Jing 4

1 Wa nsaa kristi lap man chin nsuwapshik bǝ gu gaar suk gǝ tong nakam hǝ. Gurum wu yawar lap manchin shishik muup hǝ tǝ ball bii wubis. 2 Wa nsaa kam bǝ gwo nani gǝ tong afe nung gǝ yil nhǝ a ɗewar chin bii wubis zak muou, a ɗewar nyi pya tok Naan yi. 3 Gu yawar gu tuaghat gu dok kan gǝbit gurum wubaan muop hǝ gu chan jep bii kaba-yit-bǝlǝp, bii jaam, mwoss, gya wubiyass muop, kwal jakjak, viyan- shak gǝ dak-muut muop hǝ. 4 Gǝ naa nkat a bii wu fuo kat gu niyang ruwan suk ndǝgǝn jepe wu bii mǝ chan a kabi wuamkak muop hǝ zak bǝ gǝ mǝ laa bǝlǝp wubis nkaa gu. 5 Pa gǝmǝ ɗiyam ntagam Naan wu gǝ sheep gurum wu kagham gǝ wu mǝ muut ɗewar muop mǝ laa naduk yi. 6 Dok a wa nsaa nni mǝ mwan laa bǝlǝp Naan yi dǝ muop ndung mǝ mwan laa bǝlǝp dǝ muop ndung mǝ yawar ɗuwam hǝ ɗewar muop mǝ tuaghat yi nɗǝgǝn chellem Naan ndung dok bii mǝ chin hǝ nau gǝ wadok mǝ sheep muop ndǝgǝn shishik hǝ. 7 Pe lat je pee muop nau jiwul kuss. Wa nsaa kam hǝ gu twaghat ɗaghat gǝ en gu dewar gu dangNaan yi. 8 Wu met bii muop nau, gu ɗemsuk shi nadukduk, nsaa dem pee gǝ oggot kaa bii wubiyass muop. 9 Gu lap suk dongdong, Gu nyit gwǝr bǝlǝp. 10 Kabi ndung kat mǝn naa mǝ lap zugum wu Naan mwat hǝ mǝ chin bǝlang gǝni dewar gu myap suk yi shi naduk nung chan jepe nɗǝgǝn chindong Naan shi war muop meet. 11 Gǝ laa bǝlǝp bǝ gǝ laa shi bǝlǝp Naan ngǝ wap a wap bǝ ndǝgǝn ball Naan gǝ mwat ngǝ. Gu chan jepe nani kam dewar ndǝgǝn shiwar muop meet bǝ Naan ɗǝgǝn gun yi wa nsaa Yesu kristi. 12 Gun wu a dam gun hǝ, nayoon nwa abii wufuo fugu nsaa muop fu kam kabi wu mǝn a nɗǝgǝn wus. 13 Muut laa gwǝt ndung kat gun sua ndǝgǝn kristi hǝ, nyit ɗagghat nhook gu pya yi ɗewar ndǝgǝn wul wuret Naan yi bǝ took mu bǝn sǝgǝt pya. 14 Din mǝ nkwǝt fu agas gun ndǝgǝn sǝm Yesu bǝ gu kat wuret nsaa chellem wu gǝ dǝgǝt pee gǝ chellem Naan langdok nkaa gu. 15 Na yong mee gu nsuwa mutlaa wa nsaa ni a wu tǝ gurum gǝwat, gǝ chin bii wubis gǝ ruwan fuu ndǝgǝn bǝlǝp gurum muop mau. 16 Din gǝ suwa muutlaa nsaa gǝ a wu mwan gǝdǝ Kristi bǝ ni mang a bii waat kaa gun mou. Nyit daghat ni saam sǝm Naan ndǝgǝn Yesu. 17 Shii wa rǝ ndung mǝ shee sheep a shi lǝNaan. 18 Din mǝ shee a shi sun bǝ wa anang gǝ muop ndung mǝ nyang lap bǝlǝp Naan hǝh? De din nkwǝt a wu laafu dǝ muop ndung gǝ mǝ chin bii wuret hǝ bǝ kwǝt anang gǝpee muop ndung mǝ niang Naan gǝ muop wu chin bii wubis eh? 19 Nkwǝt a kam bǝ muop ndung muop fuu sua muut laa nsǝm Naan hǝ mǝ diamkum shi bii naduk mǝ den vii muop nsar wumyap.