1 Azwi Yesu yon aken ten ma, a biuzi re eba hwan abgu aten mbo ka so ekinyen ehwa mbe kindron, azwi ivo hwe muma ibwa re eba hwan abgu aten mbo ten e ka ka nken ivo. 2 Yahuda na mba kpenji ma, gyi azwi mu ben, ken Yesu ra so ke azwi mu re eba hwan abgu aten mbo. 3 Yahuda kpu eba te igyi, re eba aten mbe Uhwesi na kagi nghon re farisiyawa bra, eso azwi kan eman kpu uffi, re etken ekah abgu mbe. 4 Yesu na gyi ambi vo ra dzua ten kata ma, skubo a ka'e " enye eni ra don ma aban?" 5 Era yonfi "Yesu imba Nazareti." Yesu she yonna " De nhwen." Yahuda na mba kpenji ma re ebate igyi ten sente igigye. 6 Azwi Ashe yonna "De Nhwen," eshen fen re enyifu aka kpu ikihwe. A nghan uchi ka kyae, 7 " Aban eni ra don?" E nghan uchi yon kya " Yesu mbe Nazaret." 8 Yesu she yonna " Nshe re ene yon de nhwen. ke eni mara don ame, ni to ba ten aka so." 9 Ahwen ke aken na afu yon hwe yon: " Eba Ukpu kennma Ndon nima ugyen-inea." 10 E Siman Bitrus, na kun ehwan hwe ma, von mbe ehwanmbo a gye mbe yentkun mbe ugyen nken mbe uswi mbe uhwesi na kagi. Eben mbo yonna Malkus. 11 Yesu she Bitrus yonna," mbe ehwan mbu dgu nken uhu mbo. Nna vuo ma ekan na Attah mbe ken yon Nvuo ma?" 12 Ino etki mbe eba te'igyi ten re abgu enyen mbo, re ba kagi mbe yahudawa bra bun mbe Yesu e te mba. 13 E mba kaiswen so azwi Annas, ughi mbe Kayafa, na fu hwe uhwesi na eghi ise ma. 14 E Kayafa hwen hwe enye na fu ke Yahudawa bra egha yonna arasi atkan na enye ugyen a fu etki mbe enyehwe. 15 Siman Bitrus, bwe Yesu re, nino ugyen nken mbe eba hwan abgu aten ten. Etki na uhwesi gyi ugyen nken mbe eba hwan abgu aten hwen ma aka re si nken idi mbe uhwesi; E Bitrus sen hwe enikigyi na igigyi. 16 E na hwan abgu aten na uhwesi de gyia hwen yun biuzi aka yon aken re imb indo ugyen nken mbe eba ra dgen enikingyi ma ake Bitrus ka si nken idi. 17 Azwi imi imba-indo na ra dgen enikingyi hwen ka Bitrus yonna " Uvo hwa ugyen nken mbe eba hwan abgu aten mbe enye hwen'a?" Ayon " Voa ame'a." 18 Re azwi kan uswi re eba te'igyi ba sente muma, ekpe mbe uffi hwe ra zwe, ken ushi ra yen, Bitrus re hwe ra zwe. 19 Uhwesi ka Yesu aken etki mbe eba hwan abgu aten mbo bra re ambi nhwan mbo ara hwan ma. 20 Yesu ra yonfi " Nyon gha aken ke azwi igigyi. Nhwe re ukin-ukin ine ra hwan ambi nken ikpi mbe Ukachan re ikpi fun etki mbe Yahudawa azwi yahudawa bo era fun. Nyon aken ugyen uton'a. 21 ambi ke ura kan ma ekon? Ka eba ra fkan ambi nhwan mi ma ambi ba Nyon ma. De enyehwe ten gyi ambi ba Nyon ma." 22 Azwi Yesu ino ma, ugyen nken mbe bakagi na senhwe yan re Yesu ma bea abgu a yonna "ahwen azwi Ura yon aken re uhwesi ino?" 23 Yesu ra yonfi, Ke nma yon gyi ma, uyon azwi nyon gyima muama, ke na nma yon uzwen ambi ke uben ambi ma ekon?" 24 Azwikan Annas dgu mba ke Kayafa uhwesi ete mba ite hwe. 25 Ndine hwen Siman Bitrus hwe ra zwe uffi. enye ba te muma ka aken yonna "Uhwewa ugyen nken mbe eba hwan abgu aten mbo ten?" A tken-igitken " voa ame'a." 26 Ugyen nken mbe uswi mbe uhwesi na hwe udi re ena eki gye mbe eyentkun mbo ma yonna " voa ndeu nken ivo kanma re doa?" 27 Bitrus ngha uchi tkenkya igitken, mbe ufon ifun to ukpi. 28 E mbe zi Yesu yun azwi Kayafa ka so azwi idi kagi mbe eba tebun uten. Ahwe nskennsken-ine ma eka nken idi mbe eba te bun uten'a ke eti dan edan ken era chon na era ji ambi iji mbe ukin kayenzi. 29 Ino hwen Bilatus biuzi bo dzue a yonna " Edan na eni mbe ra bo etki mbe enye hwen ma ekon?" 30 Erayonfi yonna " ke enyehwen ki voa ambi sigyoa iki mba bi a ku umia." 31 Bilatus she yonna "eni mba ka so ke eni ka kpen ehwan mbo azwi udon mene tsun hwe ma." Yahudawa bra sha yonna " udon ki mba eke na ira kpen ehwan uhwefu a ke iya enye ugyen'a." 32 E yon ka tsun aken mbe Yesu fu yon te etki uswi uhwerefu na ara fu ma. 33 Bilatus ka kya nken idi atan mbe Yesu aka yonna " Uhwe-asi uhwe mbe yahudawa?" 34 Yesu ka yonna "u yon aken etkiegyu fen ufkan ambe enyehwe rayon ma etki mi ma?" 35 Bilatus ra yonfi " Nvo ma e yahudawa'a, uden nbe abe? Eba idi mbu re uhwesi bun mbu abe bi ken. Uvo dan ere ekon?" 36 Yesu ra yonfi " idi uhwe mi voa ena igigyia. Idi uhwe mi ki hwe ena igigyi, ebe swi mi ki akpueka re de nki ra kama abgu mbe yahudawa bra'a. Ndine hwen idi uhwe mi zi atea. 37 "Bilatus kakya yonna " Ube uhwe?" Yesu ra yonfi "U yon ino yonna Nbe Uhwe. etki ino ambi ke embanma, etki utsu ino nbo igigyi ate, ke nyon aken uzwen. Enye na hwe ena mbe uzwen ra fkan uvun mi." 38 Bilatus sha yonna " ekon hwe asi uzwen?" Azwi a yon ino ma aka zi kya azwi yahudawa bra ashe yonna" Ndzu ma enye hwen re edan'a. 39 Eni hwe re ambi na iti vo ra bo na nfko ra to ugyen nken mbe abgu enye mene ba ikpue chu te ikpi ma ra ke ukin atko tan natenhwen eni ra don nto Uhwe mbe yahudawa ke ene?" 40 Ebe evun yonna "voa enye hwen'a to Barabbas ki asi." Barabbas mu hwen uzwi kagi.