1 "Uzwen, uzwen, Nna she, enye na ma ka nken enikigyi mbe ehu mbe iton, ka a tko ena atkun ikpi, enye imi hwen hwe uzwi re enye ifkan. 2 Enye na ma ka ena eninkigyi ahwe enye su ambi usuu. 3 Enye dgen eninkigyi. Iton ra fkan ra gyi uvun mbo, ara tan iton mbo re eben mbe a kpue ka ra zi igigyi. 4 Ka tan kpue zibo bwan, re igigyi ara kaiswen, era bwe are, ken egyi uvun mbo. 5 Era bwea e ba ken re'a a'u era che- achiche, ken efkan gyia uvun mbe ebaken'a." 6 Yesu she ekpan nfin hwen ekpu fkangyia ambi na ara yon ma. 7 Yesu she kya yonna, " uzwen, uzwen nna she ene, ame nhwe asi enikigyi mbe ambi usu. 8 Enye ba kaiswen mi bo ma te uzwi re eba fkan ambi, ambi usuu ten fkana aken mbe'a 9 Nhwe enikingyi. Ke enye ma ka ishina azwi mi, ra dzu na fkazizi; ara ka ara zi ara dzu iji. 10 Uzwi ra bo ena ara zwi ka abwan re na ji-ato. Ame nbo ke e dzu ugyon ifki-ine. 11 Nhwe enye su ambi usuu na isisi. enye ra su usuu na isi mbe etki mbo ra dow iki rake ambi usuu. 12 Enye aten asho voa e enye su ambi usuu na isia. Ama de dzonjon ra bo re ache chi rato ambi usuu ten ambe etki mbo ra che, e dzonjon fon rakpu eba ghyen a bera shen ebagyen. 13 Ache ra yun etki na a hwe enye aten asho a mbe ikube ke'a a ambi usuu mu. 14 Nhwe enye su usuu na isi, Nkgyi ena mi, ena mi gyin. 15 Attah gyin, ame ngyi Attah, nki mbe etki mi ra dow etki mbe ambi usuu. 16 Nhwe ambi usuu ba te nken afku mbe ambi usuu na ten'a. Ahwe kin na nkpue a bo ate ben, era fkan uvunmi ke era hwe usuu ugyen, enye su ugyen. 17 Ambi ke atth mi Attah mi ra chon aken mi ma; Nmbe etki mi dow iki nna a ngha uchi mbe kya. 18 Enye ugyen mbe ra ka azwi mia, ame re etki egyin mbe ra dow iki, nkin hwe re eke na Nmbe kya re tkiegyin, Nkpe uvun aken hwen azwi Attah mi." 19 Etki kokya kpu nken mbeYahudawa etki aken mbo ten. 20 fkifkine nken mbe yonna " Ahwe re ugyo re etki mbo ben kpeino. Ambi ke eni ra fkan aken mbo ekon?" 21 Bagyen nken mbe yonna" ahwen voa aken mbe enye hwe re ugyo'a. Enye hwe re ugyo ra fko eningyi mbe enye bwo ashi?" 22 Ahwe ufon mbe ukinho etkike Emo nken Urushelima. 23 Ufon na ugyo hwu'u, Yesu ra kyun nken ikpi mbe Ukachan azwi agba ambi mbe Solomon. 24 E yahudawa bra chutuhwo mba e yonna " Ambi ke uki ira gye utsu etki mbu ma ekon, na Uma hwe krisiti, ushe gha toi'." 25 Yesu re yonfi " Nshe ene, so nna uzwen mu. Abgu aten ba nvo te nken eben mbe Atttah mi ma ra yon aken etki mi. 26 Nino eni so nna uzwen etki na eni tenna nken mbe ambi usuu mi'a. 27 Ambi usuu mi ra fkan uvun mi; Ngyie, era bwe ane. 28 Nkere etki tsutsu; ekya fuafufu rufia, enye ugyen fefkanka e mba abgu mi'a. 29 tah mi na kpue kenma tkan enyehwe ten kata, enye na fki na a fefkan kpue abgu mbe Attah hwa 30 ame re Attah ihwe ugyen." 31 Azwi kan Yahudawa bra ton kpu uchen reufi na era ta'a. 32 Yesu re yonfi " Ntsun ene abgu aten ba isi ifkine azwi Attah mi. nken mbe enani eni ra don eni ta'an uchen?" 33 Yahudawa bra rayonfi " Ira ta'u mba etki a ten ten, etki na abu enyhwe diadia u mbe etkiegyu nghan re Ukachan ma." 34 Yesu re yonfi " Voa aba hwe nken udon mene, 'Nyonna, "Eni te iki?'" 35 Ke na ama tan'e yonna iki, enye aken mbe Ukachan rara yon aken ma aban{ ufka kikye ra kpu iki'a}, 36 eni ra she enye na Attah hwo mbe a tkun'a bo igigyi, 'Ura de-idegha' etki ena nyon yonna , 'Mbe imba mbe Ukachan'? 37 Ke na nma ra vo ma aten mbe Attah mi'a eni ti so nna uzwen mi'a. 38 Nke na nma ra vo abgu aten mbo, ke eni ma so nna uzwen azwin'a, eni so uzwen nken aten mu ten, ke eni gyi eni kpe gyi aken Attah hwe nken mi ame ben nhwe nken mbe Attah." 39 Echon na e bun mba ache biuzi abgu mbe. 40 A ka so kiyen mbe ugyi yodan azwi Yohanna fu vo baptisma kaiswen mu ma aka hwe mu, enye bagyen bo azwi mbo eyon 41 yonna"Yohanna re tkiegyo voa ambi ucho-api'a, ambi na Yohanna yon te etki mbe ena hwen te uzwen." 42 Enyehwe ifki-ine so uzwen azwi mbo azwikan.