1 Enyen ugyen ebenmbo e Lazarus nken uten na era ta yonna Bentaya uten mbe Maryamu re nanino Marta ma fkan'eska'a. 2 E Maryamu hwe imbaro na fu mbe ubiu se Yesu re etki, na ame iche etki mbo funkye are afkanma, Lazarus na fkan'a eska hwen ufginino. 3 Be nani ten tkun ichun so azwi Yesu yonna " Bami-idi, de enye na ura chon hwen ra dgo uma." 4 Azwi Yesu fkan ichun mbe ma a yonna " Uma hwen voa ena mbe uhwefu'a, ahwe ena mbe efo mbe Ukachan eke imba mbe Ukachan a dzu efo." 5 Yesu chon Marta re nanino re Lazarus zwan-ine. 6 Azwi afkan yonna Lazarus ra dgo uma ma, Yesu vo kya si ukin ifan azwi a hwe muma. 7 Akin she eba hwan abgu aten yonna" Ni ki so kya e Yahudiya reufi." 8 Eba hwan abgu aten mbo sha " enye hwan ambi, ta mbe ufon Yahudawa bra don na eki ra ta'u uchen, U fweto ka so kya reufi na?" 9 Yesu re yonfi " ufon bwo imba ifan te nken ugha mbe ukin'a? ke enye na ma ra kyun unkin ra te-uti te'e ken ara de ugha mbe azwi igigyi. 10 Ahwe ino hwen ka ama ra kyun uchuchu ara te-utite, etki na ugha hwe'a nken mbo." 11 A yon aken ten, azwi a yon to maa she yonna " idgho mi Lazarus dow re edo, ambi ke Nna so ma etki na Nka tan shi a mba azwi edo." 12 Eba hwan abgu aten ten sha yonna, " bami-idi, nke na ama ra dow edo, era shi kata." 13 Yesu ra yon aken etki uhwefu, abe era tku yonna ara yon etki edo na ara tke ugyon. 14 Yesu ba she gha toi, "Lazarus fuu re." 15 Nten utsu na etki mene na nhwe ma muma ke eni so uzwen. Eni kiso azwi mbo." 16 Toma, na era tan yonna Didymus ma she ebachito yonna "Abi ben iso ke ika fuu igigye re Yesu." 17 Azwi Yesu bobiu ma a dzu e mbe Lazarus nghin biure ukin ini umui. 18 E betani hwe yan re Urushelima, ufon mbe ra biu meli bwo imba itkun. 19 E yahudawa ifki ine bo azwi Martha re Maryamu ebo yon rafi aken re de. 20 Martha, azwi a fkan yon Yesu ra bo ma, a biu zi ka dzua, E Maryamu hwe nken idi. 21 Martha she Yesu " Bami-idi, ke uki hweate ufginimi ki afu'a. 22 Nkgyi yon ambi na uma bgu azwi Ukachan a vo aku." 23 Yesu sha yonna " ufginin mbu ra shi akya reufi." 24 Martha sha yonna, "Ngyi aken ara shi ukin na etan ra shi enyehwe ukin hwenhwen." 25 Yesu sha yonna, " Ame nhwe enye na ra tanashi enyehwe re ugyon; enye na ma so uzwen mi, ka ama fuu, ara hwe uwun; 26 ke enye na ma hwe uwun ara so uzwen mi ra fua efua. Uso uzwen mbe aken hwen?" 27 Asha yonna "Ino, Bami-idi Nso uzwen yonna uhwe krisiti, imba mbe Ukachan, na ra bo igigyi ate ma." 28 Azwi a yon to ino ma a yun ka ton tan mbe nanino Maryamu. A sha yonna " Enye hwan ambi bore ara tan'u ino." 29 Azwi a fkan ino ma abga yun aka so azwi mbo. 30 Eten hwen Yesu ta kaboa nken uten'a ata hwe re azwi e Marta ki dzua muma. 31 Azwi e yahudawa ba ra te nken idi ma de e Maryamu bga yun a biu razi ma era tku zena aka so etki umui aka chen egyen e bwe are. 32 Azwi Maryamu ka biu azwi Yesu hwe muma a de'a ma, azi kpu iki ikiswen mbo a sha yonna " Bami-idi, ke uki hwe ate ufgini mi ki afu'a." 33 Azwi Yesu de ara che egyen, e yahudawa ba dgua bo ma be ra chen egyen ma, a shishi nken nvun mbo a zwi ikube ; 34 a yonna, " Azwi eni mba dow hwe muma athon?" E sha yona " Bami-idi bo ku ude." 35 Yesu chen egyen. 