IBWOKO 15

1 Nhwe uti avan na ufden, attah mi enye na ra voivo uti muma. 2 A mbe ra zi asu uti na ra van avna'a kya rakya asu na ra van avan, ke a van isi ine. 3 U hwe kikye ine etki ichun na Nshe ene ma. 4 Ni hwe nken mi, Ame Nna hwe nken mene. Azwi asu uti van aka avan etki egyo ke na ama hwa igyi mbe uti'ambi a ma, abine ben eni vo akanna ambi ugyen'a ke eni ma hwenna nken mia. 5 Nhwe uti-avan, abi ne eni te asu. Enye na ma hwe nken mi, ke ame ben nhwe nken mbo eraa van-avan kagi-ine, ke ama vo re dem eni vo akanna ambi ugyen. 6 Nke enye ugyen mma hwa nken mia e mba a ta abin zeana asu uti ara bwun ma, eka ra ton ra mbe ambiten kpe uffi era kpe ra tken. 7 Ke uma hwe nken mi, aken mi ben hwe nken mbu, ka ambi na ura don kata, era vo aku. 8 Attah mi ra dzu efo etki ambi ine, na u van avan kagi-ine ke utsun yonna uhwe enye hwan abgu atenmi. 9 Atan Attah chon ma ino ame ben Nna chon ene. Ni hwe nken echon mi. 10 NKe eni ma dgen udon mi eni ra hwe nken echo mi, azwi ndgen udon mbe Attah mi ke nhwe nken echon mbo ma. 11 Nyon aken ten ke ene ma ake utsu tenten mi a hwe nken mene, utsu tenten mene ahuto. 12 Ahwen udon mi, yonna uchon udi mbu azwi Nchon uma. 13 Enyen na hwe re echon na tkan na a mbe etki mbo dow iki etki mbe bi idgho mbo bra. 14 Eni te ebu idgho mi ke eni ma dgen udon mi. 15 Nkya atan ene uswi'a ken uswi gyia ambi na bami-idi mbo ra vo ma. Ntan ene idgho ken ambi na Nfkan azwi atta mi ma nke ene gyire. 16 Eni hwomba asia, ame nhwo kpu ene Nke ene ekefigi na eni so ka van-avan, ke avan mene a hwe tsutsu. Ahwe ino ke ambi na eni ma bgu Attah nken mbe eben mi, Ara vo ake ene. 17 Udon ten Nke ene ma ke eni chon Udi mene. 18 Ke igigyi ma ze'ene, ni gyi aken aghagha ze ame nigyi aken ra ze'ene. Eni ki hwe na mbe Igigyi ara chon ene etki na eni hwe ena mbo. 19 Etki ena eni hwenna ambe igigyia re na nhwo kpu-ene nken igigyi ma ara ze'ene. 20 Ko bun akenba Nshe ene te ma, 'Uswi ra tkan e bami-idi mbo,' Ke ema ken ekan, abine ben era ke ene ekan; nke ema dgen aken mi, era dgen ena mene. 21 Ere ene a vo ambi ten kata etki eben mi, ken egyia enye na tkun nbo ma. 22 Ke nki bo re yon ma aken'a ekia hwa re edan'a, ndine hwen ehwa re aken na era yon etki mbe ambi izwi mbea. 23 Enye na ra ze ame ra ze Attah mi ben. 24 Nke nki ma vo ma abgu aten na enyehwe ta vo fkan eningyi mbe'a eki ahwa re ambi zwizwi'a, ndine hwen edere e kin ra ze ame re Attah mi. 25 Ahwen ke aken baeba te nken udon mbe ma ebo uzwen, 'era zem voa etki ambi ugyen.' 26 Ke ena seyen ikube- na nskun mba afdi Attah, ahwe nvun na ufden, na zu afdi Attah- ma bore, ara nyon aken eskimi. 27 Abene nira nyo kekena nhwe abene na kaften.