Uchun 6

1 Nka nigyi nde Imba iton wen fkun to uji na ugyen nken mbe itofan wen, efun nfkan ugyen nken mbe ambi to ugyon ini ten nyon aken re uvun ghaggyi ziena etki-ghan-iro, "A bo." 2 Nka nigyi nde uyyon itin. Eyen whe itki mbo ma kon uti-uto whe, a mbe ibwe itki ambi asho ka, a zibo igyi zi eyen kpujjire-ekah no a chon na iki ji-ekah. 3 Azwi imbba iton wen fkun to uji na to ifan, nfkan ambi to ugyon na to ifan nyon "a bo". 4 Efun uyon na to ifan zi bo - whe zi iban. Eyen tko whe itki mbo ma eka'a ufu na amezi gyengyen nken efu'uten ate, ke eyen ba tefun te gyeabwan egye. Eyen mbi e mbe ada i'poto ine ka. 5 Iten na imba ifon wen fkunto uji na to ita, nfkan ambi to ugyon na to ita nyon "A bo!" Efun nde uyon na izwin, eyen whe itki mo ma ken ambi mbo ejo itken zi egye kan te. 6 Nfkan ambina zi uvun, zi azwi mbe ambi togyon nyon'a "Tasa ugyen, mbe idna ambi ra bu ini asho ugyen, e tasa ita me idna ambi ra whe ini asho ugyen. Abu uti vo zwi wa ubu re enuben idna-ambi." 7 Iten na Imba iton wen fkun to uji na to ini, nfkan uvun mbe ambi to ugyon na to ini wen nyon "A bo!" Nde uyon tenpwen ine zibo. Eyen tko whefun ma etan nyon'a uwherefu, ichefu bwe are. Eke eke-afu-egyi itki ibwoko ini me efu'uten wen, ne ebwan ji'e re ada fun, re umgha, re uma, re Ibibun ba te efu'uten wen. 9 Iten na imba iton wen fkunto uji na to itkun, nka enigyi ichi uto, nde uvun mbe eba efun bwan'e itki aken mbe Emo re aken sisi na efun tebun mbe whe ma. 10 Ekpi iro re uvun ghangyi, "ukin ni, Eyen tebun azwi, Eyen kikye, Eyen uzwen, se uma kpenre ewhan itki mbe eba te efuuten ate, so uma kpare ekpo mbe eken mbi?" 11 Abe itki-itki eke itken itin, eshe nyon etosi afkan ke iwhu mbe ebedimbe re ebe-uvginimbe be era bwan ma mbo re, azwi efun bwan abe ma. 12 Azwi Imba iton wen fkunto ujji na to itogyen, n'na de ma ikiwhe tanghato ghagyi ine. Ukin chiken to ghan izwin zi itken izwin, uswan binghan so zi eken. 13 Itke akpo kizi sibo ikiwhe te zi avan acho ba ta zweria ke evuu be kpue si iki. 14 Egyi akpo fwenzi ziena ufka na efwe me banzi. Iwhen re ebwo ba te ma yun azwi ba efun tefun ma. 15 Efun ebewhe ba te ikiwhe ate re eba efo, re eba itki, re eba asho, re eba tere eke-afu-egyi, re eba dan ma, uswi re eyen vo'a uswi'a, che ton udju, ifa utku iwhen. 16 She iwhen utku nyon'a "mgye si egyi! Kpui ton ke eyen whe uchen wen ati de'imba re azwi ughon mbe imba iton wen. 17 Ukin ughon ghagyi mbe bo re Eyen re senwhe aka aban?"