36 E yahudawa bra yonna "de tan ara cho n Lzarus!" 37 Ebagyen nken mbe yonna "enye fko eningyi mbe enye bwo eningyi, a hwaden ka'a enyehwen ati fuu'a?" 38 Yesu reufi, nken ikube mbo ra shi ma, a bun ufu'u so azwi umaui mu. umui mu hwe ino udzu e ghan mbe uchen kagyi chiken unu swen mbo hwe. 39 Yesu yonna, " eni ghan mbe zi uchen mu." Marta, e nani mbe Lazarus, na fuma, she Yesu, "Bami-idi ufon hwen igyi mbo ra fkanre nfkan a fu biu re ukin ini." 40 Yesu sha yonna, " Voa nshe'u yonna ke uma so uzwen ura de efo mbe Ukachan'a?" 41 E ba ghan mbe zi uchen mu. Yesu kpu eningyi de azwi akpo a yonna, "Attah, Nhun abgu ku na ura fkann. 42 Ngyi aken ura fkan kpu ukin kye-aswi, etki mbe eba fun ten ambi ke Nna yon ino ma, ke abe ben e so uzwen yonna abu utkunn asi." 43 Azwi a yon to ino ma a mbe uvun attan re kefudyi a tan "Lazarus biu zi bo igigyi!" 44 E hon hwen shi zubo igigyi; afkan re abgu te kpu tite te re udan atikpo, re ibwa tki mbo benben hwe re udan atikpo. Yesu she yonna " Ni fkun to are ka aka so." 45 Yahudawa ifki-ine ba bo azwi e Maryamu ma de ambi Yesu vo ten e so uzwen azwi mbo. 46 Enye ba gyen nken mbe ka so azwi e farisawa bra aka she ambi ba Yesu vo bwan ten. 47 E uhwesi re farisawa bra tan fun eba kagyi ba chuto e yonna, " ambi na ira vo ekon? enye hwen ra vo ambi ucho api ifki-ine. 48 Ke ima to are a hwe vo ra so enyehwe kata ra so uzwen azwi mbo; e Romawa bra ra bo ebi kpe a mbe azwi mi re uten mi." 49 Azwikan, ugyen nken mbe na fu hwe uhwesi eghyi ise ma, she yonna " Eni gyinna ambi ugyen. 50 Eni desi yonna asi tkan na enye ugyen a fuu efuu etki mbe enyehwe re na enyehwe kata ra fuu." 51 Aken voa na a yon kpu sesi nine'a. etki ena a hwe uhwesi egyise ma a vore annabci yonna Yesu ra fuu etki mbe uten kata, 52 ke ibiski mbe Ukachan ba beshen te ma ra fun kya azwi ugyen. 53 Dge ukin ise era tku atan e bun mbe Yesu ra bwan. 54 Yesu kya kyun itanban reufi'a nken mbe yahudawa bra, a yun ka souten na era tan yonna Ifraimu ma yan re nken abin. Azwi a hwe mu re eba hwan abgu aten mbo bra. 55 Ndine hwen ukinho mbe na ukin kayenzi yan re azwi enyehwe ifki-ine ka tko te Urushelima ke aka sa kye kpu egye fkanze ukin mu ra bo. 56 Era don Yesu, era yon re egye azwi e sente nken ikpi mbe Ukachan ma, " ambi ura tku ma ekon? yonna ara bo ukinho hwen'a?" 57 Uhwesi re farisawa bra ke uvun hwe yonna ke enye na gyi azwi Yesu hwe mu, a she eke eka bun mba.