¹ Katme mǝgwo gǝnar gu ni gǝ bǝtyal ka wun ye ni,bǝ muan ntagam wusheep wuni gǝ naduk ba! ma wudin muan ntagam gurum Naan a? ² Ko gu man gǝlap a gurum Naan muop par gǝ mǝ sheep gǝyil mou? Kat a gun par gu sheep gǝyil bǝ man la bǝlǝp gǝ kang gu ma gun naa?. ³ Ba gu man gǝtap a mǝn par gǝ mǝ sheep jep laNaan ma? De ka yi-a nshep chak jepee gǝyil a? ⁴ Kat kan gu shep chak jepee chinni gǝ dee daar, bǝ di a me chin gu kok wal sak yi gu muan ntamgam gurum wu nǝ mǝ kat a gurum Naan ni? ⁵ Ala wudung a npe dǝ ka gu wat yi. ⁶ Ba mǝgwo wu nyi gǝ en wa gǝme gǝnar gu wu gǝ boot npe la ɓǝlǝp gǝkang gu ma? Gǝbi wu muandok hǝ, gurum Naan bi muan gǝ gǝwel gkang muup gǝ wunye muup ntagam wushep wu nyi a gurum Naan bahǝ! ⁷ tuagat chagap wu won gǝnar gugurum Naan wu gun a krista hǝ nying gǝlap gu fulap gwe. A wa me gu tuagat chagap mou? A wa nme gǝ dem mǝgwo nuogop gǝ mou? ⁸ Gun kuma gu dam took pak gurum gu vogop pak gurum, muop ma bǝn a mǝjep nung. ⁹ Gu man mou mǝ, gurum wu nyi gǝ naduk ba, gǝ kat bǝlang lǝ Naan ba-? Ya gu dem wurum, gǝ mǝroop jepee gǝ mǝ wap yil, gǝ mǝ chan chagap gǝ mǝ chan chagap gǝ shak hǝ. ¹⁰ Gǝ wat, gǝ mǝ bibias, gǝ, mǝ vangpe, gǝ kwǝp, ba me muop gǝ kat petong lǝ Naanba. ¹¹ Dok pak gu a kam mǝn mǝ vang gun sani, mǝn mǝ shen gun nNaan mǝ bǝn den tseen gu nchat ntagam Naan ndǝgǝn sǝm ndamu Yesu gǝ chelem Naan gǝmu. ¹² Jepee dau a wuret dat dǝ nǝ, amma ba a jepee dip nyi gǝ kyen ba. Jepee dip nyi a wuret dat dǝ nǝ", dau gǝ kam hǝ gǝ a dem me mǝbi nlap ka nǝ ba. ¹³ Sǝ a npe bǝt, bǝt kuma a npe sǝ," dau gǝ kam hǝ, Naan par gǝ uwak gǝ muop dip. Mǝn chin dǝng shishik a npe buwar ba, amma a npe ndamu dau. ¹⁴ Naan dok ep ndamu wuyoon, a nyi par gǝ bǝm ba gu man gǝlap dǝng susuk a ni de fu chan a gǝ dǝng shishik muup. ¹⁵ Ba gu man ma, dǝng shishik gu a lǝ nung chelem wuret wu tong dok gǝnar gua, wu gu kat a dǝ Naan a? ¹⁶ Dee gu man kwǝt gurum wu kang kaa shik gǝ napagar bǝ wa shishik gǝme gǝni mooh? ka kǝ bii wu ɓǝlǝp yen, "muop wuvǝl mǝ wak shishik gǝme" ¹⁷ Ni wu kangkaa shik gǝ miskagam bǝ tong a chilem gǝmǝ gǝni. ¹⁸ Yak gǝsǝ fu ɓǝlǝp ɓuaar! dip gǝsǝm bii wubis wu gurum chin hǝ ni gǝɓang gǝ shishik, dee gurum wuɓwaar dam gǝ a shishik muup. ¹⁹ Ba gu man ma, dǝng shishik gu a lǝ nung chelem wuret wu long dok gǝnar gua, wu gu kat a dǝ Naan a? Ba gu man ma, gǝ tap wu gun a nung kasuk mou ma? ²⁰ Mǝ seet gun ka pian wu gǝ gagal wa nyi gu shen yoon nNaan gǝ dǝng shisuk.