¹ Iyon ke ila nyon dadinia? ila so eswen de iyi na byita ke sisi mo a'te hwose? ² A'ka le te a'ne wa, la va'ane ke ifure ke iyi na byita, ila gare so eswen de iyi na byita na vovo? ³ Mini le yiya nyon, igye be evo-we batisima ke abyi efu'n mo wa? ⁴ Embi enyin de'a du-udi ke abyi batisima ke efu,u mo. Aneni, te'enyon kirisiti anyitsen ke efu ke abyin ekye mbe Ato, ke iihin ikyi-ikyun ke abyi ungun ni-ifi. ⁵ Aneni, akena ihwe de'a ke abyi efu'mo, ila hwe de'a ke na nyitsenmo. ⁶ Iyiya nyon, embe igye imbei niikpi bekan de'a' ke ikpe imbe'e alone byita aji-ise. iyi ni va'ane ke ika hwe upyi iyi na byita wa. ⁷ Igye na a'fure a'hwe de gankya de ehwo ke abyi iyi ni ipyi. ⁸ Hin, e'ne i'fure de kirisiti, ikyigankya nyon, ila ba hwe de'a du-udii. ⁹ Iyiya nyon, ena kirisiti anyitsen ke efu ni, ala de fire ufiwa efu le hwe de uvon ke ikyi no wa. ¹⁰ Ke abyi efu na afu ke ikyi iyi na byita ni, afire bgu-unyen kyame. ¹¹ A neni, o hin, ula mbele iskan nyon u'fure ke iyi na byita, hin, uhwe de ungun ke abyi ukentsen yesu kirisiti. ¹² Aneni, kare ke iyi na byita a'hwe de u'ndon ke ikpe'n wa, ke ukale ba e'ske mo wa. ¹³ Kare mbe ikpe'n ke iyi na byita wa, u'la hwe itken na vo iyi ni byi. Hin, mbe iskun ke ukentsen tete'enyon igye na avontsu ke abyi efu bo abyi ungun, mbe iskun ke ukentsen tete'enyon itken na go iyi nasisi. ¹⁴ Kare ki iyi na byita ahwe de ekye ke ikiu wa ule hwe ke abyi u'ndon wa, hin ke abyi na sisi. ¹⁵ Inyon ke ila go iyi ni-byi kena ile hwe abyi u'undo wa, hin, ke abyi na sisi? A'ka le te a'ne wa. ¹⁶ U'le yiya nyon ena umbe iskun te upyi ule hwe upyi ke abyi igye na uhwe ba'ana. ula hwe upyi ke abyi iyi na byita, na ala tsu so abyi efu'u, ko ula hwe upyi ke abyi iyi na sisi ne uhwe vo na ala tsu so ke abyi na gankya. ¹⁷ Hin, i'kpuu-ukentsen! E'na mini ehwe upyi ke abyi iyi na byita hin, mini ki-gankya de kiben dunyen a'we ba iyi na hwen-hwen na e'hwen mini ni. ¹⁸ Mini da na fkatsu ke abyi iyi na byita, e'mbe mini hwe upyi ke iyi na sisi. ¹⁹ Mbe nyon aken de mini te'enyon e'bo-uzun, ke ikyi na ngan nu-ufun mini ke eken de ibii, tete'enyon mini ehwe upyi ke ina ale kye-kye wa de ke na le ba u'udon wa, la ki hwe be ewaleba u'ndon wa, aneni, dadini mini embe iskun mini hwe upyi ke abyi sisi na vivo ke ikyi na sakeme. ²⁰ itana mini ehwe upyi ke abyi iyi na byita, mini fkatsu ke iyi na sisi. ²¹ Ke itanina, a'van-van uti inyon ke mini du ke abyi iyi na dadini mini ehwe fge'aziki ke ikyi mo ni? abgu ehwen iyi be tu'ni efu. ²² Hin, dadini ena efka-me mini ke iyi ni byini, mini hwe upyi ukentsen mini hwe de a van-van uti ke na-sakeme. ²³ Aneni abgu ehwen iyi na byita efu hin u'di embe ukentsen ungun na vontsu ke abyi krisiti yesu Ato'i