Jing 1

1 An laa lep Yesu kristi a lep muan gǝ pee gu ndung mǝ pǝn gun hǝ, gun zak a wumoos gǝyil nPontus Galalia, Kopadosiya, Asia gǝ Bitinia. 2 Nda Naan pǝn gun kok shi man afe, mǝn mǝ vang gun shi chellem Naan, gǝ tǝgǝm Yesu kristi ɗewar gu dee wu kǝlǝng pee muop yi ntagam muup. Mang din chindong gǝ tuagat chagap tong gǝret gǝ gun. 3 Mang Naan. Ndǝgǝn nachigir afe wu swet, kok mǝn mǝ wak mǝ dee a ndung mǝ ɓee mǝ dee a ndung mǝ ɓee mǝn endiyee ndung pa gǝ mǝ app mǝn gǝme gǝ Yesu laNaan ndǝgǝn muut afe. 4 Ndung a dewar mǝ kat kopgǝshii wuret yi. Ni gǝ rap mou zak bǝ ni gǝ damdam bayi nwam mou. Ni dendok pǝgǝtǝng dǝ gu. 5 Naan ogot gun shi maa afe wa nsa gu pǝn bǝlǝp naduk yong gu kat kagham pa bit wutǝs. 6 Took gu piya badǝn gǝ ndung hǝ, nau kam hǝ, bǝ took gu bǝn dam wa nsaa weel gǝyil muop. 7 Ndung a dewar mǝ naa naduk agu yi, bǝlǝp naduk nduk kat ni a ǝgǝs wubalbal ndung wus gǝ shaa ni mǝu. Kwǝt kam bǝ gun zak gu kat buzung tokpiya nung wap Yesu kristi pa bit ndung wawul hǝ. 8 Yit gu naa ni mǝu mǝn gu dem naa ni gǝdes hǝ mou mǝn gu pǝn naduk ni, took piya badǝn ndǝgǝn maa afe 9 Gǝdes hǝ gun pǝ kat kopgǝshii naduk agu kat mǝ rip gu muop mǝ tuagat nkagam. 10 Wu laa bǝlǝp Naan dok mǝ laa cindong kwǝt nwul. Dok mǝ naa nsǝng. 11 Mǝ bii wagap dewar muop mǝ man kwǝt a wudang oh, ɗe gǝ wul a gǝshii me zak eh? Chellem Naan yakshii gǝ muop yong laa Naan gǝ wul swa tǝgǝrchin mǝ Naan mang ni ɗǝgǝt. 12 Dok mǝ lagǝ wula bǝlǝp muop na ni la yen muoop pǝ chin bǝlang nani adǝ kaashik nua mou a dǝ mǝn wu gǝdǝs hǝ, a chellem la bǝlep nani gǝ muop ndung mǝwong Naan muop muop mǝ tung kop. 13 Wa nsaa kam hǝ, gu nasuk, gu yaksuk gu miap tuaghat agu goe bǝ zungu dewar gu bwǝtǝn gu yi gǝ chindong wu pa gǝwul nkat gun kat Yesu kristi samwul. 14 Gun a jep wu kǝlǝng pee, gu mwan gǝdǝ war agu wudok mok hǝ mou. 15 Ni ndung yong gu ni awu vang suk gu de a wusǝsaar. 16 Bǝlǝp dendok mǝyil yong "Gu saarsuk nsa an a wusǝsaar" 17 Din kan bi yong ni "Nda" ni ndung gǝ shepshep naduk hǝ bǝ gu tuaghat a kabi wumoos muop ndǝgǝn luggut Naan. 18 Dok mǝ angkaa gu a gǝ jepee, wu damdam kabi zinariya gǝ azurfa mau, 19 Me ankaa gu a gǝ tǝgǝm kristi wu kǝkǝrǝm, kabi tǝgǝm la tǝm wubang. 20 Kristi dok mǝ mang dangkom shee yi mǝ den kuggar gǝyil.Gǝdes hǝ ndǝgǝn yi muop ndung mǝ pǝt gǝni gǝpee wusaan. 21 Wa nsaa ni gu lap Naanyi ni ndung dok Naan ep ni ntugun muut men, mang ni dǝgǝt dewar gu kat endie naduk yi ndǝgǝn Naan. 22 Gǝdes hǝ gu vangviip gun ndǝgǝn kǝlǝng pee nung naduk. Nani a dewar dempee naduk ndǝgǝn gu. Wa nsaa kam hǝ gu dem suk shi bǝzung gǝmee. 23 Gun a kabi muop ndung mǝ bak a wufuo hǝ. Mǝ bak muop a shi sherem wuret dung kat gǝ damdam mou hǝ shi wu ǝk bǝlǝp Naan. 24 Swopsuk, a kabi wung hǝn, gun nau a kabi pel wung hǝ. Wung bii loggom bǝ muut, pel wung bii fii bǝ pǝt taa. 25 Nau kam bǝlǝp Naan tong bad gǝ ɓǝdǝ muop. Ndung wuǝk bǝlǝp Naan ndung mǝ mwandok fu bǝlǝp afe hǝ.