1 "Ambi ke Nshe ene aken ten ma ke eni ti kpu ka tanna abin'a. 2 Etsu ene ra zi igigyi ikpi fun etki mbe. Ufon kpu amou mu enye na ma bwan ene ra de ze'ana ara vo aten mbe Ukachan. 3 Era vo ambiten etki ena egyia Attah'a re amen ben'a. 4 Nshe ene aken ten ke ufon mbe ma kpu moure eni kobun ken Nfu she ene aken etki mbe ma. Kaiswen Nshe ene'a aken ten ken Nta hwe mi re de'nendne. 5 Azwi hwahwen Nka so azwi enye tkunma, nino enyeugyen mene kanmba 'azwi nna so mu'a?' 6 Etki ena nshe ene ino ma ehwa-ihwa mghan re nken ikube mene. 7 Uzwen Nna she ene asi ke ene Nyun ka so. Nke nma ka so ma, enye sengyen ikube ra boa azwi mene, ken nma so re, Nka tkun mba abo azwi mene. 8 Ka ama bo re, enye segyen ikube, ra tsun igigyi edan mbo 9 etki ambi zwizwi, re na kikye, re abgu ehwan, etki ambi izwi ken e soa uzwen mia; 10 etki ena kikye ken Nghato ra so azwi Attah, 11 etki abgu ehwan ken uhwe mbe igigyi etan re ehwan mbo. 12 Nte re ambi ba nki ashe ene ifki-ine, ndine hwen eni ta fkan agyinna. 13 Ke ama bore, Nvun na uzwen ra hwan atsun ene ambi ba te uzwen ma kata, ken ara yon aken etkiegyo, ara yon ambi na ama fkan re, re ambi ra bo ikiswen. 14 Ara ken efo,ken ara mbe nken ambi na hwe ena mi a she ene. 15 Ambi na Attah hwe re do kata hwe ena mi. Ahwe ino hwen, Nyonna e Nvun ra mbe nken ambi na hwe ena mi ara she ene. 16 Ufon dan cika ani ra demba, nken ufon nagyen cika-ine eni nghanuchi ra dem." 17 Etki aken mbo ten, ebagyen nke ebahwan abgu aten mbo ten yon regye, " ambi ka yonna 'nken ufon cika-ine eni ra demba, re nken ufon nagyea cika-ine eni ra dem,' 'ken Nka a so azwi mbe Attah?'" 18 Ahwe ino hwen eyonna, "Ambi ara yon hwen ekon, ' Nken ufon cika-ine"? Ifkan gyi iya ambi ara yon ten." 19 Yesu degyi re aken echon na era ka ma, ashe yonna, "ahwen ambi na eni ra ka egyenne ma, ambi nna tsun na nyonna, 'Nken ufon cika eni ra demba, nken ufon cika nagyen eni a dem'? 20 Uzwen- uzwen nna she ene, eni ra kpi eni ra to adgenefuu, azwi igigyi ra ten utsu. Eni ra zwi ikube, ikube izwi mene ra tobighan utsu nten. 21 ke eburo ra mba isan ara zwi ikube ke ama mba tore, akya korabun'a re uswen mbe isan etki utsu nten na a mba re enyehwe bore igigyi. 22 Ndine hwen eni ra zwi ikube, Nghanuchi a de akyanne ikube mene ra ten. Enye na ra mbe ka ikube nten mene hwa. 23 Ukin imi wuna eni ra kanmba aken ugyen. Uzwen, uzwen Nna she ene, ke eni ma bgu akon-akon azwi Attah nken mbe eben mi, Ara vo ake ene. 24 Ndge bo hwen eni ta bgunna ambi ugyen nken eben mi'a. Eni bgu, eni ra dzu ke utsu nten mene a bo uzwen 25 Nshe ene ambi ten nken nfin, ufon ra bona nkya re ene yon ma nfin reufia, Nna a she agha ene aken etki mbe Attah. 26 Ukin ise eni ra bgu nken eben mi re na Nshe ene yon Nna foufo ake Attah etki menea, 27 Attah re etkiegyo ra chon ene etki na eni chon ren ma, re na eni so uzwen yon Nzi azwi Attah bo ma. 28 Nzi azwi attah bo, Nbo igigyi. Reufi Nna yun rato igigyi re ka so ra kya azwi Attah." 29 Eba hwan abgu aten mbo ten yonna, " de ndine hwen Uyon gha ra to aken U kya ra yon hwa inunfin reufia. 30 Ndine hwen igyi yon ugyi ambi kata, ura don hwa enye ugyen a kau akenka. Etki ino hwen, I so uzwen yon uzi azwi mbe Ukachan." 31 Yesu re yonfi " Eni so re uzwen Ndine hwen? 32 De, ufon ra bo, a bo to re ma, na eni beashen kata mene, aban aban ra nghan ra so idi mbo, eni ra to ane amemba. Nino, Nhwe ma re ugyon rea ken Atttah ni hwe igige. 33 Nshe ene aken ten ma ke nken mi eni mbe ikube mene a dow iki. Nken mbe azwi igigyi ene hwe nken ekan. Eni zwen ikube ken Nkpu ji mbe re igigyi."