¹ Ka bǝlǝp wu gu bǝ ɗeng din gurum nbǝng mǝ mat mou ² l Nsa bǝlǝp surup wudogol goeyil mou hǝ dong din mimis ntang gǝ mat mu'up, namat zak tang gǝ mis dǝ. ³ Wu pin hǝ naa mat mu'up, dang zak wu mǝ mat pǝn ka shik muup nnung katshak. ⁴ Namat ni gǝ mal ma nka shik mou amis muup Akan zak mismuup ni gǝ bal nka shi muup mou a mat muup. ⁵ Na yang gu dǝm su nkat shak De a gǝ dem a gu bǝr bit gu den. chin kam ne pe gu kat war npe dang naan hii zak bǝ she gu dim gu kat war gu kat suk, yong gǝ shetan nsua ka gu mǝǝgu boot npǝ yak gǝsuk mou. ⁶ An fu la jipe nhǝ dǝr gu anung dye dǝr anung bii tǝt mou. ⁷ Adem din gurum mua nau mǝn akot a gǝ bi an hǝ, ko wudak ni gǝ bi wu na'an pǝn ni hǝ. ⁸ Dǝr gwǝr muup gǝ surǝp ka a yǝn dong din mǝ tugat kam nǝn nlap shak gǝ bi an hǝ. ⁹ Mǝn nkot gu boot npe yak ka shak mou bǝ mǝ dyak dyak. Nsa dǝ niang ɓǝ mǝ dyak yong mǝn lǝng gǝ bi chaa. ¹⁰ Gǝdes nhǝ dǝ muup wu gǝ dyak a pǝn bii den a an mou a miskagam namat yen nyit mis muup mou; ¹¹ kan a mat wu gǝ kwap shak gǝ mis muup bǝ laang kam nleng bǝmǝ myap gǝ kang du. Damis zak yen gǝ yak mat gǝ mou. ¹² Dǝ pangkop gu a yen an, miskagam mou, kat din memǝ emnǝgǝn nkot gǝ mat nǝ nkot naduk mǝn dem tong gǝ ni bǝ yin chen ni mou. ¹³ Din namat nkot gǝ mis ndung gǝdem bǝlǝp naan mou, mǝn dem de tong gǝ ni, na yen tǝ diik gǝ ni mou. ¹⁴ Nsa mis wudung nkot hǝ naduk mou hǝ bǝ mǝ nyit ni lang nsa mat muup. A kam mou bǝ jepgu gǝ mǝ nkwot gǝ rat nadung nani muup a kam mou. ¹⁵ Dǝ wu nyang naduk hǝ yagal nyit ni muan ǝ dǝgǝn chak jepe nhǝ emnǝgǝn wu mis gǝ wumat bǝ sǝgǝrfu gǝ yak muup mou. Naan yong mǝn dǝ mǝ tugat ndǝgǝn tuagat chagap. ¹⁶ Chin ana yii man yii namat nkot yi gǝ yi ang ka mis yi? Nok mǝ gǝ mis gǝ room yii gǝ ka wu gǝ ang ka mat gǝ? ¹⁷ Din nɗem, bǝ, gu lǝng lǝng gu gu gǝ dǝ wu miskagam muǝt dǝ nni, dǝ bi wu naan yong ni hǝ, nhǝ a bi tǝt gǝni ndǝgǝn lǝ wap nau. ¹⁸ Kan dok mǝgwo wu gat dǝp gwep she mǝ yong ni dǝ pǝn naduk a? Na yong nin ka mǝgwo dok a wu gap dǝp mou shi mǝ yong dǝ pǝn naduk ha? Akam bǝ yong gǝ gap dǝp gǝ mou. ¹⁹ A nsa ni gab dǝp gǝ nǝng ngab dǝp a mǝbi mou. Bi wudong hǝ muan gǝdǝ bi den nnung naan. ²⁰ Ndǝgǝn yong pewu naan yong gǝ mǝk gǝ mǝk hǝ gudyam gǝ pǝ wu dok ni nǝgǝn she mǝ yong gun hi. ²¹ Dok gǝ a kǝrǝm gǝ shi wu naan yong ga? yong gǝ wel mou. Kan dǝ gǝ nku bǝ gǝ muan gǝdǝ. ²² Gurum wudung miskagam yong ni a kwǝrǝm hǝ kat gǝ shik. ²³ A kam nani