Uchun 3

1 Iyii bwo mba-iskun mi uhive Tibari Yesu Kaisar Bilatus Babuntes we iski a Yahodiya Hiridus whe uhwe a Galili, Imbau mu Afilibus whe uhwe ituriya de Tirakoniti, Lisaniya whe uhwe ikemi Abiliya. 2 de iten na Hanana de kayafa whe uhiran. Aken mi emo bo afdi mi Yohana imba mi Zakariya hiken abin. 3 Aka so tsuho uten mi Jordan, aha nyo aken mi emo, aha sebe huben ukeh me mbezo ami felifeli. 4 Afdi iba hive ufka mi aken mi Ishaya nyowe me emo, afdi uvun aha nyo nken abin nyuna, ni kyaka ufin me uketsan, ke ni ke ufin mu a we isine. 5 Ira sefgha u fun nuben, Ihwen de agun ra we tsika, de ufin ara ndoto. Ira tsiken do ami tata. 6 Inone manyiba ra de navonzu mi uketsan. 7 Ino Yohana sheke manyi, niba se nuben ukeh iski, abene miski mi ba don aken. Inye na a shemi nyo mi tsezu ifu ni uhwon na aha bo ne aba? 8 Hwenone ni va van na ni sakere ke niku nyoma de nyo sken bene, Ihwe de Ibrahim attah bi, nra shemi uketsan ra vezu miskin ke Ibrahim afdi aken. 9 Ko ndine atso we uts uti, kena utina ama vama van ira yema to ufi. 10 Mayin ka ndine ira vone? 11 Akpido ashebe, inye na ama we de idimba ifan a koto ke na duma, ino do amitze. 12 Inye kpe asho efen bo afdimu ke aba se nuben iski, ishe nyona, nye hwan ami ndine era vone? 13 Asheke ku kpewa asho fkiskan na inyo ukpena. 14 Ba teiyi banye ka nyona abi fa? Ashe be nyona niku kpe asho afdi nyowe de ikefiyi, de aken idofia. Ni se ufden ke ami na iha kpani ne. 15 Afdi mayin bara ihwera de na bomu Kristi ne, inye nani ha ye kumbe de Yohana, do ahwe ibu Yesu Kristi. 16 Yohana kpido ashebe nyona, ame nha se hwa nuben iskibene, ino ne nyowe unye rabo na ahwe de ikefiyi skam, na nfkima na nra tubun ikpoka afka mua, ara seni nuben de nvon na ukeh de ufi. 17 Azamu hive afgumo na ara bwen mitzetze ba isi, ara mbe ase udun ba isima ara be se ufi. 18 De akemi emo Yohana ha shekebe aken ba sisi. 19 Yohana vofdi kumbe afdina uhwe Hiridus anyona arambe uwo mi imbau mu de ami ifdi ba ahavo. 20 Hiridus vo ami fdifdi ufi, abume Yohana me tsu. 21 Afdina iha se mayin nuben ukeh, a foufo afdi akpo fkoto. 22 Nvon na ukeh sebo iskimu, hwe zua ifgen, uvun zu akpo nyona hane imba na ntsun nfkan iska debu. 23 Afdi Yesu aha nyo aken mi emo ne ahwe de iti utze unye mba bwo, ahwe imba (Iha tan imba mi) Yusufu iha ko imo. 24 Imba mi matat, mi lawi mi malki mi yanna mi Yusufu. 25 Imba mi matatiya, mi Amos, mi Nahum, mi Hasli, mi Najjaya. 26 Imba mi Ma'ata, mi Matatiya, mi Shimeya, mi Yuseka, mi Yoda. 27 Imba mi Yowana, mi Resa, mi Zarubabila, mi Shiyaltiyel, mi Niri. 28 Imba mi malki, mi Addi, mi Kosama, mi Almadama, mi Er, 29 Imba mi Yosi, mi Aliyeza, mi Yorima, mi Matat, mi Lawi. 30 Imba mi Saminu, mi Yahuda, mi Yusufu, mi Yohana, mi Aliyakima. 31 Imba mi malaya mi Mainana, mi matata, mi Natan, mi Dauda. 32 Imba mi Yesse, mi Obida, mi Bu'aza, mi Samon, mi Nashon. 33 Imba mi Amminadab, mi Adimi, mi Arama, mi Hezruna, mi feresa, mi Yahuda 34 mi Yakubu mi Ishaku, mi Ibrahim, mi Tera, mi Nabor 35 mi Serug, mi Reyu, mi Feleg, mi Abiru, mi Shela, 36 mi Kainana, mi Arfakshada, mi shem, mi Nuhu, mi Lamek 37 mi Metusela, mi Anuhu, mi Mahalel, mi Kainana, 38 mi Enosh, mi Shitu, mi Adamu, mi Allah.