1 Azwi ambi ten vonzire ma, Yesu yun ikyun nken Galili, a chon na ara ka nken Yahudiya ken Yahudawa bra don na e bwan mba. 2 Eten mbe ukinho mbe uto nvun mbe Yahudawa yan re azwi. 3 Ebe fginino sha yonna " yun ate uka so e Yahudiya, ke eba ra hwan ambi abgu mbu ma se ede ambi na ura vo ma. 4 Enye ra vo ambi ucho na hwen uton hwa, enye ra vo uswi ambi ra don na eki gyie. Ke ura vo uswi ambi ino tsun etki egyu ke azwi igigyi." 5 Ke re bedi mbo se so uzwen ka mba hwa. 6 Yesu she yonna " ufon mi ta bo, ufon na mene bo tore. 7 Azwi igigyi ra zenna, ame ara zenn ken nna yon aken etki abgu aten mbo te ma sigiyo. 8 Eni ra tko azwi ukinho hwen; ame ntko ka ma mua ken ufon mi ta mbo'a." 9 Azwi a she toino ma a hwe ambo e Galili. 10 Azwi ebedi ka tko kpure azwi era vo ukinho hwen ma, ibu ben a ton tko mbo re mu. 11 E yahudawa bra hwe don ra kyun azwikan era ka yonna " A hwe athon?" 13 Era yon aken re egye etki mbo, bagen yonna " a hwe enye isi." bagyen yonna " indna, a vo ra zwi enyehwe." 13 E yon zubo aken etki ke enye hwe fkan'a ken era ken afuken mbe Yahudawa. 14 Yesu ka tko nken ikpi mbe Ukachan afkantkun ambi nhwan. 15 E yahudawa bra kpuetkan mbo, yonna, " vo ekon enye hwen gyi ambi tan hwen? ata kafkan azwi ambi nhwan ugyen." 16 Yesu re yonfi " Ambi nhwan mi voa enamia, ambe enye tkun mba. 17 Nke enye na ma chon na ara vo utsu mbo, ara gyi ambi tke re ambi nhwan hwen, yon ati zi azwi mbe Ukachan, fen Nti ra yon aken etkiegyin. 18 Enye na ra yon akenetkiegyo ra don efo etkiegyo, ke enye na ma donefo mbe enye tkun ma, enye imi hwena uzwen, a hwa re aji nken mboa. 19 Voa e Musa ke ene udon? nken mene enye dgen udon mu hwa. Ambi eni ra don na eni bwanme ma ekon?" Era yonfi 20 "Enye chon a bwan mbu ma aban? u hwe re ugyo sigiyo." 21 Yesu she yonna, " Nvo ke ene aten ugyen, eni kpu etkan mu. 22 Musa fu ke ene kye uzwi {azi azwi mbe Musa'a, afu zi abgu mbe ba tiken bra}, eni ra kye enyehwe uzwi ukin asaba. 23 Ke enye ma kye uzwi ukin asabar ken'a udon mbe Musa ambi ke eni ra vorazwi ikube re den na nda me enye uma ukin asabar ma ekon? 24 Niti tan na ehwan mbe egyi de'a, eni tan ehwan etki uzwen." 25 Enye ba zi Urushelima bo ma yonna "A hwen voa enye era don na bwan mba ma? 26 De, ara yon aken igyi, ekpu voa ambi ugyen. Hwezena e bakagyi ten gyi aken ahwen hwe asi Kirisiti, fen e gyi? 27 Abi igyi azwi na hwen zi mu. eten na Kiristi ra bo ma enye ra gyi azwi azi mu hwa." 28 Yesu mbe uvun a zakpu ke, azwi ambi nhwan yonna "Eni gyi kata azwi nzi mu bo ma. Nbo ibo etkiegyin'a enye tkunma hwe uzwen, eni gyi mba. 29 Ame ngyi'a ken a tkun nzi azwi mbo bo." 30 Echon na aki bun mba, ufon mbo ta mbo ma enye ugyen choa mba abgu igyia. 31 Enyehwe ifkine so uzwen azwi mbo e yonna, " ufon na Kirisiti ra bo ma ara vo ambi ucho api ra tkan ena enye hwen vo ten?" 32 Farisawa bra fkan unu usko mbe enyehwe ten ma etki mbe Yesu ma, re uhwesi tkun eba tegye igyi yon akabun mba. 33 Yesu shekya yonna " Nta rene hwe mi ndne mbe ufoncika ine, fkanzi nka so azwi enye natkun nbo ma. 34 Eni ra don eni ra demba; azwi nna so muma eni so akanna mua." 35 Yahudawa bra ra yon re egye, "azwi imi enye hwen ra so mu ke ira da mba ma athon? Aka so azwi eswi ufi ten aka hwan fi'e fen? 36 Ini aken mbo na yon "Eni ra don eni ra dzumba; azwi na nna so muma eni bo kanna mu'a?" 37 Abi biu ukin na kagi na nhwen mbe ukinho mu, Yesu mbe uvun attan re kefugyi a yonna " enye na uhwanu ra bwan, a bo azwi mi eka avuo enuben, 38 Enye na ma so uzwen azwi mi, atan ufka kekye yon ma, ugyi mbe enuben na etkitsutsu ra ken nken mbo." 39 A yon aken hwen etki mbe Nvun, na eba so uzwen azwi mbo ma ra dzu; eta tsu Nvun ta bo'a ken Yesu ta dzu'a efo na era ka ma. 40 Enyen bagyen nken mbe azwi efkan aken mbo ma, e yonna "Uzwen igibo ahwen hwe annabi." 41 Bagyen yonna "a hwen e Kirisiti." Re nken mbe ebagyen ka yon " Krisiti zubo e Galili? 42 Voa ufka kikye yonna Kirisiti ra bo nken mbe baidi e Dawuda re nken Betalami azwi Dawuda fu zi muma?" 43 E ko kpu unuswen etki mbo ate, 44 enye bagyen bo na eki bun amba, unukore ma e cho mba abgu igyi'a. 45 Eba degye igyi ten nghanto bo azwi uhwesi re farisawa bra, eka yonna "Ambi ke eni bun mba re ene bonna ma ekon?" 46 Eba te-igyi ten she yonna " ita de fkan iya enye ra yon aken tan ahwen'a." 47 E farisawa bra yonfi re de yonna " abene ben a gha kpu re ene? 48 Eni de ugyen nken mbe bakagi uten ten so uzwen a zo a'u ugyen nken mbe farisawa? 49 Eba no che ra bwe re ten eba gyia udon, eba ji abin." 50 Nikodimus{ugyen nken mbe Farisawa na fu bo azwi mbo ma} kai yonna 51 " udon mi tan ehwan ra ke enyehwen na eta fkan na unu mbo tke re ambi na ara vo ma?" 52 Era yonfi eka yonna " Abu be uzi e Galili? kpu sesi e ku ude annabi ta zubo fkan e Galili'a." 53 E yun azwi kan abanban bun uf'u idi mbo.