¹ Gu mangmǝn a kam, ² ka bi muan gǝdǝ LaNaan, kabi muop mǝ ya bǝlǝp gǝsok Naan. ³ Dip kǝ kam dang din jep lep mǝn kwot a gurum naduk. Dǝ nǝ a bi wulee gǝ shep an kwot a shep gǝgu bǝn kwot a shep nung gurum. sa gǝ a shep kasan mou. ⁴ Ana man kwot me dogorpe ka nǝ mou, wudung nin wu a kwot kiagat mou. Nda wu fǝgǝtǝng ani gǝ shep an. Gǝ kam gudem gu gap shep din she shi bi mou, dǝng she Nda wawul mou. ⁵ Gǝ ning jepee gǝsok mung kwǝ gǝ ni. Jepee endye nung bǝzung nǝgǝn bǝ kowu da kat tǝgǝr gǝm dǝ Naan. ⁶ Mǝ jepna, an pǝ tugat jepee dau ka nǝ gǝ Afollos nsa gun, dǝ de pin gushe man. ɓǝlǝp nɗung mǝn mǝ la yong gu del shi pe wu mǝyil den lat kam yong mǝgwo mang dǝyil ka jin ji ma nde. ⁷ A wuda la pǝnyit gǝkang gu gǝ nde mǝ gurum muop? A me wu gun gǝn ndung gu lap a dang bai? kat a dang ba ame lǝ ndung gun pǝ bǝzung gu gǝ je a kambai? ⁸ Mǝn gu kat jepeendung gun pǝ dem jepee long muop ba gǝ man gǝmu mou! A dem gǝ mu bǝ din gu chan jepee long nani bǝ din mǝ chan gǝshak. ⁹ A endye gǝ mu mǝn jepNaan den mǝn gǝdǝ wutǝs kabi gurum ndung shep yk muop dǝ tuwo mǝ yok abi naa gǝyil, dǝ (mailku) dǝ gurum gǝyil. ¹⁰ Mǝ yok wu yogor nsa bǝlǝp la Naan gǝ kam gun a wu pin man bǝlǝp dǝ LaNaan mǝn gǝbal ba, gun a wu bal, muop fu naa mǝn a wubaan, gun a wuret. ¹¹ Gǝdes mǝn gǝ balak gǝ amtǝ gǝ biyat wubaan, mǝ sua nas wubis mǝ yok wubaanlǝ. ¹² Mǝ chin ɓǝlang, gǝrǝt shi sar mu. Mǝ zhal mǝn, mǝlang wuret ka mou. ¹³ Mǝ agas mǝn mǝ la ɓǝlǝp gǝ endye aar gǝdǝs mǝ mang mǝn kabi le rap nung gǝyil wubis dip. ¹⁴ A yil bi, mǝ a dǝ ka gu waat yi ba a dǝ depin a myap gun yi kabi jep nǝ wuret. ¹⁵ Ɗin gun gǝ gurum wugak gun (dubu) sar dǝLaNaan gun gǝ nda dik chin mou. A an awa nda gu ɗǝgǝn LaNaan gǝdǝɓǝlǝpNaan ¹⁶ Gǝ kam, an fu yong gun dǝ gu yok wu naa shi nǝ. ¹⁷ Ani bǝ a lep Timoti dǝ gu, lalanǝ wudung bǝt nǝ nnung naduk dǝgǝn sǝm nda ni gǝ dye dǝ gu gǝwar ndǝgǝn sǝm la Naan (Almasihu) kabi an wuzep Naan muop nǝgǝn. ¹⁸ Gǝdǝs pak gu muop pǝ ɓabal gǝ nayong she a wul dǝ gu zak mou. ¹⁹ Miskagam dem bǝ yong gǝ ji gǝdes hǝ. A ni yong a man bi chin, yong a la bǝlǝp kaa muop akam shi dat gǝ dempe de muan gǝ dempe ɗǝgǝn kang a muop. ²⁰ Nsa wa gǝbǝtǝng a kǝbǝlǝp laa muop a kǝ maa. ²¹ Dee gu dem a me'e? A wul dǝ gu a gǝnee gǝ ɗempe chelem nung a muan agaam?