wu mǝ yong ni dǝ pǝn naduk hǝ mǝ ni a kwǝrǝm kristi wu yoon. Mǝ seet gun gǝ pyan wu gǝ yagal yen gu wak kwǝrǝm gurum mou. ²⁴ Mǝ jep naa, gǝpǝ wudung mǝ yong gǝ hǝ pǝn naduk hǝ bǝ dugam kan nnǝgǝn gǝ naan ²⁵ Dǝ muop nǝ mǝn dyak an gǝ mǝbi den fu miskagam mou a pǝn ǝn dye gǝ nǝ a gǝ bi gurum wu gǝ na chigir naan, wu ni gǝ naduk ²⁶ A nsa ni a nsa wubis ni gǝwar ta hǝ dong ɗin gurum ntong gǝ pe ni nnǝgǝn hǝ. ²⁷ Gǝ mǝ mat wu gǝ Lalat gǝ ga? Yen gǝ tang gap ɗyik mou. Dǝk gǝ kot gǝ mǝ mat wudung gǝ la lat gǝ gǝ mou bǝ yen gǝ tang ndǝ mat mou. ²⁸ Kan ɗin gǝ lap a mat bǝ gǝ chin wubis ɗyik bǝ a bi wu bis mou. Dǝ muop wu mǝ dyak hǝ gǝ mǝ kat wel mǝmang mǝmanga a dem nkot a gap gǝ kang gu gǝ ni. ²⁹ Bi wu an fu la nhǝ mǝjepna bit kat. Gǝdǝs nhǝ muop wu gǝ furǝp mǝ lǝng gǝ bi wu muop gǝ surǝp mou. ³⁰ Muop wu fu wal gǝyen muop fu walmou, muop wu fu tookpya gǝyong muop shifu mou, muop wu sarab jepee gǝ na yong muop gǝ mǝ bi mou. ³¹ Mou wu mǝ mang gǝyil hǝ, yen mǝn den gǝ kawu duk mang ni muan kǝgǝt mou. Nsa gǝyil wudung gǝdet hǝ ni gǝwar lat. ³² Adem din gu puat nfu wel muop nbǝl. Wu nin lap mat wel a gǝ jepe naan, wu pya took muup. ³³ Dewu gǝmat wel a gǝbi gǝyil, wugǝ pya took mat ni, ni gǝnaar. ³⁴ Namat nin dyik hǝ, gǝ duan (vigin) bi wel a gǝ jepe miskagam, den mat gǝ Nayong gu wap natoon kabindung pak muop mǝ chan hǝ. Chin a kabi ndung mǝyil hǝ. Gurum muop nǝ latbǝ mǝ tughat sǝ mǝ sua mǝ bǝn yigil chan dǝgǝl. Nayong gu chan ɓǝlǝp bua'ar gǝbi wu dok muop nɓǝl mǝ chin hǝ. Mǝn bit gǝmee mǝn gurum kam ya gurum shi kaa kun mǝ duam. ³⁵ A fu labi nhǝ, npǝ kyen gun hii, a npǝ biak gun mou. A la kam,nsa ni nyit, depin gu lǝng gǝ de miskagam a gǝ mǝbi bal fu mou. a dǝ ni kyen gun yi ba a dǝ a miyak gun yi mou. A la abi din dong hǝ dewar gu muan gǝ dǝ bǝlǝpNaan gǝ took gu gǝ mǝ dat yong. ³⁶ Ba endye gu bat mou, kan me mǝ gu nkwot pǝ endye wubis gǝ lawureep hǝ mǝn lareep nani mǝn dogol ma gǝkagam din bǝ ni lala na ni lap lareep na na dat. ³⁷ Mǝn zak tala ndar gǝ bǝzung wubal, mǝn muop pǝ wel ni ba mǝn yaa kashik muup dong-dong gǝ chagap muup bǝ chin nyit. ³⁸ Bar mǝn lap lareep nani bǝ chin nyit ni wudung niang lap mat mǝ chin nyit dip maa muop. ³⁹ Din namat kwot gǝ ɗik nkaa bǝ ni a gǝsǝr mis muup. Mǝn mis muut bǝ gǝ boot dǝ dyik gwo dung dongǝt muut hǝ. ⁴⁰ Ndǝgǝn na gǝ nǝ yen gǝkop gǝ tookpya kat tong nbi dǝ kam. Bǝn a fu dye gǝ tap hǝ an gǝ chellem naan.