¹ Mǝ kǝlǝng mǝyen mee mǝ buaar wu nien ni nɗǝgǝn gu, a buaar ndung mǝ langnkop mou dau gǝ gurum muop. Mǝ kǝlǝng mǝ laa nkwot mǝgwo nɗǝgǝn gu ni teer gu mat mda wu laa ni. ² Mǝn took gu pya dat gǝrǝt, dong din gu nang ɗǝgǝl muup mo? Ni ndung chin kam hǝ bǝ dong din gu vak gǝni gǝnaar gu. ³ A man a gǝmee gǝ gun dar mou an gǝgun nchelem, shepni nkaa wupin ni gwe, gu wagap an nǝgǝn. ⁴ Gǝshi ndung gu tǝl gǝ lǝ nnǝgǝn sǝm Yesu kristi bǝ chellem nǝ ni gǝmee gu gun nɗǝgǝn maa nung Ndamu Yesu kristi a sheep ni guwo nani gwe. ⁵ A chin kamhǝ ndǝ pǝt gǝni n bii wubis shishik muup dewar ni pǝ rǝh yi nbit wul Naan. ⁶ Bagal a gu a nung dong mou, kan gu man mou mǝ, bii lat bǝ la yisti til dat bǝ dam gǝgǝl bii woyoon mou mǝ. ⁷ Gu sar kǝ suk kǝ bii wu pee wu sǝgǝr, dewar gu tuagat a gǝgǝl wu fun ya gurum wu fu ndung a gǝgǝl dung ni kot gǝ yisti hǝ. Dok mǝdiin bii wap Yesu kristi a tǝm nung bii sǝ amu. ⁸ A kam bǝ mǝ sǝ bii sǝ amu ɗin yisti wu sǝgǝr a yisti ndung 'ni nkwot gǝ a bak pee dee bǝtchan. A dee a kamhǝ nidagat mǝ chin bii sǝ gǝ nawee ni yisti wu mǝ dem shi naduk, ⁹ A yil ndǝgǝn bii yil anǝ, a yen nayong mǝ bii kang gun gǝ gurum wu bua'ar muop. ¹⁰ A naa shidat bǝ a shak a mǝ bua'ar gurum gǝyil dee gurum wubias, dee wu pian vogobpee dee mǝ wap natoon muop, muop nnǝgǝn gǝyil ndung gu duan gu nyit hǝ. ¹¹ Gǝdeshǝ i fu yil dǝ yongba gu kangkaa suk gǝ mee mǝ guwo, ndung gǝ yong a shi emnang, mǝn ni langdok nɗǝgǝn ɓǝlǝp bua'ar, dee wubis, dee wu wap natoon dee wupin vangpee, dee wumous tǝ, dee wu vogobpee, Nayong gǝ sǝsǝ gǝshek gǝ ni. ¹² A nang lat bǝ mǝ kat an fu sheep gurum ndung ni nkwot dǝgǝn lǝ Naan hee? Ndee a kam hǝ bǝ gu sheep a gurum ndung ni dǝgǝn gu nlǝ Naan mou ha? ¹³ Mǝn Naan bii sheep a muop ndung ni mǝkwot ndǝgǝn lǝ Naan hǝ.