Jing 3

1 Ndǝgǝn kam hǝ bǝ gun sarǝp gǝɗik gu pǝn kaa suk mǝdaas gu muop gu kǝlǝng ɗǝgǝl muop. Gu chin kam bǝ pak muop ndung mǝ niang lapNaan hǝ ɗok bǝ mǝ gǝdǝ surǝp muop. 2 Muop zak bǝ mǝ naa tuaghat a gu wuret saan pee muop. 3 Dong a gu gǝ myap shik agu nmak a shi nung gǝɓang kabi kaatep, gǝ lee pǝnshagal, gǝ twǝn wuret muop dat mou. 4 Nit ɗaggat myapsun nani tong yi ndǝgǝn bǝ zung gu gǝ dong wu ɗagat-dagat ndǝgǝn chellem ndung kat wuret gǝpee Naan hǝ 5 Surǝp muop wudok mok ndung a wusǝsaar hǝ dok mǝ ɗen enmuop gǝ Naan a kam hǝ mǝ kǝlǝng mǝ daasmuop yi. 6 Dok akam Sara pǝn sat kǝlǝng mis dǝ Abram yi gǝ yong ni shi ndaa dǝ yi. Gun a jep muup muop gǝdess hǝ kat gu chin bii wuret bǝ gu yigil luaggat weel mou. 7 A kam zak gun daas gu tuaghat tuaghat gu surǝp gu muop ndǝgǝn man gǝkang wukwǝt namat a wukǝkat. Gu dǝgǝt muop kabi wunyee gu dung gu kat chingdong tooklang a wu gǝmee hǝ. Gu chin kam hǝ mǝn gu ɗang Naan ɓǝ kǝlǝng gun. 8 Wutǝs bǝlǝp, gun nau, gu ɗen engu gǝmee, gu naa chigir nkaasuk, gu demsuk, gu ɗen a wu bǝzung zugum, gu sam gǝ kaa gu. 9 Tap gu chin wubis nkop bii wubis mou, gu agas gwo wu agas gun mou. Nkwǝt kam bǝ gu lang a wuret nsa dok mǝ yong gun a ɗewar gu lap wuret Naan yi. 10 Dagwo wu dem kop din nkat tengleng gǝ turǝp wuret gǝyil bǝ ni yaa nis muup nyit wurum. 11 Nni nyit bii de wubis chin wuret. Nyit ɗaghat nyi tang tuaghat chagap bǝlang gǝdǝ. 12 Yit NDAA muop nkaa gurum wugǝ chin nii wuret, kom muup zok mǝ lǝngdok karr npee kǝlǝng ɗangpe a muop. Naan gǝ bat dangkong ji pǝn gurum wu gǝ chin bii wubis. 13 a wudang gǝ chin mǝ bii gǝ gun kat gun fu chin bii wuret eh? 14 Din nǝ gu lap man chin a nsa gun chin bii wuret bǝ gu kat wuret nung Naan. Gu luaggat bii wu muop gǝ mǝ luaggat ni dee gu weel yi mou. 15 Gu den Ndaamu kristi ndǝgǝn bǝ zung gu wu sǝsaar. Gu tuaghat gǝ man kwǝt mǝgwo nang bii wu den engu nkaa bǝ gu laa gǝ muop. 16 Gu chin kam gu eet daggat nkang gǝ man. Gu tuaghat gǝ bǝzung gu gǝ endiye a gu a wuret dat dewar muop ndung mǝ agas naduk agu ndǝgǝn kristi nhǝ mǝ kat war won nsa bii mǝ laa gun a chan bii wubis hǝ. 17 Dong din bii gǝ dem Naan bǝ gǝ lap manchin nkaa bii wuret maa bii wubis. 18 Kristi lap manchin yit gǝmee wa nsaa bii wubis a mu ni ndung a wu chin bii wuret lap manchiin nkaa mǝ chin bii wubis dewar del mǝn yi waji gǝni dǝ Naan. Dok mǝ tǝ ni ndǝgǝn shishik, mǝn mǝ epp ni ndǝgǝn chellem. 19 Ndǝgǝn mwan yi laa wu ǝk bǝlǝp Naan dǝ, chellem gurum muop ndung mǝ ɗiyan muop hǝ. 20 Gǝ shii dungkat Naan mogor kung ɗe Nuhu laa bǝlǝp dǝ gurum hǝ mǝn mǝ nyang kǝlǝng ni ndung kat dik shii ndung gurum muop a pokobgun dat mǝkat pe bǝrǝb ndǝgǝn afe gǝmee gǝ ni Nuhu ndǝgǝn am hǝ. 21 Wudung a nyi nyin kǝnpe wudok angkaa gu hǝh- a kabi nung vang rap hǝ mou a npe dǝh ɓǝm bǝzung gu wuret yi ɗe Naan-nɗǝgǝn yaghal Yesu kristi. 22 Kristi tongɗok a gǝsar wumis nung Naan. Waa lap fugǝtǝng. Mǝwong Naan, wukanshik muop, gǝ wukamgǝɓǝlǝp muop gǝ mǝ leen a tagam muup.