1 Ine Yesu bwegha re de nvon na ukeh, abungha so uji mi Jordan afdi nvon ambe so nken abin. 2 Afdim avo ukin utze ifan, ufgha bwa rea, shetan ba mbode. 3 Shetan sheke uma hwe imba mu uketsan fka bungha aken angha ami tzetze. 4 Anyo vode ami tzetze nyowe ara hwe. 5 Shetan mbezua aka tson ami sisi ba afdi kayi. 6 Shetan sheke nyona iko i afdikayi imbe kun afgu, de ami ba I hwem ne. 7 Ke uma bwen ikuwe u vom a hwere ambu. 8 Ino Yesu sheke ibare nyona, ura von ina'a na kpo vo nyowe nanye. 9 Ina shetan mbe so Jerusalem ambea te iski agun, asheke nyona uma hwe imba mi uketsan vonzu ba kpu ikuwe. 10 Yesu nyona Iba nyona, arake buftimu ra deu sgen. 11 Hwenone ika kunscou ke ku kpuwa. 12 Yesu kpi do nyona ura mbode uketsan 13 Afdi ambode fdere Yesu ne a fanza sai ufon nanye. 14 Ino ne Yesu tangha bo utenmi Galili de ikefiyi mi nvon. Ashemu ka afdi nken utem. 15 Ino anyo aken mi uketsan a feli funski manyi vuni. 16 Abo a Nazareti afdi a kemne, aba Ikpobe akaso afdi funski ulcina a sku unyon afanzu akitsan Akpan iba de kefiyi. 17 Ufka na skuho mi uhwan Ishaya imbe ke afkoto afdi iba. 18 Nvon me uketsan den hwe dudi, ikena a sakerem ke nshe ashe na ifi mbe ba ikan, akon ke inkebe iko, nke ba fghan aji ide, nfkazu be ihavo ami felifdi. 19 Nnyo aken mi na voyi mu ukets an. 20 Ambe ufkam kebe, mayin ba isuhwe afdi funski ne se-aji iyi. 21 Anyoaken nyoma ufkane zengha re. 22 Nyowe ba ihiven ne nyo nasisi mu, iha hwe unyun de aken ba aha zu anu ften mu ne, inyona nanevo imba me Yusufu? 23 Ashebe nyo ufden mha shem aken akpanfen, ba da uma ni da nyusken bene, Ami ba na mivo a kafarnahum, nivo idibene. 24 Ino anyo, ufden nha sheni, uhwan ha dumi itzo uten mu. 25 Ino ufden nshe ni bando-ifu, ufkine hwe Israel ufon mi Elijah afdi na kpoli tsikene mi iyi itta de uftan itinye ufgha bo uten. 26 Ikena iskun Elijah so afdi bene. Ino nyowe unye Zarifat hweba ba Sidon de bando na hwem ne. 27 Mba hwonfsu ba ufkine whe item mi Elijah nyo we unye sakema, sai Na'ama na Suriya buba. 28 Mayin baram vofdi umbe afdi ifkan akem ne. 29 Isgan to buzu akayi utem, Imbe kaso afdi nuften mi ihwen, na ita idibene. 30 Ino ne abuzu nkenbe aso afdi nanye. 31 Akaso Kafarnahum uten nanyen a Galili ikin asabar a hwebe ami. 32 Ihwen unyo afdi ami hwohwama ikena aha nyoken di iko. 33 Ndine hyowe na nye hwe de nvon mi atzi a bo uhu. 34 Ango utsun ivode abu? Yesu na Nazarati? nyi abu uhwe inye uket mi uketsan. 35 Yesu sheke nvon buzu iyimu, ave kunyo aken ave ma kpu ikuwe nken manye, abuzu iyimu. 36 Manyi hwen unyo, inyo de nisken be, aken nane ako? Asheke uyo na atze de iko de ikefiyi ibuzu. 37 Ino ashemu ka afdi nken utem. 38 Inone Yesu fanzu nken afdifunskim aka ka idimi siman ha fkan de isgeh, I fgua. 39 Ino a fanzu sewe iskimu, a sganto uyo mi isgehm, isgehm suto. Moimoi ne a fan zu akebe mitze. 40 Afdi ukin skobone imbe manyi ba uma ufkine bo afdimu, akebe iyi nshen. 41 Shetan kata zubo iyibe, ikpido nyona uwhe imba mu uketsan, Yesu nyona niku nyobe aken! Kekena iyive ahive Kristi. 42 Afdi kene aka so afdi utun. Mayim ufkine ha don afdina a hwem, itsuna ira kea asoa. 43 Hive nyone ashebe nkaso afdi uten banye nka mbe aken mi idimi uketsan sheba amina ambem bone. 44 Inone ahwe aken mi Emo na nyonya afdi na funski nken Yahudiya.