1 Gun wu nan, an a wyit gu, an fu laa gǝ gun, an dok a naa muutla kristi gǝ yit nǝ bǝn zak paa gǝ anaa wawul afe gǝ yit nǝ kat nyit mǝn. 2 Gu tap tǝm Naan muop ndung nsar gu hǝ gu kang kaa muop dong dong kabi wutap muop hǝ, gu na kaa muop ndǝgǝn took dem a gu kabi ndung Naan gǝ dem hǝ zak. Na yong kwǝ a tiil mou. Zak bǝ nkwǝt pe tang bii kat mou,gǝ kwǝt a wa nsaa rǝgǝt gun. 3 Gu lǝ kǝlǝng nmuop ndung gǝfu nnaa kaa muop hǝ mou. Gǝ chin bii wu mǝ na kam nfu gǝ. 4 Gǝ shii wu miskagham tap nsam bǝ gu lap zung long wu gǝ damdam mou. 5 A kam bǝ zak gun jepsual, gu lang kom gu gu kǝlǝng daas wunnan muop. Gun nau gu ǝbǝr suk ndǝgǝn kaa leen gǝ pǝn maa wu ntagam muop. Naan nyang yit wu zung shik mǝn pǝn chindong gurum wu kaa lee. 6 Wa nsaa kam hǝ sam gǝ kaaa gu ntagam Naan wuma dewar paa wul a shik bǝ Naan app gun yi. 7 Gu dǝk weel agu nau nkaa muup nsaa bii weel gǝ gun. 8 Gu tuaghat kolok gu kang suk yi. Wukas Shetan mwandok gǝ villing pee yi kabi liit wu gǝ wall tong pee yi nkat mǝ mǝgwo bǝ yaa aar. 9 Gu nyang nni. Gu tuamsuk balbal ndǝgǝ naduk. Gu man mǝ jepnǝgǝn wu pǝn bǝlǝp naduk nau gǝyil muop fu tǝgǝrchin a kam zak. 10 Ndangkong wu guun fu tǝgǝr chin bǝ Naan ndong ni a wupin chindong hǝ ani yong gun dǝ kat tooklang wu gǝgwo ndǝgǝn kristi, ani gǝ tuam gun balbal dewar gu kaa gu kǝkǝt yi. 11 Maa aǝmuup dat veet. 12 An a mang Sila a emnǝgǝn gǝ naduk, wa nsaa lep gǝ bii yil nhǝ gun nsar muup. A dang gun bǝn laa naduk gǝ gun, bii ndung a yil bǝ a ni a chindong Naan. Gu ɗiam balbal nkaa. 13 Namat ndung kat ni nBabilom hǝ, wu mǝ pen ni mang gǝmee gun hǝ kaat gun. Ni mak lalanǝ zak nang gun. 14 Gu nang suk gu fulap gutaa ntook suk shi dempee. Mang gun wu ndǝgǝn Yesu nau gu tuaghat chagap.