wa nni bǝ mǝ tuaghat gǝkang gǝ yashik. 7 Nsa muop wudung bii mǝ saam bǝ a lǝpar muop wudung bii moustǝ muop hǝ mǝ chan kamhǝ a lǝpar. 8 Mǝn wudung a jep fuus hǝ mǝ tuaghat gǝ yakshik mǝn mǝ diamsun gǝ naduk gǝ ɗemshak ani a gwat bǝzung gǝ ɗen en ani a angka ani a vugũm amu. 9 Nsa Naan tagot mǝn a ɗee mǝ rwǝ ndǝfil mou, adǝ wuɗee mǝ kat angka ndǝgǝn long amu Yesu kristi. 10 Ani dok muut dǝ mu ɗee mmǝn kwǝt mǝ kwǝt a nsaam oh, bǝ yong mǝ tuaghat gǝmǝ gǝni. 11 A kam hǝ ɓǝ gu zuansuk mǝn gu diaksuk aka, gǝbii wudung gun pǝ chin gwe hǝ. 12 Mǝn pǝ ɗam gun gǝrǝt, mǝjepnaa, gu pǝn man muop wu mǝ muop wu nkagu ndǝgǝn long mǝn mǝ kar gun hǝ. 13 Mǝ chin mǝ la dǝgu gu mang muop gu ɗǝk wa nbalang wudung mǝ chan hǝ. Gu tuaghat chagap dǝsuk. 14 Mǝ bǝn mǝ kargun mǝjepna: Gu kar wu takwar, gu kagam tugur wu sarsam, gu tǝbdǝ wu lat noot. Gu mogorkwǝ gǝ gurum nau. 15 yong mǝ mǝgwǝ nkwat wubis gǝ wubis mou. Bagal ɓǝ gu gurum a bii wudung dǝsuk gǝ gurum nau. 16 Gu tǝng ntookpya zǝm Gu ɗangnaan zǝm. 17 Ndǝgǝn jepee nau, gu ɗǝkyil. 18 Nsa wudung hǝ a bii wu Naan ɗem ɗǝgǝn Yesu kristi dǝ gu. 19 Gu tǝ chelem mou. 20 Gu lǝ ɓak shi lep jepNaan mou. 21 Cham jepe nau. Yak jepee wudung amuop a wudung hǝ. 22 Sǝngsuk gǝ jepee wubis. 23 Mang a Naan nung tuaghat chagap saam gun dip. Nɗagat chelem, mǝrip gǝ shishik gu mǝn chin kǝgǝn gu ɗee gu tuaghat ya wuret dǝ wul long amu Yesu kristi. 24 Ni wu yong gun hǝ a wupin naduk, ni wudung boot. 25 Mǝjepna, dang Naan dǝ mu zak. 26 Nang mǝjepna muop dip gǝ kangfu wu sǝsaar. A 27 ɓiang dǝ gu gu na bii yil nhǝ dǝyit mǝjepna muop nsǝm long. 28 Wuret nung long amu Yesu kristi lang gǝ gun