IBWOKO 19

1 Bilatus ke ebe Yesu ama. 2 Eba te'igyi swa mbe izwi ken zeana ambi bwe etki uhwe. Ken re etki re ambi vo igyi na iban voare. 3 Ebo dzua eyonna "iku abgu idzun uhwe mbe yahudawa." e be ambi. 4 Bilatus biuzi igyi reufi ashe yonna "ni de nmba zirabo igigyi ra ke ene ke eni gyi akan ndzua mba re edan'a." 5 azwi kan Yesu biuzi bo re ambi bwe etki izwi re ambi vo igyi iban. Bilatus she yonna, "Eni de, ahwen enye mu!" 6 tan uhwesi re bakagi ten de Yesu ma ebe evun yon mba ken ikan, mba ken ikan!" Bilatus she yonna eni mba ka ken ikan re etkiegyen ene, ken amen nbun mba re edan ugyen-ine." 7 Yahudawa bra yonna " Ihwe re udon, etki udon wen ara fu kena ambe etkiehyo hwe imba mbe Ukachan." 8 Azwi Bilatus fkan ino ma afiken nghauchi bun'a, 9 aka si kya nken idi a ka Yesu yonna " Uzi athon bo?" yesu ra yonfia. 10 Bilatus sha yonna Uni yon afiwa? Ugyinne aken nhwe re ekefigi na Nma chon nfkunto uru, au nke embeu ra ken ikan ma?" 11 Yesu ra yonfi yonna "Uhwewa re kefigi ugyen etki mia vonzire ena embe ku azwi akpo ma. Ahwe ino, enye na mben kpen ji ma ambi izwi mbo tkan asi." 12 Etki aken na ayon kya wen Bilatus chon na aki atoare eba yahudawa yonna " ke Uma to enye wen re u'vowa idgho kesar." 13 Azwi esha ino ka afkan ma Bilatus mbe Yesu zibo, a so ka hwe etki uchen na era tan yonna 'kotore' eden yahudawa era tan yonna 'Gabbatha.' 14 Ndine hwen ukin kya-igyi mbe kayenzi, ufon na itehyen. Bilatus she yahudawa bra yonna " de, ahwe uhwe mene!" 15 Ebe evun, " Mba ka so, mba ka so; mba ka ken ikan!" Bilatus she yonna, " eni ra don yona mbe uhwe mene ken ikan?" Uhwesi re yonfi, " Ihwe re uhwe ugyen nma voa Kesar." 16 Bilatus mbe Yesu ke ke eka mba ken ikan." 17 Tan ino e bun mbe Yesu zi igyi eka atkan mbe uti-ikan so azwi na era tan " azwi afu etki," na era tan eden yahudawa yonna "Golgotha." 18 E mbe Yesu ken ikan igigye re eba uzwi ifan, abgu ji re abgu swe, Yesu hwe nken mbe. 19 Bilatus ba mbe ufka ambe ba etki ikan. mu yonna: YESU MBE NAZARET, UHWE MBE YAHUDAWA. 20 Yahudawa ifki-ine kpen iba mu ken azwi e mbe Yesu ken ikan hwe muma yan hwe re nken uten. ufka mu eba hwe eden yahudawa, Latin re Hellenici. 21 Uhwesi mbe yahudawa she Bilatus, Ti ba wa yonna ' uhwe mbe yahudawa,' Uba yonna, enye hwen mbe etkiegyo hwe uhwe mbe yahuda." 22 Bilatus yonna ambi na nbatore wuna nbatore." 23 Azwi eba te'igyi mbe Yesu ken ikan ma, ekpu ambi vo igyi mbo chu ko re egye idi ini, edzu idi ugyen ugyen re ambi fkenfken mbo. Ambi nfken mu etsutso hwe ino echu yun ichi tko ka biu etki mbo. 24 E yon re-egye yonna " iti mbe tanko iya ise ino ekpu, enye na ra ji ma ra mbe asi." Ahwen vo ino ka hofu re ambi ufka na kikye ba hwe ma " echuko ambi voigyi mi re-egye e se ekpu etki mbe itken vo-igyi mi." Ahwen ambi eba te'igyi ten vo ma. 25 Eba sente yan azwi re ikan mbe Yesu ma aya mbo, re enanino, Maryamu ugho mbe Klopasu, re Maryamu Madagaliya. 26 Azwi Yesu de Uni re ugyen mbe ebahwan aten na ara chon'a ma sente ma ashe uni yonna " imbaro, de, imba mbu!" 27 A ken she enye hwan aten wen " de, aya mbu!" ndge ukin mi wuna enye hwan aten mbe aka ra so idi mbo. 28 Azwi ambi tenvonzire ma, agyi aken ambi kata vo bwanre na ambi na ufka kikye yon te ma kpu muo bwan re ma, Yesu yonna "Uhwanu ra bwan." 29 Etinka na e hwu mbe eswen uwon hwe mu, e mbe uti ake sa ambi hwan azi ahun e tsu mbe ketkizia. 30 Azwi Yesu muode eswen uwun ma a yonna" A swe re." a mbe etki ken iki chuto ugyon mbo re. 31 Yahudawa bra de yon ukin ise hwe uki ki igyi mbe ukinho na kayenzi, re na ke igyi mbe ati kyan hwa etki ikan ka biu-ukin na kayenzi'a ma (ken ukinho na ibure wen hwe re ambi kagi ma) e ka bgu Bilatus yonna eri be kekpue afkan ke ekpue sizi iki. 32 Eba te'igyi bo ebeke afkan mbe eba ekpue ken ikan re Yesu ma, 33 azwi ebo azwi mbe Yesu ma ede afu tore, hweino ma e bekea afkan mbo. 34 Hwenino, ugyen nken mbe eba te'igyi mbe uti tsoare ipan aso eken re enuben bo zu 35 bo. Enye na de ambi ten ma yon, aken mbo te uzwen. Agyi aken ambi ba ayon ma te uzwen ke abine ben eni so uzwen. 36 Ambi ten vo bwan ten hwofunre aken mbe ufka kikye yonma, " ugyen nken mbe afu ra fe'akea." 37 Azwi ugyen ufka kikye yonna "Era da enye na e tso uti ma." 38 Azwi ambiten vonzi bwanre ma Yusufu mbe Arimathea, afu hwe eba hwan aten mbe Yesu ino uton etki afiken mbe yahudawe}, bgu e Bilatus ka uvun etki igyi mbe Yesu. Bilatus ka uvun. Azwikan Yusufu bo abi su mbezi igyi mbe Yesu. 39 Nikodimus na fu tonbo azwi Yesu uchuchu ma bo ben r ubiu, re ayin udon aloevera re ubiu ba ken nara dzo biu ichen uji itkun. 40 E mbe igyi mbe Yesu bwe mbe re atukpo itin re ambi yun uhwan tan Yahudawa bra fu nghin ehon mbema. 41 Nken azwi e mbe ken ikan ma ivo utiambi hwe mu, nken ivo mu umui na kyo utku hwemu na eta mbe enye ugyen nghin fkanmua. 42 Etki ena ahwe ukin ki-igyi mbe yahudawa bre re na umui mu hwe yan si azwi ma, embe Yesu dow nken.