¹ Inyo me ila nyoke ikyi Abraham, tiken imbi na ahwedai me ikpe'i ² Ake ski sakyemen Abraham ke atsure mo na vo-vo ake la tken ikpei,hin de-ede ukencha wa. ³ Inyo ke afka nyon'u? "Abraham ke gaikya ke abyi ukencha, e'ma nyon ahwe ingye na vo-sisi." ⁴ Dadini ingye no avo atsuvo, la pye abgu atsuvo, te be ekpo wa. ⁵ Hin ingye na a de vo atsuvo wa hin a ki gaigya ingye ne ako ehwen imbe ingye ne a'vo iyi ne ibyi na e'kpen'a to ba vosisi. ⁶ Davidi hin kpe na'isi ke ingye ne ukencha a'kpen na-isi ke'a ke ade vo atsuro wa na. ⁷ A'nyon," aske mingye be etowe se de iyi ne ibyi ne ero na, ke iyi ne ibyi-we etose na. ⁸ Aske ingyena iyi, ne ukencha a'de la kpen iyi-ni ibyi-mo wa na. ⁹ Aken ne ukencha anyo ini eke ikyi ba ku-uzwin bekya na de'e de be e'de ku-uzwin wa hin? wan e'nyon," E'kpen gaikya ke Abraham nyon ingye na vo-sisi. ¹⁰ E'vo ane ke akpe ke'a? E'ke itan na a'de ku uzwin a'hawa na ete'a itan ne a'ku na? De e'ke itan ne e'ku na wa, han ne e'de ku ahawa na. ¹¹ Abraham pyeme ikyuido imbe na ku-uzwin ke a'be ikyido imbe ingye na gaikya na ahwede'a ke itan na a'de ki gaikya ahawana. E'ro iyina ke a'be ato imbe be e'ki gaikya be e'de ku uzwin wa na, ni gaikya na e'kpeme kewe ¹² Anga hwe ato imbe ba ku uzwin, be e'de ku'zwin bikya wa hin e'kyun ke afken ikyun imbe gaikya ne Abraham ato ahwe dea inyen a'ku-uzwin na. ¹³ Ke yeye nuswen so abyi Abraham de ewe eswi-mo nyon ala be eswi ke uteni ne a'de bo ke udo wa hin a'zu ke gaikiya na kiki. ¹⁴ Ke mingye be ehwe ke udona hwe imba eswi, gaikya iyi na de u'vgi nuswen na yeye na hin de hwe de uya wa. ¹⁵ Wani udo li bo de ango, hin abyi ne udo a'de te'ewa iyi-ni ibyi de te'ewa. ¹⁶ Te aneni, e'ke gaikyai ke nuswen na yeye la bun'te, nasisi ne a'la hwe ikyi mingye kya me be'ebe eswi imbe Abraham, de e'ke be e'hwe efu-udo na-wa, hin e'be be ehwe vo atsu-vo de gaikya imbe Abraham na A'hwe ato imbi'i kyame, ¹⁷ E'nyon e'ba na, ''M'ten'u nyon u'hwe ato imbe uten karta (kyame)." Abraham bun'hwe eswen ingye ne u'me a'ki gaikya ke ikyi'mo, ukencha ne a'li ki ungun ke abyi ba futu, a'li ke iyi na a'de te wa li ba te. ¹⁸ Ke kiben na tete apyido de na tikiben, nyon ume la be ato imbe uten hwense, inyon e'che'a na a'ne, "abyi eswi mini a'la te tena'' ¹⁹ Ke na ngan nufun ke ivuvun ni, ambe ikpe'imo nyon u'me fure (ke ne abe une deli ni), ke ne uku imba imbe sara a nyire ni. ²⁰ Hin, ke nuswen na yeye imbe ukencha, Abraham de semowa. Hin akye-kiben ke ubyen de na'isi ke abyi ukencha. ²¹ Apyiido de kiben mo kyame de nuswen ne ukencha aye na, akya'a vo iyi na kyame. ²² Te'aneni e'kpen'a ke ba yia aken. ²³ hin, ekpan'aken na nyon," e'bame ke ikyimo na," e'de ba ke ikyi mo bikyawa. ²⁴ Eba ke ikyi imbi hin ekpeme'i be i'ki gaikya ke abyimo ne a beshi-me yesu Ato'i ke efuna. ²⁵ Nani ingye ne e'mbe'a ki ke iyi ne-ibyi akya'a beshime'a ke na-isi imbi'i.