¹ Ambina yahudawa ju azwie azwikikema ekombi? ² Asi ufuten kata, nga eyahudawa embe udakika kye azwimbe ukencha. ³ Deke yahudawa ba-ugye ma soa uzwemu fa? Deke emba soa uzwea ukencha ra voa a tora? ⁴ Ara hwa inoa. Deke ama hwe mo, ukencha ra hwe ena uze, enyuhwe kata ra te eba eden azwie eba hwe ufka ma ke achu abu uhwe enye uzwe nkembe akenmu, ke ehwa etibu mba. ⁵ Na ira voiya ambisisi ama, machu ambisisi mbe ukencha ambi ira nyoma ekon? ukencha va enyenara vo ambi sigyoa, enye na ra chu uwuonmo? na nyon akembi nke uchu kukombe nye-uhwe. ⁶ Ara hwa inoa. Deke ama hwe ino ukenchan ra kpen ehwa uten ine ⁷ Deke uzwie mbe ukencha nke mbe edenskuskomi mbe ena vuvo ka, ambi na ke era de ambe enye vo ambi zwizwi ma ekon? ⁸ Ambi na rake enranyonke esweakpu na era nyo aken ede etki mi ma, ba ugye kpe indoh nyina inombi.Tau, ikivo ambi zwizwike ena sisi abo? ehwambe uzwen. ⁹ Akombi? itere akona inyo kpuaze egi? ahwa.Abi ichu to re abgu ektime yahudawa re hollinawa nyina abe ete ba vo ambi zwizwi. ¹⁰ Azwie embe bahwe ufka ma, enyena ravo ambisisi hwa, hwa ko cika ine. ¹¹ Enyena kogi uchu hwa, enye na ra do ukencha hwa. ¹² Katambe store utofire, katambe enyena voagi hwa mua enyena ra vo ambisisi hwa, ko ugye ine hwa. ¹³ Uvumbe fkoto te zena ummue, uma te edembe. ¹⁴ Unu swembe mga hwere unututo re akon unda. ¹⁵ Afkambe China suso azwie ekonsise. ¹⁶ Ambi vozwizwi re ekavuvo hwe ufumbe ¹⁷ Ebatera choa ikibe na ido ikia. ¹⁸ A fuken mbe ukencha hwa anigimbea. ¹⁹ Nigi ambi na udon nyoma, udon ra nyon taken etkimbe eba gi udon ma. ²⁰ Enye na emo ehwa mamba hwa ikiswemoa ²¹ Ndinehwe kpuva etkime udonia, Ambisisi mbe ukencha chu. Abgu mbe udon re anebi, ²² Ambisisi mbe ukencha azwie uzwe suso nkembe yesu krisiti so azwie eba so uzwema. ambi na kyautoe hwa. ²³ Katambe evo ambizwizwi embe ra hwa azwie ufo mbe ukencha'a ²⁴ Nke Ambisisi mbe ekpemba ehwan na hwe nkembe yesu krisiti ma. ²⁵ Ukencha mbe imba mbe yesu krisiti ke, ke iju ena fkazizi dekena ima so uzwe nkembe ekenmo. Ambe imbamo yesu krisiti kenkembe abgu ehwa, ke ikanye ambizwizwi mbi na nyufun ²⁶ Nkembe Hakuri mo, ambi tonkata vo ke achun enasisimbo etan ite_muten. A chue a hwe enye kpeehwa. ibu ara ko ehwa etkimbi kata re uzwen nkembe yesu krisiti. ²⁷ Ambi ura nde igimuma ekon? embe zire. Etkimbe akon? Nkembe uzwen suso. ²⁸ Nhwemo inyina eko ehwa kea nye-uhwea nkembe uzwen suso vana ekpe ehwa etkimoa ²⁹ Ukencha mu ukencha mbe yahudawa mbana? Ava ukencha mbe eba kpa ikiana? A hwe ukencha mbe eba kpa iki kata. ³⁰ Deke ukencha ma hwe ugye ana ko ehwa enye na ke uzwi nke mbe uzwen suso re eba ke uzwi teama azwen suso. ³¹ Imbe zi udon etkimbe uzwen suso? Ara hwa inoa, Etkimbe ino itke ra kya udon.