¹ Gǝshi wu a ji dǝ gu hǝ, mǝjepnaa muop, ji a laa ɓǝlǝp Naan a gǝpee ɓǝlǝp ɓoot gǝ en mou. ² Nsaa a mang shi ɓǝzung nǝ kaa wua man mǝbii zak nmaa gǝkagam Yesu kristi ndung mǝ kaa ni kǝ shep hǝ ³ An dok nɗǝgǝn gu gǝ sar waam, gǝ lugut, gǝ shik ɗaar. ⁴ Mǝn paar anǝ gǝ ɓǝlǝp laa anǝ dok a nung duruk pee gǝ en mou. Nɗee nhǝ bǝ muop a gǝ bii wu niin chelem Naan gǝ wagap dar hǝ. ⁵ yong baa gǝ pǝn naduk agu nkwǝt a ɗǝgǝn en gurum ɗee kaa maa nnung Naan ⁶ Gǝɗes hǝ gǝ mǝ laa ɓǝlǝp en Naan dǝ mǝfiar muop, a gǝpee en gǝyil mou, wa nnung mǝn long mǝsatni wu gǝ mǝ ɗilǝng hǝ mou. ⁷ Ɗee nhǝ, bǝ mǝ laa bǝlǝp Naan nɗǝgǝn naduk wusǝsok wu Naan dok koos ɗen sheedee yaakugur gǝyil dǝ wu mang gun ɗǝgǝt hǝ. ⁸ Mǝ mǝnlong gǝyil nhǝ man gǝyit mou, nsaa ɗin mǝ man bǝ ɗin dǝgǝn mǝ kaa miskagam wu maa mou. ⁹ Kat gǝbii wu yildok mǝ, "mee mǝ yit mou, mee mǝ kam kǝlǝng mou, mee mǝ bǝzung dye bii wu Naan chinɗen dǝ muop wu mǝ ɗem ni hǝ mou. ¹⁰ Naan kam gǝyit jepee dip nmǝn nɗǝgǝn chelem. A chelem gǝ tang gǝdǝ jepee gǝyil dip gǝ nung Naan. ¹¹ A wuɗang man endye gurum ba zeet nǝ a chelem wupin ni eh? ¹² Dok mǝ lap a chelem gǝyil mou, a chelem wutong a dǝ Naan hǝ, ɗeewar mǝ man jepee wu Naan gǝ pǝn nmǝn ɗaglak hǝ. ¹³ Mǝn fu laa ɓǝlǝp jepee muop nhǝ shi fu mu, a gǝpee biishe en gurm mou, a shi chelem,gǝ mǝ bil gǝyit bii chelem yi ngurum chelem Muop. ¹⁴ Gurum wu ni nchelem mou hǝ gǝ lap jepee chelem Naan mou, nsaamuop a yogor fu muup. Ni a wu mangǝ kang muopmou, nsaa gǝ mǝ man gǝyit a nchelem. ¹⁵ Ni wu ni nchelem hǝ gǝsheep jepee dip, mǝgwo gǝ sheep ni mou. ¹⁶ A wuɗung gǝ man ɓǝzung miskagam ɗeewar nkar ni ye? A mǝn gǝ endye shik nung krist hǝ.