IBWOKO 9

1 Azwi Yesu von ra zi ma, a de enye na e mba a bwo eningyi hwe. 2 Eba hwan abgu aten mbo bra ka yonna "enye hwan ambi, edan mbe aban,ke e mba enye hwen bgan ashi, ena mbo fen ame uni re uchi?" 3 Yesu she yonna " enye ugyen nken mbe dan edan ugyen, ahwe ino ke aten mbe Emo a tsun etki mbo. 4 Ahwe iri kin-ine i vo aten mbe enye tkun re egyi ngha kpere hwen. Ken uchu ra bo na enye voa ka aten'a. 5 Ke nta hwe re igigyi ndne, nhwe asi ugha mbe azwi igigyi." 6 Azwi Yesu yon zwe aken ten ma, a chu atin se ikihwen, a nghan mbe ebben no are eningyi. 7 Asha yonna, " ka so, uka hwuo eningyi uken na era tan yonna e Siloam ma{ na ini mbo yonna: 'tkun'}." Enye mu ka so aka hwuo mbe eningyi mbo aba nghoto bo ma ara de azwi. 8 Eba idi atko mbe enye hwen re eba fu ra da ara bgu ambi ma yonna " ahwen voa enye ti hwe ate ra bgu ambi ma?" 9 Eba gyen yonna, " ibu." ucho-ishin ugyen yonna, " ndna, azi zizi." Aba she yonna " ame." 10 E sha yonna, "ambi vo dzu ekon ke eningyi mbu fkoto hwen?" 11 Are yonfi, " Enye na era tan yonna Yesu ma nghan mbe ebben no ane eningyi ashen yonna 'so ka hwuo enigyi e siloam.' Nka so nka hwuo, ibu ndzu ra de azwi." 12 Eka yonna a hwe athon?" Ashe yonna " Ngyi ma." 13 E mbe enye na fu bwo eningyi hwen bo azwi mbe e farisawa. 14 Ukin na Yesu che mbe ebben a fkoto are eningyi ma, ukin asabar. 15 E farisawa bra ngha uchi ka kya azwi a dzu ra de azwi hwen. Ashe yonna " A mbe ebben no eningyi mi, nka hwuo mbe, ndine hwen nna de azwi." 16 Farisawa bagyen yonna " enye hwen zi azwi Ukachan'a ken ara dgen udon mbe ukin Asabar'a." Ucho ishin ugyen yonna " Enye vo ambi izwi voaka ucho ambi hwen?" etki aken ten unu mbe kokpu. 17 E nghanto ka kya enye fu bgan eningyi hwen, "ambi abu uyon etki mbo ma ekon na a fko ure eningyi ma?" Enye fu bwo eningyi hwen she yonna " ahwe annabi." 18 E yahudawa bra kpe'a-ino yonna efu mba a bwo eningyi hwe eke eka tan kpu uni re uchi bo. 19 Eka 'e yonna, " Ahwen imba mene na eni yonna eni a bwo eningyi hwe ma?" 20 Uni re Uchi kpe ino yonna " Igyi yon ahwen imba mi efu mba abwo eningyi hwe. 21 Ambi na vo ke ndine hwen ka ara de azwi hwen igyi-iya, re enye fko are eningyi ma,igyi-iya. Eni ka, ake fkire. A yon gire aken ara yon re etki egyo." 22 Uni re uchi yon ino etki ena era ken Yahudawa bra. Etki na Yahudawa bra yonna enye na ra kpeino yon ari hwe Kirisiti, edgan ato'a nken ikpi fun etki mbe. 23 Etki ino uchi re uni yonna " Ake fkirea, eni ka mene re ibu." 24 Eka tan kya mbe imbana fu bgan eningyi hwen re-ufi esha yonna " mbe efo mu ke Ukachan. Igyi ken enye hwen enye ambi izwi." 25 Enye hwen re yonfi " Ngyi ma yon enye hwen hwe enye ambi izwi'a. Ambi ugyen na ngyi yon nfu ra de ma azwi'a,ndine hwen nna de azwi." 26 E ka yonna, "ambi a vou ma ekon? avoine a fkoto ure eningyi?" 27 Are yonfi, " Nshe rene, eni fkanna! ambi ke eni chon na eni a fkan ufima ekon? Eni ra don na yon ani nghan eba hwan abgu aten mboa, eni ra don? 28 Ekyua atku eyonna "Abu uhwe asi enye na ra nghan enye hwan ambi azwi mbo, abi ite eba hwan ambe Musa. 29 Igyi yon Ukachan yon aken re musa, ambi tke re azwi enye hwen zi mu bo ma igyi'a." 30 Enye mu she yonna, "Ambi kagi,na eni gyi nna azwi azi mu, reino a fko to ane eningyi. 31 Igyi yon Ukachan ra fkan enye ambi izwi'a, nke enye na ma ra che Ukachan era vo ambi na ara chon, ara fkan ubgu mbo. 32 Azwi Emo ti mo-uten eta fkanfkan azwi e fko enye na e mba ma bgan eningyi enigyi mbo. 33 Nke enye hwen ma zi azwi mbe Ukachan, a voa ka ambi ugyen." 34 Era yonfi yonna, "abu enye e mba'u nken ambi zwizwi hwen uchon yonna uhwan a tsun'i?" E dgan mba ka zi igigyi. 35 Yesu fkan yonna e dgan to ra nken ikpi fun etki mbe ma. Aka ko tsu mba asha yonna," U so re uzwen re imba-enyehwe?" 36 Ara yonfi " ahwe aban, bami-idi ken nso uzwen nken mbo?" 37 Yesu sha yonna " Ude ra, ahwe enye ru ra yon aken hwen." 38 Enye hwen yonna " Bami-idi, Nso re uzwen" a ken etki iki ka. 39 Yesu yonna, "etki mbe ehwan nbo e igigyi hwen etki ena eba ra de'a azwi'a ra de, eba de azwi ra bgan ashi." 40 E farisawa ba te mu ma fkan ambi a yon ma e ka yonna, " Abi ben Ibgan ashi te?" 41 Yesu she yonna, " ke eni ki bgan ashi, eni ki hwe nna re ambi izwi'a, ndine hwen eni yona ' Ira de azwi,' ahwe ino ambi izwi mene ta hwe mbo ndne."