Uchun 14

1 Nkasi nde Imba mu uketsan sehwe iskihwe. De ibu manyi 144, 000 mba hwe de ibenmu de me atomu mbahwe ibwabe. 2 Nfkan uvon akpo de ikpe me nubenba de uskinghado. Uvon nfkan hwezua inyebo ha mbe-ibo. 3 Iha to uken afdi zuhwe uhwe de ambi kpunyo ini de baskuho. Nyohwe unye hwan ma ukenma, keke manye 144, 000 na ikpen-mbo afdikayi ne. 4 Mbane hwe manyiba ivofdibe iyibe de Bando, keken ikenyoskebe ukeh afdi ambi-mban. Hwe mba iba Imba me uketsan so afdiba aso. Ihwe mba ifkazu nken nyohwe hwe avan-uti na kaften me uketsan de Imba. 5 Nuftenbe ka'a de idofi'a, ika de idan. 6 Nde maleka manye von akin akitsan na akon aken me Emo ke asheke manyi afdikayi, de Uten, Ifti, Aden, de manyi. 7 Atan-ido de uvon skuho, "ken uketsa de uke-itzo. Ke ufon me ihwamu bore. Von ibenmu, nyohwe na avo afdi akpo, de afdikayi de ujiskuho, de uhwun me nuben." 8 Maleka nanye, maleka nati ifan babe, nyona, "kpure, kpure hwe Babila na itzo, na angha uten ke ivo ifden me Bando banye." 9 Maleka nanye-nati ita-mbabe, nyona de uvon kefiyi, "ke nyohwe unye von ibibonye de iyimu de akpe ike'n ibwamu ko afgumu, 10 ara vo ifden me uhwun me uketsa, ifden na Imbese a nyaso me uhwun. Nyohwe na amavo ara ften de ufi de aden-ufi afdi uketsa maleka ukeh de Imba me uketsa. 11 Uvu afdi ifumu kaso tutu-de etu, iho ira skunbe unyo, de ukin de utsu-manyi ba von ibibonye de iyimu, de nyohweq na amakpe iken me ibemu. 12 Nane ido ntan me ba fden kumbe me uketsa manyi ukeh, manyi ba itunbon udon me uketsa de ufden me Yesu." 13 Nfkan uvon akpo nyo, "mbane: Na-isi hwe ame uhwerefu ba ifu nken Emo." "Ino" nvon nyo, "kena irqa skun unyo afdi ambivo, ke ambi-isi be ra babe." 14 Nde umbu'u itin. Nyohwe suhwe umbu'u hwezua Imba me nyo hwe. A hwe de ake'n asho iskimu de azan na itze afgumu. 15 Ino makeka nanye ufi zubo akayi afdivon Emo de atan-ido de uvon skuho afdi unre na suhwe umbu'u: "mbezu azan'u ufkanke mbwen ambi. Keken iten na bwe-ambi bore ikena afdikayi fdere na mbwen." 16 Ino unye na a suhwe afdi umbu'u mbe azan mu tabo afdikayi, de afdikayi bwembe. 17 Makeka nanye zubo afdi mbavon Emo akpo; Ibuma ahwe de azan na tzetze. 18 Ufi maleka nanye zubo a bagadi, na ahwe de ikefiyi iski ufi. Atan ido de uvon skubo afdi na ahwe de azan tzetze, "mbezu azan tzetze de ufun avan mba ifdenre afdi uti me afdikayi." 19 Maleka mbe azan tzetzeq tabo afdi kayi a bwembe avan mba ufde meq afdikayi. Ambo ta afdi nuben me uhwun me uketsa. 20 Afdi nuben bozu akayi me uten skuho, de iken bozu nkenmu skozu afdi unyon sko me, 1, 600 nghan.