1 Ino fkanzi ukinho mbe kayenzi. Yesu gyi aken ufon mbo muo re na ara to azwi igigyi re aka so azwi Attah ma. tan imi a chon ena mbo ba te igigyi ma, a chon'e ka biu nhwen. Azwi hwawen e shetan katore e 2 Yahuda Iskariyoti ikube na ara mbe Yesu kpen aji. 3 Agyi yon attah mbe ambi kata kere abgu ma re na azi azwi mbe Ukachan bo a nghan to ra so azwi mbe Ukachan ma. 4 Ayun attan azwi ji ambi iji udgo a ten kpu ambi vo igyi mbo. Akin mbe atukpo fun kye igyi te ushin mbo. 5 A kin don mbe enuben e yanso a tso afkan mbe eba hwan abgu aten mbo ten na sisa ara kpun rakye re atukpo kpun kye igyi aki mbe te ushin mbo ma. 6 Azwi abi biu etki mbe Siman Bitrus ma, Bitrus sha yonna "Bami-idi, U ra sa afkan mi?" 7 Yesu ra yonfi " ambi Nna vo hwen uta a gyi hwa ndine hwen'a, aba skufenre cika ine ukin de agyi." 8 Bitrus sha yonna, "Nna to uru ura sawa afkan mi'a" Yesu ra yonfi " ke Nma sa ma afkanmbu'a U hwewa re ambi ugyen re denn'a." 9 Bitrus ba sha yonna " Bami-idi, voa afkan mi nba'a re abgu mi re etki mi kata sa kpu ane." 10 Yesu sha yonna enye na ma sanre igyi kya hware ehwa afkan nba asa akpu, ahwe to re kikye, akpu voa enyehwe ten kata'a 11 (Ken Yesu gyi to re enye na mba kpen aji ma ambi ka ayon yonna "voa kata mene te kikye'a.") 12 Azwi Yesu sa zwe re ere afkan mbe ma akpu ambi vo igyi mbo vo kya ambe ichi hwe kya ikihwe a she yonna " Eni gyi ambi na Nvo ke ene hwen? 13 Eni ra tan 'Enye hwan ambi' re 'Bami-idi' eni ra tann uzwen ino imi nhwe, 14 Ke na nma hwe, Bami-idi re enye re hwan ene ambi, Nsa re ene re afkan, abi ne ben eni sa afkan mbe eba udi mene. 15 Ntsun re ene ufu ke abine ben eni vo ino ke eba ufi. 16 Uzwen, uzwen, Nna she yonna, uswita tkan fkan bami-idi mbo; au enye tkun aten tkan fkan re enye tkun ma. 17 Ke eni ma gyi ambi, ke eni te eba ambi isi kena eni ma vo ambi ten. 18 Nyon ma etki mbe kata mene ken Ngyi eba Nhwo kpure ma, etki na ke ufka abo uzwen; ' Enye nama ji amghan mi mbe itka afkan mbo attan ara zenm." 19 Nna she ene ino ndine hwen fkanzi akpu ambo mu ke ema vo re, eni so uzwen yonna AMe. 20 Uzwen, uzwen Nna she ene, enye na ma kpe abanban na ntkun, kpe re ame, enye na ma kpen, kpe re enye na tkun ma." 21 Azwi Yesu yon aken ten ma, a vo zwi ikube nken nvun mbo a yonna " Uzwen,uzwen, Nna she ene ugyennken mene ra fkakpu ane afkan." 22 Eba hwan abgu aten don nii enyenara yon aken hwen etki mbo ma. 23 Ugyen nken mbe ebahwa abgu aten ten na Yesu chontkan ma dow hwe azwi ji ambi ame etki mbo yan hwere Yesu, 24 Siman Bitrus ke'ea eningi ka aka Yesu enye imi aban, 25 abwen skufen azwi Yesu a yonna "Bami-idi, enye imi aban?" 26 Yesu ra yonfi, " Enye na mbe amghan buon mbe ra ka ma." Azwi ambe amghan mu buon ma a mun ke Yahuda imba mbe Siman Iskarioti. 27 Azwi aji to amghan muma, shetan ka ikube mbo Yesu sha yonna "ambi na utku hwe ura vo ma vo re nmuine." 28 Enra dow etki uto ji ambi yan re dou ma gyi ambi Yesu sha hwen. 29 Eba chuto fkan gyia, e tku yonna uhu dgen asho hwe abgu mbo ma era de ze ana Yesu tkun aka kpen ambi na era vo aten re do nken mbe ukinho, a'u a mbe ambi ke eba dzudzu. 30 Azwi Yahuda kpe mbe amghan hwen ji ma a biuzi re nmuine. Azwi bwe to re. 31 Azwi Yahuda yun re ma, Yesu yonna ndine hwen Imba enyehwe dzu re efo, 32 Ukachan ben dzu re efo nke mbo, ara ka efo nmuine. 33 Biski cika bra, Nre ene hwe mbe ufon cika ine. Eni ra don, Nna she Yahudawa bra , 'azwi Nna so mu hwen eni bo a kanna.' ndine hwen Nna she ene. 34 Nna ke ene udon ifi, yonna eni chon udi mene; azwi Nchon ene ma, ino eni chon udi mene. 35 Ino enyehwe ra gyi ken eni hwe eba hwan aten azwi mi, nke eni ma chon egye ene." 36 Siman Bitrus sha yonna, "Bami-idi, azwi imi ura so muma athon?" Yesu ra yonfi "azwi Nna so muma U bwe ka mura ndine hwen, shenfe re cika ine ura bwe ane." 37 Bitrus sha yonna " Bami-idi, ambi ke nna bwe umra Ndine hwen ma ekon? Nmbe etki mi ra dow iki ra ku." 38 Yesu ra yonfi "Ura mbe etki mbu ra dow iki ra ken? Uzwen igibo Nna shu, ifon ta to'a ukpi'a ura tken-igitken mi afkan ita."