Jing 2

1 Wa nsaa kam hǝ, gu nyit bǝlǝp shetan gǝesp kogop. Bǝlǝp yakshak bǝzung, fǝnpee, bǝtniang,nyang la naduk gǝ laa shak, gu nook muop. 2 Kan gǝ bii jep wu shee bii muop ndung bii lang a mwa yugur wu hazzak hǝ, gun zak gu tang a mwa yugur nung chellem dewar gu nnanyi ndǝgǝn bǝrǝp. 3 Kan wu gu yawar gu cham wukwǝt Naan. 4 Wa guja dǝ muup pang wukagham ndung gurum mǝ nyang mǝn Naan mang ani awu ndayit hǝ. 5 Gun zak a kabi pang wukagham hǝ ndung muop fu ɗik gun dewar gu de lǝ nung chelem yi bǝ gu wak a wugaggap bǝlǝp Naan muop wu hazzak, dewar gu pǝn bii wapNaan nyi chelem ndung kat Naan gǝ tang a kopni ndǝgǝn Yesu kristi. 6 BǝlǝpNaan layen "Gu naa a den pang kuwgwan lǝ fu kwang wun ndayit dungkat a na amang hǝ ndǝgǝn Sihiyona mǝn gurum wu pǝn naduk ni bǝ waat muup mou. 7 Gun ndung gu lap ni gu dem hǝ gu wak wu yit naa Nigǝ muop ndung kat mǝ nyang hǝ mou. "Pang ndung wupian ɗik lǝ mǝ nyang hǝ bǝn wade a pang kukur lǝ wu shi kwang. 8 Pang nani de a pang kokkwak. Gurum gǝ mǝ pǝlǝp ashishik muup Mǝ kok kwak muop wa nsaar muop mǝ nyang shin bii wu bǝlǝp Naan la gǝ muop, tong kam a bii wudok mǝ yawar koos lǝ gǝtap muop. 9 Gu de gun a tung gurum wa na-mang, seen das kagam wugaggab bǝlǝpNaan, tungurum wusǝsaar muop, tung gurum wa mǝ dee a bii Naan dewar gu dee wusaarbǝlǝpNaan wuret muop yi ni ndung kat dok ani yong gun ndǝgǝn pee kwoo mǝn waji gǝ gun gǝ pee wusaan hǝ. 10 Dok gun a gurum mou, gǝɗes hǝgu wak a gurumNaan dok bii mǝ naa chigir nkaa gu mou gǝɗes hǝ̀ gǝ mǝ naachigir nkaa gu. 11 Mǝshaar nǝ muop, gun a kabi wumoos muop gǝyil hǝ, a dang gun dewar gu nyit endie wubis muop ndung kat muop fu leg gǝ viip gu muop hǝ. 12 Gu tuaghat tuaghat wuret gǝnaar gurum Gentayil muop kan dok bii mǝ kwǝt fu aggas gun bǝ mǝ naa wuret a gu mǝ dǝgǝt sǝm Naan kat sam wul. 13 Gu kǝlǝng wu naa gǝyil wa nsaa Ndaa nau gǝ long gǝyil ndung ani a wu maggat hǝ. 14 Gǝ muop ndung a muop wu kaa gǝyil nhǝ ndung kat mǝ lep muop dǝ lǝkǝlǝng muop wu chin bii wubis bǝ mǝ saam muop mǝ chin wuret. 15 A ndung hǝ ani a endye Naan kat gu chin bii wuret bǝ gurum wu laa bǝlǝp baan muop mǝ agat fu muop. 16 Gu tuaghat a kabi jep nyil hǝ, na yong tuaghat jepyil npǝn war bii wubiss ngun mou nsaa gu dee a kabi kwǝrǝm Naan hǝ. 17 Gu pǝn ma ngurum muop nau. Gu dem mǝjep emnǝgǝn gu muop. Gu pǝn ma mǝn nlong muop. 18 Kwǝrǝm muop, pǝn kaa suk mǝnda lǝ gu muop ndǝgǝn ma muop ndung fu chin wuret hǝ nau gǝ muop wubial. 19 Din gu lap mǝn chin a nsaa bii wuret ndung gu chin hǝ bǝ a bii saam pee. 20 Gu kat ame ndǝgǝn wu gu lap nas wa nsaa bii wubis mǝn gu mogor eh? kan din gu lap manchin wa nsaa bii wuret mǝn gu mogor bǝ a wuret gǝ pee Nda Naan. 21 Wa nsaa ni dok mǝ yong gun yi. Kristi dok swa manchin dewar kamwar yi nmǝn mǝ lǝng yi gǝdǝ muop. 22 Ni dok chin bii wubis mou, mǝ kat wurum fu muup mou. Dok mǝ aggas ni mǝn lap aggas nani bal mou. 23 Dok swa tǝgǝrchin mǝn wuk muop mou mǝn nyit kaa shik muup nsar ndung gǝ shep naduk hǝ. 24 A ni gǝ kaa shik muup mang lee bii wubis a mu shishik muop nkaa shep yong bǝn mǝ kat mǝn ndǝgǝn bii wubis dewar mǝ dee wu chin bii wuret yi. Gǝd̀ǝ shel shishik muup nǝmun lat yi . 25 Dok gun nau a kabi tǝm bǝ gu mwan mwan mǝn lǝn, gǝdes hǝ gu wa gu jadǝ wutap gu gǝ naa kaa viip gu nau.