1 Yesu ka tko ihwen Zaitun. 2 Itanhu aka ngha to bo ikpi mbe Ukachan reufi, enyehwe bo fun; a hwe ikihwe a hwan'e. 3 Eba ba ufka re farisawa bra ka mbe imbaro na ebun mba ara ban uni usho bo eka senhwe ukuko mbe. 4 Esha yonna "enye hwan ambi, imbaro hwen ebun mba nken uni usho. 5 Nken udon, uswi ebaten e Musa hwan'i yonna ita bwan kpu re uchen; ambi na abu u yon etkimbe ekon?" 6 E yon ino etki na ere don ufu'u na ke e dzu mbe ambi na era bun abgu mu na era ka edan, Yesu bwen ikihwe a ba ambi ikihwe re itka abgu mbo. 7 Azwi e fkantkun mbe akenka ma, a mbe tkizi etki attan a she" nken mene enye na ta vo fkan ambi izwi-zwi'a, a kaiswen mbe uchen ta imbaro hwen." 8 A nghanto bwen iki ara ba ambi re itka abgu mbo. 9 Azwi e fkan ino ma, e sken yun ugyen-ugyen zi etki mbe ebakagyi mbe bi si etki mbe ebiski mbe, ba dansi e Yesu re imbaro hwen mba. 10 Yesu bga yun attan a ka yonna "imbaro, eba ki bun mbu bo ma te athon? enyen ugyen ta umi uchen?" 11 A yonna "ndna, ugyen vo mba ambi bami-idi." Yesu sha yonna "ame ben n cho umba abgu igyi so ku uti kya vo a ambi zwi-zwi rufia." 12 Yesu re yon kya aken, yonna " Ame nhwe asi ugha mbe azwi igingyi; enye na ra ba ame kya kyunikyun nken ichefu re-ufia a ra hwe re ugha mbe ugyon." 13 Farisawa bra sha yonna, "ucho gikpu etki egyo; aken etki mbu tei uzwen'a." 14 Yesu re yonfi yonna "ke nma ra yon aken etki mi, akenmi hwe uzwen. Ngyi azwi nzi mu bo ma ngyi azwi nghato ra so mu,abene eni gyinna azwi mu boa,re azwi nghant ra so mua. 15 Eni ra kpen ehwan mene ena mbe igyi; Ntan ma ehwan etki enye ugyen. 16 Ke na nma kpen ehwan, ehwan mi hwe uzwen ken nhwe ma re ugyonre'a nhwe igigye re enye tkunma. 17 Ino, nken udon mene eba hwe yonna aken unu mbe enye ifan ra hwe uzwen. 18 Ame nhwe enye na ra yon aken mbe etki egyin, re atta na tkun ma ra yon aken etki mi."E 19 E ka yonna "Atta mbu mu hwe athon?" Yesu she yonna, "eni gyin mba ke eni kin agyi attah mi'a ke eni ki gyin eni ki a gyi attah mi ben." 20 ayon aken ten nken ikpi mbe ukachan azwi dgen ambi, enye ugyen tkua na ara bun mba ken ufon mbo ta kpu mboa. 21 A ngha uchi she kya yonna " Nna yunre yunyun; eni ra don eni ra fiu nken ambi zwi-zwi mene. Azwi nna so mu hwen eni bo akanna mu." 22 E Yahudawa bra yonna " ambi ati bwan mbe egyo fen? ibu ambi ka yonna ' azwi nna so muma eni bo akanna?'" 23 Yesu she yonna " Abine eni zi ikihwe; ame zi attan. Eni te na mbe igigyi; Ame vo ma ena mbe azwi igigyi. 24 Hwe ino, nna she ene eni ra fiu nken ambi zwi-zwi mene. A'u eni so uzwen etki na nhwe A'ME, eni ra fiu etki ambi izwi mene." 25 E ba ka yonna "abu mu u hwe aban?" Yesu she yonna, " Atan kaiswen nshe ene ma. 26 Nhwe re ambi ifki-ine na inna bun ene ehwan etki mbe. 27 Nino enye tkun ma hwe uzwen; aken ba nfkan azwi mbo ma, aken ba nshe azwi igigyi." E fkan gyi -a aken are ra yon aken etki attah ma. 28 Yesu yonna " ufon na eni tken mbe imba enyehwe ra yun attan ma, nigi eni kin a gyi aken ahwe A'ME, re na nna vo ma ambi ugyenne re etki egyin'a. Azwi mi Attah hwan tsun ma, Nyon aken ten. 29 Enye na tkun ma ni hwe igigye, at to fkan mbra, etki ena nna vo ambi na era ten utsu re den." 30 Azwi Yesu yon aken ten ma ifki iene so uzwen azwe mbo. 31 su she e Yahudawa ba so uzwe azwi ma yonna " ke eni hwe nken mbe aken mi, uzwen igibo eni hwe eba hwan aten azwi mi; 32 eni kin gyi uzwen, uzwen hwen fka'azi ene." 33 Ekpe ino, " ite binbon mbe Ibrahim ita ka fkan-iya uswi mbe enye ugyen ekon ke uyonna ufkaazi?" 