Uchun 4

1 Nyifun meq ambiten nka niggyi nde unu akpo fkoto uvun na ugha nfkan ma ne nyon aken ziena mpuu, anyon'a "tko bo atan ate, nna tsun ambi ba tetore ambi ba ravo ikiswen." 2 Afkan ugyen nka iken nvun, nde uchen uwhe eme to whe akpo, eyen ugyen me ichi whe fun. 3 Eyen whe fun ma zi mbo yasfa re yakutu. Akan-uva zi ho mbe uchen fun whe, akan-uva fun zi mbo zumurudu. 4 Uchen fun e dgu ho mba re ichikyen uji-ugyen imba ini, ichikyen fun banghagyi uji-ugyen imba ini kpu ichi tefan, ese itken itin re ambi bwe itki ambi asho. 5 Azwi uchen fun, eden uffi zifun zirabo, ara swun nigyi a ghan indyo. Ezun uffi itofan te ra ji ikiswen mbe uchenfun, ezun uffi ten nvun mbe ukechan itofan. 6 Ikiswen mbe uchen fun kwalba ugyen senwhe efun ra chichen uko mbe uchen fun eban ho mbe re ambi to ugyon ini nigyi ho si egyi, nyifu re ikiswen. 7 Ambi to ugyon na ugha whe ziena konkon, ena to-ifan whezie zonjon, ambi to ugyon na to - ita where ikiswen zi eyenuwhe, ambi to ugyon na to ini whezi uken-ezwen. 8 Ambi to-ugyonfun kata mbe etere awhun itogyen nigyi mgan si'a egyi tkowhu-siwhu ukin re uchu eswen'a na era nyon, "kikye, kikye, kikye whe Imbi-id, Ukachan na where eke tkan ma, afun whe, awhe, ata bo awhe." 9 Ufonna ambi to ugyon ra voria, era ka efo, e whun abgu ra ke eyen whe uchen wen, eyen whe'a chuchu. 10 Banghagyi uji-ugyen imba ini ten zi ra do iki ra ke eyen whe uchenwen, era vun eyen whe chuchu wen. Ekpu ambi bwe itki asho mbe ra se ikiswen uchen wen era nyon'a "Efo whe enambu, imbi-idi mbi, ukechan mbi, ukpe efo re abgu idjun re eke-afu-egyi, umon ambi kata abu, u chon abu uto ambi ba umon ma ke ete.