IBWOKO 21

1 Azwi ambi ten vo vonzi re ma Yesu tsun kya etkiegyo azwi eba hwan abgu aten mbo atkun ugyi mbe Tabiriyas. 2 Ahwen etan a tsun etkiegyo ma:Siman Bitrus hwe udidi re Toma na era tan yonna Didamus, Nataniyel na zi a kanan nken Galili, ibumba mba Zabadi, re ba ifan bagyen. 3 Siman Bitrus she yonna, " Nka so kya igyu nbun." E sha yonna " Abi, ben, ira bwe ure." eka ka nken ughaa, e bun dzua ambi ugyen uchu mu wuna. 4 Awi itanhu tan ma, Yesu senhwe atkun enuben, eba hwan abgu aten ten gyia aken Yesu senhwe asi. 5 Yesu ka yonna " befken bra eni hwe re ambi iji?" 6 Era yonfi yonna "ndha." Ashe yonna, " Ni mbe ake to kya enuben ishina abgu ji mene, eni don aninna." E mbe ake se enuben e bun igyu na ke e kon kaa ake mua. 7 Azwikan enye hwan abgu aten na Yesu ra chon'a ma she Btrus yonna, "E bami-idi." Azwi Siman Bitrus fkan yon e bami-idi ma, akpu ambi shesi (ken aki ten kpu ambi te igyi), a mbe egyo ta etki enuben avo bi so. 8 Eba dan ma bo nken ugha (ekpu hwe dzwan re atkun enuben mua), era ve ake hwen re igyu e'mghan nken. 9 Azwi ebo biu agon ma ede e kpe mbe uffi re akan kagi ine hwe re igyu ifko zen hwe mu, amghan hwe ishin ugyen ben. 10 Yesu she yonna, " Eni gho mbe igyu eni bun si hwen bo." Siman Bitrus che ka so aka ve ake mu bo agonre igyu e'mghan. 11 Igyu kagi-ine ake mu kpu ghaa'a. 12 Yesu she yonna " Ni bo igban aza, ekpu tkua na era ka yon "Uhwe aban?" ken egyi tore aken e Bami-idi ma. 13 Yesu bo, a mbe amghan, a ke re igyu mu. 14 Ahwen ena to ita na Yesu ra bo azwi mbe azwi ashi yun etki umui ma. 15 Azwi egban to aza ma, Yesu ka Siman Bitrus,"Siman imba mbe Yohanna ura chon tkan ambi ten?" Bitrus shayonna "Ino bami-idi, Ugyi Nna chon'u." Yesu sha yonna " su iton mi bra." 16 A ka kya ena to ifan, "Siman imba mbe Yohanna, ura chon?" Bitrus sha yonna "Ino Bami-idi Ugyi Nna chon'u." Yesu sha yonna, Dgen ambi usuu mi." 17 A ngha uchi ka kyaena to ita, Siman imba mbe Yohanna, "Ura chonn?" Bitrus vozwi ikube ken Yesu kakya enato ita "Ura chonn?" Asha yonna "Bami-idi ugyi ambi kata ugyi aken nna chon'u." Yesu sha yonna " Su ambi usuu mi. 18 Uzwen, uzwen, Nna she ene, ufon na ufu hwe iso, ufu ra vo egyu re ambi vo igyi na ura chon, azwi ho re aho, uba no ato abgu enye ugyen ba se uru ambi vo igyi asi, atken mbo ka so azwina uchon hwa." 19 Yesu yon aken ten ino ka tsun uswi uhwefu na Bitrus ra fu na ra ke Ukachn efo ma. Azwi ayon toino ma, ashe Bitrus yonna, "bwe ane." 20 Bitrus tobighan a de ena Yesu ra chon ma, ena fu dow yan hwe re Yesu ukin efu ji ambi na hwennwen ma, efu ka ibu yon "Bami-idi, enye mbu kpen aji ma abn?" 21 Bitrus dea ashe Yesu, "Bami-idi, ambi enye hwen ra vo ma ekon?" 22 Yesu sha yonna "ke nma ara hwe fkanzi Nna bo aken mbu hwe mu? Bwe ane." 23 Aken gban yunnken mbe eba ba Ukachan, yonna enye hwan abgu aten na imi wuna ra fuifua. Ambi Yesu yon Bitrus ma voa inoa, asha yonna "Ke Nma ra chon na ara hwe fkanzi na Nna bo aken mbu hwe muna?" 24 Ahwen enye hwan abgu aten na yon ambi tke re ambiten, enye ba ambi tenma, igyi yon aken mbo uzwen. 25 Ambi bagyen ifki-ine te mu na Yesu vo. Ke eki aba kata mbe, Nna de azwi igigyi re etkiegyo tken aka mba.