¹ Aneni, imbayo be echon na mhwe de acha de kiben na ten-ten de ehwo ke ufen ni mini ebunte de kiben dunyen ke efu Ato Yesu. ² Mbe bgu Euodia, mbe bgu Syntyche,mini hwe de tku-tku dunyen ke efu Ato yesu. ³ Aneni, mbe che mini, be kibenimbimam nisi, e ya bo-undo be ewe vo atsuwo din na mbe aken eme fke de Clement de be ihwe vo a tsuwo de'udi kyame be emben we ate afka ungun. ⁴ Mini eten kiben ke efu Ato Yesu ke itan kyame.Mbe nyo ufi,mini evo acha. ⁵ Mini e ke bingye kyame e dey kye-kye ekpo kiben mini.Bobo Ato Yesu le te zanbgun wa. ⁶ mini e kale hwe de kayi ke iyi dunyen wa. Aneni, ke iyi kyame ebgu-ibgu de na gafun de ikpu ibgu mini a so abyi ukentsen. ⁷ de nyishun imbe ukentsen na atkaan na yiya,atgen kiben mini de na tku-tku mini ke efu Yesu Krisiti. ⁸ Na hwen ehwen imbayo,iyi na ate niise,iyi na ate imbe ehwo, iyi na ate na gankya,iyi na ate na ky-kye,iyi na ate iyi na pyido, iyi na ate imbe echon,iyi na ate na sisi na nyon. Iyi na ate sidkan, iyi na ate iyi na cho-cho,mini etku aken ke ikyi be tuni kyame. ⁹ iyi na mini ehwen, na e pyeme,na efken de na e dey ke abyim, e vo iyi be tuni ukentsen na nyishun la hwe de mini. ¹⁰ mten kiben hwose ke efu Ato Yesu ke ikyi na dadini mini ehwe de yku-tku ke ikyim. E mini hin, mhwe de tku-tku ke ikyi mini hin uvon le te na mini hin uvon le te na mini ela yande wa. ¹¹ Mde we nyon ke ikyi na nyon mbe gafun iyi wa.Aneni iyi na mhwe de'a hwen ke itan kayi kyame. ¹² Myiya iyi na ate abyite ekan de abyite na du iyi ke abgu hwose.Ke ufen kyame, ke iyi kyame mhwen de ehayna ji hwose de na hwe ubinya,de na hwe de iyi hwose de na hwe ekan. ¹³ Mla vo iyi kyame ke abyi ingye na akin ekye na. ¹⁴ Aneni,mini vosi na hwe din ke efu ekan ibman na mji. ¹⁵ E mini be Filibiyan yiya nyon uken na mnyitsen ke Macedoniya, ba ba'emo dunyen hin le yande ke uvon udi na kiki de na pye-pye wa , e mini bikya. ¹⁶ Itan na mhwe Tesaloniya hin, mini tku uya ke kayi ibmam tkan bgunyen. ¹⁷ Le tsun nyon mgafun udi na 'u'wa.Aneni, mbe gafun iyi na a la be de na so eswen ke efu udi mini. ¹⁸ mpyeme iyi kyame, mhwe de iyi hwose. E kyame kayim.Mpyeme ke abgu Epafroditus iyi be mini etkun na.Iyi na'ahwe de ewn niisi, udi nisi na ske ukentsen. ¹⁹ Ukentsen la kyame mini e kayi ke efu hwose na ahwe de'a ke abyi Ato Yesu. ²⁰ Aneni, ke abyi ukentsen de Ato ekye ate ke itan kyame.Amin. ²¹ Kpu e we ingye ukentsen ba kye-kye kyame ke efu Yesu Krisiti.Imbayo be ehwe din wwe kpu mini. ²² Ba ba'eme ba kyekye kyame be ehwe ni din we kpu mini,tkan kyame be ehwe idi Caesar. ²³ Ekye mbe Ato Yesu Krisiti ahwe de ivunvun min. Amin.