Uchun 5

1 Azwifun nde abgu ji mbe eyen whe uchen we ufka eba ambi whe nyifun re ikiswen, eteto'a where uji itofan. 2 Nde malaika ugyen kpantan ine zibo anyon aken re uvun ghagyi, "Eyen fko aka ufkawen a vwe fo'akpu uji ten aban?" 3 Eyen ugyen akpo re ikiwhe re ichi ikkiwhe na fko ka ufkawen akpen ibafun whe'a. 4 Nzi ta azwi idnokpi itki eyen fko ka ufkawen akpen iba mo whe'a. 5 Eyen ugyen iken mbe banghagye ten nyon'a, "Ti kpiwa idno. De! konkon mbe eswi mbe Yahuza, akpo' mbe Dauda, kpujire-ekah. Afkoato ufka wen re uji itofan ba e mbe teafun." 6 Ndeimba iton senwhe uko uchen wen azwi mbe ambi to ugyon ini ten, re banghagyi ten. A whe ziena ebwan mra. A tere aswi itofan re nigyi ito fan, ete nvun mbe Emo itofan ba etsu kpue sibo efuuten. 7 Aso aka mezi ufka wen azwi abgu ji mbe eyen whe uchen wen. 8 Azwi amezire ufka wen ma, ambi to ugyon ini ten re banghagyi uji-ugyen Imba ini ten bwen ikiwhe ke imba-iton fun. Abe kata etere ipeh re ufka se enuben na ubu mgan fun, aten ufo mbe eyen mbe Emo ba te kikye. 9 Eto ukyen fifi. "u mbo ena ume'azi ufka, ufkun ame uji ba ete'a re-edo. efun gye bwan mbu, re eken mbu umezi kpen eyenuwhe ke ukechan. Azwi eswi, re eden, re eyenuwhe re nken uten." 10 Ukpue ghan ebe-whe re ebachen ba ra voaten mbe Emo, abe etebun ame azwi efuutenwen. 11 Azwi n'na de ma nfkan ikpe me malaika burqa ifki inne ba towhome uchen fun whe re ambi to ugyon ini ten re banghagyi ten. Iwhu mbe ra bu udjun ebwo, mgan udjun ebwo, ebwo-bwo ufi. 12 Enyen re uvun ghagyi "efo so azwi iton na efun mea gyebwan, akpe eke, re edjo, re egha, re efo, re enqa nvun." 13 Nfkan ambi ba emo kata ba te akpo, eba te ikiwhe, eba te ichi ikiwhe, eba itki enuben - ambi ba te nken - nyon'a, "Azwi mbe eyen whe itki uchen re azwi mbe Imba iton, ekpe ena nuun, re efo, re edjo, re eke-afu-egyi te chuchu." 14 Ambi to ugyon ini ten nyon "Amin!" e bamghagyi bwen ikiwhe evun'a