34 Yesu re yonfi " uzwen, uzwen Nna she ene enye na ma ra vo ambi izwi hwe uswi mbe ambi izwi. 35 Uzwi ra hwe chuichua nken idi'a; imba ra hwe. 36 Ahwe ino hwen, ke imba ma fkaziru, ura dzu na fkazizi na uzwen. 37 Ngyi ken eni hwe binbon mbe Ibrahim; eni ra don eni bwan ame etki na aken mi hwa re azwi nken mene. 38 Nyon ambi ba nde re Attah mi ma, abi ne eni ra vo ambi na eni fkan azwi atta mene ma." 39 Era yonfi yonna " Attah mi e Ibrahim." Yesu she yonna "ke eni ma hwe ibumba Ibrahim, eni ra vo abgu aten mbe Ibrahim. 40 De ndin hwen eni ra chon na eni bwan ame, e enye na shene uzwen na nfkan azwi Ukachan. 41 Eni ra vo aten mbe attah mene." Ibrahim ra voa uswi ambi hwen." Esha yonna, " I vo iya e biski uni usho'a I hwe attahugyen: Ukachan." 42 Yesu she yonna " kena Ukachan ki hwe asi Attah mine, eni ki ra chon, Nzi azwi mbe Ukachan nre ene hwe; nbo ma re etki egyin, a tkun ibu. 43 Ambi ke eni fkan ra gyinna aken mi ama ekon? Etki ena eni ra fkanna aken miama. 44 Eni te ambe atta mene, e shetan, eni kin chon mbe na eni a vo abgu aten mbe attah mine. Ahwe enye bwan enye kaiswen a sen hwe ka azwi uzwen 'a ken uzwen hwa nken mbo. Ka ama ra sko eden ara yon edn eswi mbo etki na a hwe enye eden attah mbe eba eden. 45 Etki na nna yon uzwen ma, eni so nna uzwen mi'a. 46 Nken mene enye bun fkan ne re ambi izwi ma aban? Ke nna yon uzwen ambi ke eni kpenna ino mima ekon? 47 Enye na ma hwe ena mbe Ukachan ra fkan aken mbe ukacha; eni ra fkanna ken eni vonna ambe Ukachan'a." 48 E yahudawa bra sha yonna, " voa uzwen iyon yonna uhwe eba samariya u kin hwere ugyo izwi?" 49 Yesu re yonfi yonna " Nhwe ma re ugyo izwia, Nna ke Attah mi efo, abine eni de ra ghan. 50 Nna don ma efo etki-egyin'a; enye na ra don a kin ra kpen ehwan ma hwe mu, 51 Uzwen igibo, Nna she ene ke enye ne ma ra dgen aken mi, ra de'a uhwefu'a." 52 E Yahudawa bra sha yonna " ndine hwen igyi ken uhwere ugyo ma. Ibrahim re annabawa bra fu uhwefu; abu uyon, 'enye na ma ra dgen aken mbu ra de'a uhwefu'a.' 53 U tkan Attah mi Ibrahim na fu ma? Annabawa bra ben fu. Ambi u mbe etki-egyu hwe ma ekon?" 54 Yesu re yonfi, " nke na nma ra ke egyin efo, efo me hwa ambi ugyen; Attah hwe asi enye na ke nna dzu efo- enye eni yonna a hwe Ukachan mene ma. 55 Eni ta gyia mene, ame ngyia. Nke nma yonna ngyia mba nna hwe ze ana abine ma, Ngyia nna dgen aken mbo. 56 Attah mene Ibrahim ten utsu azwi ade ukin mi ma; a fu de a fu ten ikube." 57 E Yahudawa bra sha yonna, " U ta kpu biu wa egyi uji itkun'a, ude to re mbu Ibrahim?" 58 Yesu she yonna, uzwen, uzwen, nna she ene, Ame nkaiswen mbe eten mbe Ibrahim." 59 E ton kpu uchen na iki ata'a,Yesu mbe egyo ton ishin ugyen a biuzi nken ikpi mbe Ukachan mu.