Uchun 11

1 A'kpu ekpu ka afkan ken azwe na ambi mbo ambi. Ashie ken "nyon etan ke ni nbwu ikpi mbe ukechan re azwi kike ikiswen, ne ba'a vun Ukechan kiken. 2 Ti mbwu wa azwi gyi-gyi mbe ikpi'a, mbe kere ba gye Ukachan. A ra tsa-tsa mbe efu uten kike mbe uswan uji-efan imba e'fan. 3 Na ke ba ifan ba de kefigyi mbe ambi na ra vo ukin-swen mbe egye 1260 mbe ukin-no era se etken zwi-ikube." 4 Ba'aten uta ambi zatu re ufi na sen hwu-hwe etan kiswen mbe Ukechan mbe ufun hwen. 5 eyen nammo mbe na aqvo-szwi mbe'e, ufi zibo yin-swe e-mbe a ra bwa-kpe ufu wen. 6 Ba de hwe eke na e'chiken mbe aszwi akpo ke e'tki tu'fka mbe uki mbara na ara yon ambi ba ra vo-iki-swe. Ehwere kefugi na e'ra tu'be ghan mbe niben mbara a'ghan eken re aken gyun gyun ra hwe umah ra hwe re ite ite aswe na e' chum. Ke e'ma zswere re nukpwi, e'bibun ba ra zibo e'chi e'hwa na ra kpo ekah re de. I'bu a ra ji ekah ara bwe. 8 U'hun egyi mbe'e do hwe utu ba suko kiken utai ngyagi (ambi vuke a ra tunyina Saduna re Masar) aszwi e'mbe ukachan mbe wan-e'kan. 9 E'mbe'e ukin ita re she'e eyen ba ugye zi e'swe, E'de'en, e'fu' uten ra e'gyi mbe'e. E'ra ke emba lo umi'a. 10 E'ba'a to ufun era ten utsu e'tki mbe'e. A' be'e vo gye na e' ra ko ake e'gye uhesi mbara ifan vo-szwe mbe ba'a hwe ufun. 11 Mbe'e ukin ita re she'e ugyun mbe ukachan ra ka e'gyi, e'sen-hwe re itiba-afkan. Fiken gya-gi rakpo e'tki mbe ba'a de ma'a. 12 E'ra fkan uvun she;e yina, ni tko bo'o' a'tee!" a bee era yon ka tko akpo kiken u'moo, ba'a eze ra de etan. 13 E'ten wu'na iki hwe ra ki egyi re kefigi, aszwe bwoo in kikan ten ra mgye. Eyen dubu itifan ra fu kiken egyi kike mbe ufu, e'ba'a te're ugwun ra hwe're fiken e'ra ke ukachan na hwe akpo e'fo. 14 E'na sigyu na to itan vun zire. Debo! e'ma to ita ra bo'o ndi-di ne wen. Eyen a qtqen nkon etifan ven mbwu uvon' mbara nyon aken kikan akpe nyina, idi sisi mbe ufun wen ghan re idi si si mbe Emo re Yesu Krisiti, a ka do ka so hwen-hwen." 16 Bakagi bara uju-ugye imba e'nii, ba hwe uchen kiken ki-swe mbe ukachan, e'mbe ki-swe mbe hwe iki e'von Ukachan. 17 E'yina, abi ten utsu ku' Emo Ukachan na ghagyi, eyen ugye na hwe re na fun hwe, na ufun mbe zire kefigi mbo na ghagi na ubara do. 18 Fu-uten mbara fkan re ugwun, ugwun bare. Ufun bore na ba fure ifu e'ra kpwe-e'hwan ura ke uswe mbara re uhesi mbara agbu e'hwan re eyen, ke'ke', re ba'a ken eben mbo, ba hwere aten ghangyi. e'ten bore na mbu ura vo-szwe ba vo-szwe ufu." 19 Ikpi mbe Ukachan kike akpo fkoto akwatin mbe eke igye kiken aszwe von-ukachan. Ebwa re egi-gha, ido nghan bara, na mbwo gan-ga mbe e'tki, re e'gyi kiki mbe exihwe re imo e'tki na ghangi.