Uchun 13

1 Aneni N'dew ibi butsu ke efu uzi. A hwe de apyi ubo de ikyi eto-fan. Ke ikyi apyi mo, ahwe de ibge-ki ehwo ubo, ke koni ikyi hwe de emben achika. 2 Ibi ne n'de ni hwe te enyton ikpi. Afken mo te enyon imbe ato-ihwu niswen mo te enyon imbe ato-hwu. Ufgin ke'a ekye, de abyi hwe mo de undo mo ni ihwe na vo utsen. 3 Ikyi dunyen imbe ibi na, efkon tee mo, hin efkon ni ihwu se bikya. Utenyi kyame be e hwe bge ale na za weii. 4 E hwe fen ufgin hin, ikyi inyon ambe ekyemo ke ibi. E fen ibi hin, a we nyon abe hwe te enyon ibi'u? A'be la kpu eka de'a u? 5 Ibi na hwe de niswen na nyon aken de ikpe na fkin-fkin de achika na yeye. E to'ase ke avo ekye mo ke uswan 42. 6 Aneni ibi na fkuto niswen ahwe nyon aken na byita ke ikyi ukentsen, ahwe vge-achika ke ikyi embe mo de ishindo emo, be ehwe etsen. 7 E ki ufgin uvon ke akpu eka de e we ingye ukentsen ba kye kye ke e ji we eka. Aneni, e ki ufgin ekye ke ikyi eden, mingye, eswi de utenyi kyame. 8 Be ehwe uten ni kyame la ba'a. Ingye na embenmo ale te afka ungun wa ke na yuse utsen, afka imbe imba a'dun na e mga me na. 9 Ingye na ahwe de atkun, afken. 10 Ingye na ela mbele so upyi, ke efu upyi a la so. Ingye na ela mgame de eh'wen, de ehwen ela mgame. E nyon ido ke abyi be bun kiben de be ehwe de gankya ke abyi mingye ba kye kye imbe ukentsen. 11 Aneni N'de ibi ni'en buzu iyi ke efu iki. Ahwe de apyi ifan te enyon imba a'dun, anyon aken te enyon ufgin. 12 A'tsun ekye te enyon imbe ibi na de isise na ke eswenmo, a' ki utenyi de be ehwe efumo kyame ba'a ibi na de isise na, na efkonmo abikya na. 13 A'vo iyi ba zayi hwose. A' ki ufeh buzu ke etsen bo ise ke eswen mingye. 14 Ke ikyido, e ke'a ekye ke ikyi ufgin, A'hgaa be ehwe utenyi, ahwe che we nyon e' kyame abgen te ibi no e'ten-ufa de ehwe hin ale fure wo. 15 E ke'a uvon ke a'ki abgen imbe ibi atu'a ungun ke e nyon aken, ke a mganme be esemo na ba'a abgen imbe ibi na. 16 A' ki mingye kyame, be ele hwe de uya we de be ehwe de ekye, be ehwe de asho, de be ekan, be ehwe de uvon, de upyi, ela pye ikyido ke abgun iji de ebge. 17 La kye-ekpu na ingye ala kpen iyi de na mbe iyi kpen se ala hwe de ikyido imbe ibi na. Nanini e numba na e we tsun embenmo. 18 Nani we gafun, aken na yi'a ingye na adu na yi'a, akpen umba imbe ibi na. E numba imbe ingye. Numba mo e 666