¹ Mǝjep'emna muop, a laa ɓǝlǝp gǝ gun ka gurum chelem hǝ mou, a ka gurum shishik muop, a ka jep muop nɗǝgǝn kristi. ² A swaa gun gǝ mwaa yugur a sǝ wu duan mou, nsaa dok gu kee wu nnani mou, bǝ gu kutni dat kamhǝ. ³ Gu kutni nshishik. Waa nsaaɗin (jealousy) gǝ jagar nkwǝt gǝkang gu, ɓǝ gun fu muan a gǝpee nung gurum dat mo? ⁴ Nsaa ɗin mǝgwo nyen, "An a gǝdǝ Bulus," ndee yen, "an gǝdǝ Apolos," bǝ gun a gurum dat mo? ⁵ A wuɗung a Apolos eh? A wuɗung eh? Muop a jep lep dat ndung gu lap ɓǝlǝp naduk nfu muop hǝ, kat gǝbii wu miskagam gap ɓǝlang nmuop hǝ. ⁶ A kop ɗee Apolos lǝ am, mǝn a Naan fier gǝ ni, ⁷ Ni wu kop gǝni wu lǝ am hǝ a fu mǝbii mou. A Naan pǝn pier hǝ a ni amǝbii. ⁸ Gurum wu kop-kop gǝ gurum wu lǝ am muop gǝmee, ɓǝlang amuop. ⁹ Mǝn dip a wuniyesun nbǝlang Naan. Gun a mar Naan gǝ lǝ Naan. ¹⁰ Gǝpee chindong Naan wu pǝn n'an, ndung ni mǝgo ni fu ɗik a kaa. Nit daghat kowuɗang nni kang ɓǝ ɗik pee afe. ¹¹ Nsaa mǝgwo gǝ Boot bǝ tak ndee kugur ɗik wu mǝ tak gwee hǝ mou, ndung a ni a miskagam Yesu hǝ. ¹² Ɗin mǝgwo nɗik lǝ kǝ kugur nhǝ kwǝt a shi (̇gold) oh, a (silver) oh, a (precious stone) oh, a shep oh, a (straw) oh, ¹³ paa gǝ mǝ nyin bǝlang afe dar nsaa ɓit nyin dar kwǝt nwul. Gǝ mǝ kam ni a shi wus. A wus yong gǝ kam ɗong ɓǝlang wu kowuɗung chin hǝ. ¹⁴ Ɗin ɓǝlang mee mǝgwo nlang ɓǝ kat kopgǝshii, ¹⁵ baa zak ɗin ɓǝlang mǝgwo nchaan ɓǝ, wupin gǝ bar gǝyee pǝt a nfu wus. ¹⁶ Ba zeet nǝ gu man kan gun a lǝ wap Naan mǝn chelem Naan tongɗok nɗǝgǝn gu mǝ? ¹⁷ Ɗin mǝgwo ndam lǝ wap Naan bǝ Naan dam ni, nsaa lǝ wap Naan a wusǝsaar. Gun zak a kamhǝ. ¹⁸ Nayong mǝgwo nfǝn shik muup. Ɗin mǝgwo nɗǝgǝn gu mang kǝ wu jin a wu en ngǝyil gǝɗes hǝ ɓǝ nni waa a wuyogor ɗeewar wa a wosoon yi ¹⁹ Nsaa en nung gǝyil nhǝ a yogor dǝ Naan. Nsaa ni a wu yiyil, gu yak mǝ en muop a gǝpee dabat a muop" ²⁰ Bǝn "Naan man kan endye wu en muop a bii wubaan." ²¹ Waa nsaa kamhǝ. Jepee ɗip a nǝmuk, ²² kwǝt a Bulus oh, a Apolos oh, a Kefas oh, agǝyil oh, a bar oh, a muut oh, a jepee gǝdes hǝ oh, a jepee kwǝt nwul oh. Jepee dip a nǝmuk, ²³ gun a nung Naan mǝn Naan a nǝmuk.