¹ Na hwen-hwen imbayom, Eten kiben ke efu Ato Yesu mbe ba iyi ni we ke mini de'e ke kayi wa hin e ke na hwe sisi imbe mini. ² E vo de asku ke abyi abgu-atuni. E vo de asku ke abyi ba vo iyi na byi be a tuni. E vo de asku ke abyi be ize atuni. ³ Ihwe be e kuhwe uswi,be ehwe ba emo de ivunvun imbe ukentsen, de be ikpe na fkin-fkinwe ate ke abyi Yesu krisiti,ele hwe de kiben na kye-ekpo ke abyi ikpe wa. ⁴ Ki te ane hin, mki hwe de kiben na kye-ekpo ke abyi ikpe, ena ingye niyen a we tku nyon ume hwe de kiben na kye-ekpo ke abyi ikpe,mki hwe de'a tkan ane. ⁵ Mku uswi ke uken eteta, ke abyi ba izira,ke abyi esi Benjami, be hebrew ke Hebrews ke efu undon mhwe be Parasii. ⁶ ke kiben na kyekye, mke ba ba'emo ekan,ke sisi na vovo abyi undon mde hwe de ebyi wa. ⁷ Hin iyi kyame te enyon hya ke abyim hin,mbele le te iyi ke abyim wa ke ikyi Krisiti. ⁸ E gankya,mbele iyi kyame le te iyi wa ke ikyi na yiya ke efu Krisiti Yesu imbididim. E ke abyimo mbe iyi kyame le we den uya wa ke mdu Krisiti. ⁹ Ke mhwe de'a de ke abyi sisi imbma ke efu undon wa hin, e ke abyi gankya mbe Krisiti sisi ke abyi ukentsen ume te gankya a' ¹⁰ Aneni, dadini mchon na ya'aya de ekye na ambe nyitsen ke efu ekan mo, ke mhwe te enyon ume ke abyi efu mo. ¹¹ Ke ane am hin, mla nyitsen ke efuu. ¹² Le te enyon mdu iyi batu ni wa, mle we tsun nyoon mhwe de gankya kyame wa hin, mbe dku ahwe bunte ke iyi bi isi ke efu Yesu Krisiti. ¹³ Imba yom,mle we tku nyon a'm di iskun mbunte sisi wa. Hin iyi dunyen na myiya to'o nyon,mbe muji de iyi be e te me nufun, ahwe mbe azi we te iyi be ewe bo ke eswen. ¹⁴ Mbe dku ahwe so esw ambe azi we te etsen ke udi imbe ido na ukentsen anyon ke efu Yesu Krisiti. ¹⁵ kyame ba ingan ingye, tku-tku imbii ate ke ufen niisi,Ena mini e we tku hwunhwun ke ikyi iyi kyame,ukentsen hin, la fku-uto Atsun mini. ¹⁶ Aneni, Abyi na iha emmo na ibume sis. ¹⁷ Mini e dey ke ambyim imbayom mini e de be ehwe kyi-ikyun ke ufen na mini edu ke abyi ni. ¹⁸ Ba'aphye hwose btsu we kyunte enyon mte eswen che mini ane dadini mbe che mini de niyen ke azim,ahwe ingye ize aswi-uti mbe Krisiti. ¹⁹ Na hwen-ehwen we ena jisey. ukentsen we efu, ehwo we te ke abyi azikyi we. Ehwe tku rke abyi be uten ni bikya. ²⁰ Hin, ji'hwe imba be uten uhwe, ke abyi na ila hwe ba Ato Yesu Krisiti ingye na von mii. ²¹ Ala binya ikpe ni ngan ikpe ehwo na kye-kye-na avo de iskun mo ke ekye mo iyi kyame la te abyi mo.