¹ Ena iyi niyen ate tenyon ekiben na kyekye ke efu Krisiti, ena iyi niyen ate tenyon enyishun na dzu dzu ke abyi echon, ena iyi niyen ate tenyon efunfun-udi ke efu ivunvun, ena iyi niyen ate te nyon e shishi na dzu dzu. ² Aneni mini eki kiben na tenten imam ahwose ke na ki tku-tku mini ate de udi, echon mini ate de-udi, mini ehwe de ikyi na funfun ke ivunvun de tku-tku mini ate dunyen. ³ Ekale vo iyi ke efu ikpe na fki-fki de na chon ikpe mini wa. Aneni iyi mini ate ke efu iki na nyishun ke na dey ba'abyi tkan iskun mini. ⁴ Mini ekale we dey ke abyi kayi mini bikya wa hin minine dey ke abyi kayi imbe ba'abye ane. ⁵ Iku-tkue mini ate ke ufen nibi imbe Ato Yesu. ⁶ Ume na hwe abyite ke mba-mba imbe Ukentsen,ale mbe iskun mo mode Ato ukentsen na ala ke ikpe na fki-fkin wa. ⁷ Aneni,ambe iskun mo le hwe iyi dunyen wa. Ambele iskun mo te enyon upyi. A tsun iskunmo ke ikpe imbe ingye. Edwa ke efu ikpe imbe ingye. ⁸ Ambe iskun mo bo ise,aku-ikyi a fure, efu'u na aswi-uti. ⁹ Aneni Ukentsen ke'aa ehwo ni ihwu. A ke'a emben na atkan emben kyame. ¹⁰ ke efu emben Yesu kunnafken kyame la mbgen ise, kunna fken be ehwe etsen de be efu-uten de be ehwe ke-isey. ¹¹ Avo ane ke eden kyame anyon Yesu hwe Ato ke ehwo imbe Ato-ukentsen. ¹² Aneni, imbayon,tete enyon itan kyame mini ehwe ba ekpan aken ni, akale te itan na mhwe de mini bikya wa, bo itan na mini ele den ba shin.Atsuwo abgu na vontse mini ate ke ufen afikyen de ikpe na zaza'a. ¹³ Ukentsen hwe vo atsuwo ke efu mini ke evo iyi na ate uvomo de iyi na a chon. ¹⁴ Ekale vo iyi kyame ke efu kyi de aken na dken-dken wa. ¹⁵ Ke ikyi nyon mini ehwe imba Ukentsen na kye-kye de kiben na a'avun ke efun-uten na byita na mini ehwe tsun a'avun ni. ¹⁶ Ebumeh ekpan aken imbe ungun ke itan na Yesu krisiti ala bo na, mla fki ikpe nyon abgu atsuwom le jise wa ¹⁷ Hin ena embe ki te enyon udi na abgu dzu-uvgi de atsuwo imbegankya mini,mhwe de acha ahwe ten-kiben de mini kyame. ¹⁸ Aneni mini hin e ten kiben dim. ¹⁹ Hin mbe kiben te abyi Ato Yesu ke atkun Timoti so abyi mini bma-bma. ²⁰ Mle hwe de ingye niyen te enyon umen na ahwe de tku-tku ke abyi mini wa. ²¹ Ba'apye kyame we dey ke ikpe wey bikya e de hwe tku ke iyi imbe Yesu Krisiti wa. ²² Hin, mini yiya atsuwo mo, te enyon imba de Ato'mo, aneni avo atsuwo dim ke na mbe ekpan aken fke. ²³ Aneni, mhwe de kiben na tku'a bo abyi mini da dini, akena mde atsuwo abgum te enyon ahwe so ni. ²⁴ Hin, mhwe de kiben na kye-ekpo ke abyi Ato ukentsen nyon a'm de iskun hin la bo, lale mbe itan wa. ²⁵ Hin, mtku nyon si na mgare tkun Epaphroditus so abyi mini. ahwe imbayo atsuwo abgum de abgu sojam de ingye atkun mini de upyi na mbe gafun. ²⁶ Ahwe chon na dey mini kyame,A we ki kayi ikyi na mini fken nyon le si'ayi wa. ²⁷ E gankya A tko uma gapye cika'a aki fure.Hin ukintsen de'a shishi de ume bikya wa de a'm hin, ki ikyi nyon mkale byi kiben ke efu kiben na byibyi wa. ²⁸ Aneni mhwe de kiben na tku'a bo ikyi nyon, akena mini egare de'a kiben mini la tenten, a'm hin mla du na nyishun ke efu kiben na byibyi. ²⁹ Mini epyeme Epaphroditus ke efu Ato Yesu de acha kyame. Eki bingye te enyon ume ane ifgi. ³⁰ Aneni, ke ikyi atsuwo Krisiti A dkuna fure. Ambe ungun mo ki ke atsuwo na avom,A vo iyi na mini hin ele la diya na vom wa.