1 Abore ufon na kaesar Augustus a skun-askuri de ikpe nyona ira kpenyowe mba iwhe afdikayi. 2 A hwe nyowe nkpen na ka iften itenna Quirinius whe iski a Siria. 3 Hwe ino ne manyi kaso utenbe ika ba ibenbe. 4 Joseph kata kasu a Galili utennu Nazareti mi Judia so uten skuho mi Dauda na iha tan Betilami ikena ahive ba idimi Dauda. 5 a so afdikan de Mariyamu mashan itsumu na a hwe de ifune. 6 Itenbore na ahwem ne, ufon bore na ara mba. 7 amba imba mu na kaften a tsiken de shentu kpo ambe to isunni ihwen kekena isun ka'a na ara ka nken. 8 Ba sgan-ido we afdikan ha de ndo be dutsum 9 maleka mu uketsan zubo afdibe, de na-isi mi uketsan tsu afdibe, I tsiken de fiken. 10 Maleka mu uketsan nyo niku kebe a fiken, mbe aken na-isi mu uketsan bo afdi mayin. 11 Natene imbare inye fkazu bene uten mi Dauda! Ibenmu nyo Kristi Imba mu uketsan. 12 Nane hwe ike na ara tsuni nyira de imba, Ibwenna a shintukpo isun muftu. 13 Afdi I hwe de malekaba ne, manyi akpo ufkine, akpo von ibemu uketsa, Iha nyo. 14 Nasisi hwe amu uketsan na kpo. 15 Abore ufon na maleka isutovebe, ika skore akpo he, Ba de muftu baram sheke nyoskebe iso a Betalemi ke ika de ami na avon mi imba isheke ne. 16 Muimoi iso ike du Mariyamu, Yusufu, de Imbam. dowe isun ami uftu. 17 Afdi ika dera ne ihwayi ami ishebe mi imbam ne. 18 Mba ifkan ha hwenyo amina ba de muftu isheba ne. 19 Hweno Mariyamu ha ko utu afdi ami ba fkan, a mbe te kumbe mu. 20 Mba de ami uftu bungha, iha ta-afgu ivon ibenmu uketsan, kekena ifkan ide ami ba na ishekebe ne. 21 Afdi abure ukin ititane, I tan ibemu Yesu, ibem maleka ti sherebe tun ata hwe ifu. 22 Afdi ihwem mu ukin ufkine, me na sakebe vanzu re na iha ba ikpo me Musa Imbe bo afdi foufo a Jerusalem ke imbe ke uketsan. 23 Afdi iba ikpo mi uketsan Nyowe na ama fkoto ifu-imba ira mbea te ike mi uketsan. 24 Hweno ise iken afelina ikpo mu uketsan anyon, ibo unye ko ifan.. 25 Nyonwe nanye hwe Jerusalem ibemu nyo Simeon, Inyem hwe du ukeh me emo. aha de yan de ra voyi ba Israel nvon na ukeh dea hwedudi. 26 Itsun udah nyo ara dema uhwefua sai amadere Yesu Kristi. 27 Nvon mi uketsan mbe simean bo afdi ba emo. Afdi inamuba imbe imba Yesu inken, Ivoke ikena afdi ikpo anyo. 28 Akpe, kun afgu avori iben mu uketsa anyo. 29 Ndine ke uftiu aso de kumbe nshin, uketsan ufin mi aken. 30 Ke ajim dere na fkazu-zu. 31 Na u kya akuften mi manyi. 32 Ukeh mi udah mi Gentiles de nasi mi manyi mi Israel. 33 Inamu de ayumu hwenyo ami ba iha nyo iskimu. 34 Simean kebe nasisi ashe Mariyamu ayumu, Iwo imba ane ivuzua mi ha ikpu de fanzu me manyi ufkine mi Israel, iketsore nyo Isea. 35 Ino ihwan-ikah ra kpengha iyi kena aken iko kumbe ra tsun. 36 Uhwan mi uketsan na indo ibemu Anna hwem a hive imba mi Phanuel nken ademi Asher, Ukimu fkire, a hwe de udumu mi yi itifan tun abu mashan me. 37 de nanye udumu fure me iyi utze ini-mba-ni a sutoma afdi foufo ne, a ha tsunuften, aha foufo de uki de de utsu. 38 Iten na asibo, a fdibe aha hun afgu ke uketsan, de anyo aken mi imbam sheke nyuwe bara ba ihweba na sake i Jerusalem ne. 39 Ikena ifde ami barane, iha tsun ira vo ufin mi ikpo me uketsan ibungha so utenbe Nazareti. 40 Imbam ke a dure ikefiyi, ahievere de ingha nde nasisi me uketsan de awe. 41 Inamuba ha so Jerusalem kowani iyi na funski mitze ukeh. 42 Afdi ahwe de iyi bwo-mba ifan, ika so ufi afdi fun iskim. 43 Afdi na ihwem me ukinbara mi amitzen. Ibunga so idi. Mo he imbam Yesu ndgesu a Jerusalem inamu bara yima. 44 Ide nyona ahwe di mayin ba ka so dudine, ibu ukin unye, ika na dondon afdi bachimu de isgomu. 45 Afdi iduba ne, ibungha so Jerusalem ika na i don. 46 Ifu ukin itta idu nkemi afdi foufo, sa subwe inken mi mayin ba hwami aha fkabe aha kabe aken. 47 Mayin ba ifkan hwenyo de na hwayi mu de aken kamu. 48 Afdi idene iha hewnyo, Iyamu sheke, imba, vone u voino? De Inauha shin aha don. 49 Ashekebe, vone nira dom? Ni yima na nha bungha afgu mi attah? 50 Ino iyibe ami na aha kona. 51 Ino adebe so a Nazareti a sekumbe kebe. Ayumu mbe aken barane te kumbemu. 52 Ino Yesu keso akuften de engha de navoyi mi uketsan de nyowe.