1 Kuke ikubeu a vo fdia. U seufden afdi Ukentsan, u seufden afdim. 2 Isun fkire idi mi attah. Kuvo-ino nku sheku, keken nka kya afdi bene. Nma 3 ka kyakare afdi bene, Nn bo-ufi mba mbeni ra so afdim kekena afdi nma hwem nyira hwem. 4 Niyi ufin afdi na nha so ne. 5 Toma sheke Yesu "Bami-idi iybe afdi na ura sone, kekeh ira yi ufin?" 6 Yesu sheke, nhwe ufin, de ufden, de unyon, nyowe unye ra boma afdi atta keken afdim. 7 Ukuma yim ura yi attah zem. dindine so kuften uku yi rea de uderea. 8 Filibus sheke Yesu, "Bami-idi tuse attah kena ara mbue." 9 Yesu sheke "nhwede abu mi ufon ufkine hweno uyimba Filibus?" Inyen na ma derm adere atta. vone unyo 'ntsuni atta?' 10 Usema ufden nyona nhwen efume atta, atta hwe ifum? Aken ba nha nyone vo afdime ikoma kekena atta na hwe nken ne ha vo movo ibu. 11 Se ufden kum nyona nhwe efu me atta, atta hwe ifum,u es ufden keken mi muvo de iskemo. 12 Ufde-ufden nsheku nyo hwe na ama se ufden kum ara vo muvo na nvo, ars voskan nanvone, nha so afdi atta. 13 Ani na nyima, ka de ibem nna voke ni ke atta ra du itso afdi imba. 14 Uma kam ami bara nna vobe. 15 Uma tsum ura ba ikpom. 16 Nna foufo ra ke atta ara ku inye na yen na ara de uwe tutu. 17 Nvun na ufden. Afdi kayi ra kpe eba kekena ide aba ko iyi eba. Hwenone uyi ade-uhwe a hwe nkeu. 18 Na suobe unyea, na nghato bo afdiu. 19 Ufon tsika-ine afdikayi ra demba, hwe-ino ura dem kekena nhwe abuma ara hwe. 20 Ukim ne ura ri nhweafdi attah, abu uhwe afdim zem ame nhwe afdiu. 21 Inyena ama hwede ikpom, ama babe, hwe-ibu nyowe na atsum, atta mi ra tsu'a, de ame nna tsu'a de nna tsun iyim afdi u. 22 Yahuda{ vo iskariyotia} she Yesu "Bami-idi iken ine ura tsun iyiu afdibi vo afdikayi?" 23 Yesukpeido a sheke ke nyowe na ama tsum ara te akem. Attah mi ratsua ke ira hwe dudi ira kyaidibi de ibu. 24 Inye na ama tsumba ara tema akema. Aken na ni fkan ne vo afdima, hwe afdi attah na a skun ne. 25 Nha heni ami ba'ane ina nde ni hwe. 26 Whenone de navoyi de nvon na keke na attah ara skun de ibem, ara hwan ni ami bara de ara kobomi amina nyo. 27 Nsuto kumbese ikuwe keni, nkeni kumbese ikuwe ami. Nkemani hwezua na afdi kayia. Nku ke ikumbe bene gyea,de ifikenia. 28 Nifkannyona sheni nka'so nka'a bingha bo afdi bene. Nima tsun, nira tenkumbe na nha so afdi attah kekena attah skanne 29 Iten ane nshereni ami na ara vo ke ama vore nira se-ufden 30 Na nyon ma aken ufkine kekena uhwe me afdikayi habo. Aka de ikefiyi afdima. 31 Kekena ntson afdikayi iyina ntson attah, nvo afdina attah anyo nvone, ifanzu ate iso."