IBWOKO 17

1 Yesu yonzwe aken ten ma ambetkuzi ningyi atan, a yon "Attah ufon kpu more na urake imnambu efo ke amense nku efo." 2 Atan ena uka ekie etki mbe igyi kata ke ibu ben ake enye ba ukpu ka ma ugyon na tsutsu. 3 Nawen hweasi ugyon na tsutsu: ke egyi abu Ukachan na uzwen, re enye na utkunmba bo, Yesu Krisiti. 4 Nke ru efo nke igigyi. Nvo zwe reaten na uken ma yon Nvo. 5 Ndine hwen, Attah, ke efo mi re na mu e yun attan igigye zeana efo na Nfu hwe re do re du inigyi efu ken mo azwi igigyi ma. 6 Nfko to eben mbu ke enye ba ukpue ken nken igigyi ma. Efu hwe ena mbu, ukpue ken, e dgen re aken mbu. 7 Ndine hwen egyi yon ambi ba uken zi azwi mbu bo, 8 Ken Nke bwanre aken mbu na ukpu ken ma. E kpe aken bra mu ekin so uzwen yon Nzi azwi bo, e kpeino Utkun asi nbo. 9 Nna foufo etki mbe. Nna fo ma etki azwi igigyia etki eba Ukpue ken ma, ete me re na mbu. 10 Ambi na hwe mbo ami ndne hwe ena mbu, ena mbu hwe ena mi, Nna dzu efo nken mbe. 11 Nkya hwe ma nken igigyia, Nna ghanto ra bo azwi mbu. Attah na kikye, kpue te nken eben mbu na uken ma ke ete ambi ugyen, azwi ame re du ite ugyen ma. 12 Azwi Nfu hwe re dema, Nkpue te nken eben mbu, na u mbe ken ma. Ndgen kpue, ugyen nken mbe jia abin'a, nvonzire imba na ji re abin, ake ufka kikye a bo uzwen. 13 Ndine hwen Nna bo azwi mbu, ambi ke Nna yon akenten igigyi ma ke ehwe re utsu nten mi avo nken mbe re egye. 14 Nke re aken mbu, igigyi ra ze'e etki ena evoa na me igigyi'a ma. 15 Nna bgu ma yonna U kpuzi nke igigyia, ke na abu U dgen kpue azwi enye sigyo. 16 Evoa ena mbe igigyia, azwi Ame Nvo ma na mbe igigyia ma. 17 Tohwo kpue re uzwen. aken mbu hwe asi uzwen. 18 Tan imi utkun nken igigyi ma, ame ben Ntkun'e nken igigyi. 19 Etki mbe tohwo etki egyin, ke abe reetkiegye toahwo kpuegye nken uzwen. 20 Nna fo ma etki eba ten mba, re eba ra so uzwen mi etki aken mi na era yon ake ma. ke ete ambi ugyen, azwi abu, Attah, uhwe nken mi ame ben nhwe nkenmbu. 21 Nfo yonna ke ete nken mbi, ke igigyi e so uzwen utkun asi. 22 Efo na u mbe kenma, Nmbe kere, ke ete ambi ugyen. Tan ihwe ugyen ma: 23 Ame nken mbe, abu nken mi ke efun etki ugyen, ke egyi yon abu Utkun asi, re na Uchon re tan Ura chon ma. 24 Attah, Nna don yonna eba ukpu ke ren eni hwe azwi Nna hwe muma, ke ede efo mi, efo na U ken etki Ura chonm fkan azwi Umo azwi igigyi. 25 Attah kikye, igigyi gyi U'mba, Ame ngyiu; eba ten gyi aken utkun. Nke egyi eben mbu, 26 Nke ra hwe agyi aso ke echonna Uchonm re do ma ra hwe nken mbeben."