1 E deh ikyido ni ihwu butsu ke etsen: undo tsu uken, de uzwan ke ito-afken mo, a bge itke ubo-azi'ifan ke ikyi mo. 2 A hwe de efu, a we dgu imba a we chinyen. 3 Ikyi do nyiyen butsu ke etsen: deh! ufgin ni ihwu ni'imban hwe de ikyi etaan de apyii ubo, a hwe de ibgeki-uhwe etofan ke ikyi. 4 Ukyen mo Vge me itke ita ke etsen bo isey. Ufgin bunte ke efyen undo na ahwe dgo imba na, ke itan na imba ala butsuna ume la bgan me imba. 5 A mbi-imba nu-uzun, na ala hwe uhwe ne uten ni kyante de ugha-asho. E pyeme imba so a byi ukentsen de abyi hwe mo. 6 Undo ma chongan so ufu'aben, abyina ukentsen akyame te ale na, ke ela kon ke uken 1, 260. 7 Anene ekqa we kpu ke etsen. Makailu de ba'atkun mo we kpu eka de ufgin, ufgin de ba atkun mo hin kpu eka de we. 8 Hin ufgin le hwe de ekye na tkan eka wa. Aneni ume de ba'a abyi na hwe ke etsen wa. 9 Ufgin ni ihwu na eli nyon nyon ingye na vo igi na byita, (Satan) na ahgaa utenyi kyarne-e tsu mie ta iseh, de ba'atkunmo. 10 Aneni m'fken uvun na kye-ekpoke etsen: Dadinni ungun na lontsu de ekye de uten-uhweq imbe ukentsen de ekye imbe Krisiti mo. E tsumeq ingye eze imbayoi ta iseh, ingyeqw ma mbe aken na byita ke ikyi we so eswen ukentsen de ukende utsu. 11 E jia eka ke eken imbe imba adun de ekpan we na nyo-nyon. Ele chon ungun we wa so ke efu efun hin. 12 Aneni ten kiben e mini etsen de be ehwe mo kyame. Hin shishi te abyi mini be uten ni de uzi ni ihwu, ikyi nyon ingye na byita na so ise ke abyi mini. Ango' bmye'a kiben, mini yiya nyon itan mo le gapye hwose wa. 13 Ena ufgin ayiya nyon embe'a ta so ise ke utenyi ni, a dgan undo na a mba-imba nu'uzun na. 14 Hin e undo na ahun, ifan imbe agyira ni ihwu ke a vun so abyi na ekyame te ale ke ufu'oben. Abyi na ela dgen qso ke itan, so efyu-itan na ufgin a de la de'a wa. 15 Ufgin fki riben butsu ke nyiswe mo te enyon uzi ke riben a bo hwose na ala kyemea so. 16 Hin abyi utenyi ya undo na le. U'tenyi fkuito nyiswen akpu uzi na ufgin afki butsu ke nyiswen mo na vo. 17 Aneni ufgin fkin ango de undo na, aneni angaqqre so ahwe kpu eka de e we ezwi undo na, be ehwe ba undon uketsen, e bunte ke ekpan aken Yesu. 18 Aneni ufgin bunte a san ke efu uzi.