¹ Ena eko ehwhen ke gankya na kiki, ihwe de kiben na nyishun de ukentsen ke abyi yesu kirisiti. ² Eke abyi mo, idu uvon ke gankya na kiki ke na sisi ni ibunte mo ni, i we fken ikpe ke kiben na imbe te ke a'avun imbe ukentsen. ³ De enani bikya wa, i we fken ikpe ke abyi ekan najiji.iyiya nyon ekan na jiji li bo de kiben na kye-kye. ⁴ kiben na kye-kye li bo de ali-ni-si, A li ni si li bo de kiben na mbe te. ⁵ Kiben na mbe te, de le kii-aziki wa ke ne echon embe ukentsen te kiben imbii ke abyi ivunvun na kye-kye na ambe ki ni. ⁶ Itan na ihweke efu alinibyita yesu bo afu-efu ke ikyi. ⁷ La kye'ekpo na igye dunye ala fu-efu ke ikyi igye na vo iyi nisi, Hin, igye niyen hwe na ala fu-efu ke ikyi igyi ni si. ⁸ Hin, ukentse chon-echon mo ke abyi'i, ikyi inyon itana ihwe ke efu iyi na byita, kirisiti fule ke ikyi. ⁹ Na tkan'ane hin, ifka-atsu ke abyi eken mo, ila vontsu ke ango imbe ukentsen ke abyi mo. ¹⁰ Itan'na ehwe be ezemo, embei go de ukentsen ke abyi efu imba mo, na tkan ane, embi 'go udi ni, ila vontsu ke abyi ungumo. ¹¹ De'enani bikya'a, ila ten-kiben de ukentsen ke abyi ato yesu kirisiti na dadini iyiya nyon e'ke abyi mo ipyeme na go-go'udi ni. ¹² Aneni, e'ke abyi igye dunye ke alina byita ka utenin, eke uten ni ke efu kake abyi alina byita. Efu te ke ikyi mingye kyame, ikyi inyoni'i kyame vo iyi na byita. ¹³ Ke na u'ndo ate, iyi na byita te utenni, hin, ele yiya iyi na byita wa itan na u'ndon ale te wa na. ¹⁴ Aneni, efu yese ke abyi Adamu bo abyi musa, de be ele vo iyi na byita itso (like) imbe Adumu ke atkun na kye-kye-na a'be ikyi'ido ke abyi ba e'bo na. ¹⁵ Hin, udi le te'enyon udalawa, Akena a be u'dala igye dunye ke bo de efu mingye hwose, la te ane ke sisi imbe igye dunye, yesu krisiti la te de mingye hwose. ¹⁶ udi le te'enyon abgu ehwen igye dunye na avo iyi ni byi na wa. Aneni ehwen na fken-fken la te ke ikyi uda igye na, de no-no'mo'o. aneni udi bo de na fkatsu ke ikyi uda hwose. ¹⁷ Aneni, ke abyi uda'a igye dunye na, efu tsukule ke ikyi igye dunye na, la te ane, ke ikyi be epyeme sisi hwose de udi na vo na gankya, ke ungun yesu kirisiti. ¹⁸ Aneni, te'enyon uda'a igye dunye a bo de abgu ehwen ke ikyi mingye kyame, la te'ane, atsunhwo na gankya imbe igye dunye la bo de na fkatsu de ungun ke abyi mingye kyame. ¹⁹ Te te'enyon, kye-kye atkun imbe igye dunye, ke mingye hwose vo iyi na byita, aneni, ke abyi ikyi-na ku-ku embe igye dunye la ke mingye hwose du gankya. ²⁰ Hin, u'ndo bo, aki iyi na byita hwose, sisi hin hwose tkan ane. ²¹ Iyi ni vo, ke tete'enyon iyi na byita afge efu, te,ane, sisi hin, fge iyi na gankya de ungun na vontsu ke abyi yesu kirisiti Ato ukentse imbii.