IBWOKO 20

1 Intanhumbe azwi kyezi ukin kaisen mbe atko, azwi kye zwea, Maryamu Madagliyabo azwi umui mu ade e gan mbezi re uchen kagi mu unuswen mbe umui mu. 2 A che so azwi Siman Bitrus re ena hwan abgu aten na Yesu ra chon'a ma, aka she yonna " E mbezi re Bmi-Idi nken umui, igi-iya azwi e mba ka dow hwe mua." 3 E Bitrus re enye hwan abgu aten mu che so azwi umai 4 eche udidi ena hwan abgu aten hwen che vonzi Bitrus kaiswen ibu ka biu azwi umui. 5 bwensi iki ade udan atukpo itn ten sete mu, akpu kaka'a nken'a. 6 Siman Bitrus che bi biu eyinfu mbo a ka nken umui mu. Ade udan atukpo itin ten te mu 7 re atukpo na embe tswea etki muma. A setea igigye re udan atukpo itin ten a bwen kpu etki egyo te tkuzi ishun ugyen. 8 Iningyi ena ki che kaiswen bo wuna ka sibo nken, a de ambi ten a so uzwen. 9 Ken eten mu una eta gyia ufka kikye na yonna a shi ayun azwi uhwefu'a. 10 ino eba hwan abgu aten mbo ten ka so kya ambe idi. 11 Maryamu sen igigyi ara chen egyen. Azwi ara to adgen efu ma abwen si nken umui mu. 12 A de malaika ifan se itken itn kpu ichi te azwi ee mbe Yesu fu dow hwe muma ugyen hwe ishina afkan mbo. 13 Esha yonna " imbaro, ambi ke ura chen egyen ma ekon?" Ashe yonna, etli na e mbezi Bami-idi, ngi ma azwi emba so muma." 14 Azwi ashe to ino ma, a to bighanzi ade Yesu sen hwe azwikan, A kpu de gyi aken Yesu sen he asia. 15 Yesu sha yonna " imbaro, ambi ke ura kpi=ino ma ekon? Enye ura don ma aban?" ara de zeana enye na ra kya ivo muma asha yon " bakagi, ke Uma mbe zia abu ushen azwi umba ka dow hwe muma, ken nka mbezia." 16 Yesu sha yonna, "Maryamu" ato bighanzi, ayonna eden Yahudawa " Rabboni" (ini mbo yon "Enye hwan ambi"). 17 Yesu sha yonna " Ti chon mba abgu igyi, ken Nta tko ma azwi Attah'a, so ka she befgini mi bra aken Nka tko azwi attah mi re attah mene, Ukachan mi re Ukachan mene." 18 Maryamu Madagaliya bo abi she eba hwan abgu aten ten " Ndere Bami-idi." a ken she ambi na ara yon ma. 19 Azwi ukin kpure, udgo mbe ukin kaiswen mbe atko, etki afiken mbe yahudawa bra ekpu-egye chu te ikpi era de ma Yesu sen hwere nken ukoko mbe, yonna "Gyenshun mene." 20 Azwi a betoi ma a tsun'e abgu mbo re aso mbo. Eba hwan abgu aten mbo ten ten utsu na ede re Bami-idi ma. 21 Yesu nghan uchi she kyae "Gyen shun mene. Azwi Attah tkun ma, ame ben Nna tkun ene." 22 Azwi Yesu she toi ino ma hwo ugyo se ere a she'e yonna " Ni kpe Nvun naKikye. 23 Enye na eni to ambi zwi-zwi mbo ke ra e to kera, enye na eni ma to ambi zwi-zwi ka mba, e to ka mba." 24 Toma ugyen nken mbe bwo imba ifan ten na era tan yonna Didimus, re hwa mua ufon na Yesu bo ma. 25 Ena hwanabgu aten na gyen wuna bi sha enyifun yonna " I de re Bami-idi." A she'e " Nvoa ena nde abgu mbo aba mbe ama asho te mua, re ena nmbe itka abgu mi tku nken uhwa uti naipan aso mboa, Nna so uzwen." 26 E nyifu mbe ukin itita eba hwan abgu aten mbo nghan uchi te nken ikpi, re Toma nken mbe. Yesu ka bo nken azwi enikingyi chu-chu te ma, a senhwe ukoko mbe, a yonna, "Gyenshun mene." 27 A she Toma yonna, mbe abgu mbu eku cho abgu mi. Mbe kya abgu eku cho ipan aso mi. Ti hwewa enye na ra so uzwen'a, so uzwen." 28 Toma ra yonfi " Bami-idi mi,re Ukachan mi. 29 Yesu sha yonnah "etki ena uden remma ibu uzwen ma, ambi si ke eba ta de'a e so uzwen." 30 Azwikan Yesu vo ambi ucho api ifki-ine ikiswen mbe eba hwan abgu aten ten, ambi ba ekpu bate'a nken ufka hwen, 31 ena ekpu dzu baten etki na ke U so uzwen yon Yesu hwe asi Krisiti, imba mbe Ukachan, ke uzwen soso mbu ra ku etki na tsutsu nken aben mbo.