IBWOKO 12

1 Dan ukin itegyen fkanzi ukinho mbe kayenzi, Yesu bo e Betani, azwi Lazarus, na Yesu fu tanshi mba azwi uhwefuu, hwe muma. 2 E vore ambiji, Marta ravo aten mu asi, Lazarus hwe nken mbe enye ba re Yesu te ugigye etki uto ji ambi. 3 E Maryamu mbe ubiu seigi na uhwan fgefge, se itka afkan mbe Yesu a funrakye re iche etki mbo, uhwan fgefge don mbe nken ikpi na e te nken ma. 4 Yahuda Iskarioti, ugyen nken mbe eba hwan abgu aten ma yonna 5 " ambi ke e mbe ubiu hwen ra kpen'a asho na ra biu uhu ita ke e mbe vogi eba dzu-dzu re ma ekon?" 6 Ayon inovoa na ara de ishishi mbe ebadzu-dzu'a, etki na a hwe enye uzwi: ahwe re uhu dgen asho ara zwi ambi na e mbe ra dgen nken ma. 7 Yesu yonna " Ni to are ka a vo ambina ara vo mbe ena nghinghi mi. 8 Eba dzudzu re ene tere ate. Ame nkya re ene hwe aso ma." 9 E yahudawa ifki-ine kpegyi yon Yesu hwemu, e bo, voa azwi mbe Yesu'a ena era de Lazarus na Yesu tanshi mba uhwefuu hwen. 10 Uhwesi ben fun unu na era don na ebwan mbe Lazarus ben, 11 ken etki mbo e yahudawa ifki-ine biuzi ka so uzwen nken mbe Yesu. 12 Azwi kyezi enyehwe ifki-ine bo azwi ukinho. Azwi efkan yonna Yesu ra bo Urushelima ma, 13 ekpu akpan aji e biuzi ka dzua e mbe uvun era vun'a "Hossana! ambisi enye na bo nken eben mbe Bami-idi, uhwe mbe Israila." 14 Yesudzu mbe imba jaki atko hwe mu; azwi efu ba hwe ma, 15 "Eni ti kenna affuken'a imba indo mbe sihiyona; de,uhwe mene hwe enyinfun mbe jaki ra bo hwuna." 16 Eba hwan abgu aten ten ta kpe gyia ambi ten; azwi Yesu dzu efo ma, eka kobun aken ambi ten fu vo etki ena afu buba te etki mbo ma. 17 Eba fun te muma kpe ino yonna efu rahwe igigye etki umui mbe Lazarus azwi afu tanshi mba azwi uhwefu ma. 18 Etki ino ambi ke enyehwe ifki-ine biuzi bo kpeaa ma, ken efkan ambi ucho-api na a vo hwen ma. 19 E farisawa bra yonna " debo, u voaka wa ambi ugyen; de, azwi igigyi kata bwe ra re." 20 Enye bagyen nken mbe helenawa bra te nken mbe eba ra tko ken etki azwi ukinho mu. 21 E so azwi mbe Filibus na hwe imba Beteza nken e Galili ma, yonna, "bakagi, ichon na era dzu-ebwa re Yesu." 22 Filibus ka she Andrew, Andrew re Filibus eka she Yesu. 23 Yesu re yonfi yonna, " ufon bo re na imba enyehwe ra dzu efo. 24 Uzwen,uzwen, Nna she ene, ke ini itsu ma ta kpua iki ara hwe ibun mba; nke na ama fuu, ara mba ara se ini ifki-ine. 25 Enye na ma ra chon etkiegyo ra don ani; Enye na ma chon'a etkiegyoa igigyi ate aradzu etki tsutsu. 26 Ke enye na ma ra vo aten mi, a bwe ane; azwi na Nna hwe muma uswi me ni ra hwe mu. ke enye na ma ra vo ane aten, Attah mi raka efo. 27 Ndine hwen ikube mi ra dzudzo ambi Nna yon ma ekon? 'Attah, fkazin azwi ufon hwen' nino etki ambi hwen ambi ke nbi biu ufon hwen. 28 Attah vo mbe efo ke eben mbu." Uvun zi akpo sibo "Nke ra efo nghan uchi ra ka efo reufi." 29 Eba fun te muma fkan e yonna a hwe re etkighan ino. Ebagyen yonna " e malaika ra yon re aken." 30 Yesu re yonfi " uvun hwen boa ena etki mi'a, etkimene. Ndine hwen era kpen ehwan mbe azwi igigyi; 31 Ndine hwen era mbe uhwe mbe azwi igigyi to bo igigyi. 32 "Ke ema tken me yun re attan Nna ve enye ten kata ra bo azwi mi." 33 A yon ino ka tsun u'swi uhwefu na ara fu ma. 34 Ebafun te muma ra yonfi yona " ifu fkan nken mbe udon yonna e Krisiti ra hwe tsutsu ambi ke U yonna 'imba mbe enyehwe e mba ra yun attan ma ekon?' Imba enyehwe Ura yon ma aban?''' 35 Yesu ba she yonna " ugha re ne ahwe mbe ufon cika ine, eni kyun azwi eyighakpere hwen, ke ichefu ati bi tkan eke. Enye na ma kyun nken ichefu gyia azwi ara so mua. 36 Azwi eni hwe re ugha hwen eni so uzwen nken mbe ugha ke eni te ibumba mbe ugha." Yesu yon toaken ten ma ame ambo ton yun azwi mbe. 37 Ahwe nino Yesu vo ambi ucho-api ifki-ine ikiswen mbe, e so ka uzwen azwi mbo, 38 etki aken mbe Ishaya bore uzwen na a yonna: "Bami-idi, enye kpe ino mbe aken mi, re enyen na abgu mbe Bami-idi hwe na ara tsun'a ma aban?" 39 Etki aken ten e so ka uzwen'a ken Ishaya fu yon ben, 40 " A bgan kpu ashi mbe, a ken vo mbe ikube mbe hwe kekpokpo-ine; nvoa ino era de re eningyi ekpe agyi re ikube mbe e tobighan, Ame nda akpue." 41 Isha yon aken ten etki ena adeefo mbe Yesu ambi ka a yon aken etki mbo ma. 42 Azwi kan ebakagyi mbe bra ifki-ine ton so uzwen azwi mbe Yesu, e tsun zuboa ken era ken farisawa bra eti dganto e mba nken ikpi fun etki mbe Yahudawa bra. 43 E chon na vunvun mbe enyehwe tkan na ra bo azwi mbe Ukachan ma. 44 Yesu mbe uvun attan a yonna " enye na ma so uzwen azwi mi voa amenba a so uzwen ben azwi enye tkun bo ma. 45 Enye nama de ren de re enye na tkun ma. 46 Nbo azwi ugha nken igigyi, ke enye na ma so uzwen azwi mi a ti hwa nken ichefua. 47 ke enye na ma fkan aken mi ase na ara dgen, Ntan ehwan ka mba; ken Nbo ma na nna kpen mbe igigyi, etki ena nfkazi igigyi. 48 Enye na ma se ame re enye na ma kpe'a akenmi, hwe re enye na ra kpen ehwan etki mbo. Aken mi ba nyon ten ra kpen ehwan etki mbo ukin hwennhwen. 49 Ken Nyon ma aken etkiegyin'a, Attah na tkun ma, hwe enye na ken udon etki ambi na nna yon. 50 Ngyi aken mbo hwe ugyon tsutsu, ahwe ino hwen ambi na Nyon- azwi-imi Atttah yon ken ma ame ben Nyon ke ene."