1 Enyi fun mbe ambi ten kata, Yesu ka so ishungye mbe ugyi e Galili nda era tan ugyi tibariyas. 2 Enyen tkuho inde ra bweara etkimbe ambi kya ningyi na ara vo etki mbe eba tere uma ma. 3 Yesu ka tko etki ihwen mbe a mbe ichi hwe ikihwe re bahwan ambi abgu mbo. 4 { Eten mbe ukinho mbe vunkayenzi mbe Yahudawa bra}. 5 Azwi Yesu de nyuhwe tkuho inde rabo azwi mbe ma a she Filibus, " azwi na ira kpen amgha mu a ke ba ten ra ji?" 6 {Yesu yon ino ma ka de ambi Filibus ra vo, ibu re tkegyo a gyi ambi na ara vo.} 7 ilibus she Yesu "amghan mbe dinari ifan kpu a fki e baten na era dzu cika-cika ine." 8 Nken mbe eba hwan abgu aten mbo ten , Andrew ufgini mbe Bitrus, she Yesu aken 9 " imba biski ugyen re hwe mu kon igyu ifan re amghan te, aten se kpu'a fki ambi ekon azwi enyenhwe tkoho ine ten?" 10 Yesu yonna " eni ke enyenhwe ten kpu ichi te ikihwe." { ambi fo hwe azwi mu.} Eba kpu ichi te mbe ikihwe, era biu enyen uhu uji ugyen imba itkun. 11 Azwikan Yesu mbe amghan ugyen ahun to abgu ma, acha ke eba te muma. A vo nino etki igyu a ke azwi era chon ma. 12 Azwi e ji benre ma, a she ebahwan ambi azwi mbo ten yon "eni ton funkpu eba biu dan te ma ke ugyen ati jia abin'a." 13 E ton zwe kpu kata a mgha itishe bwo imba ifan azi mbe amghan itkun na ki hwe cika ine ma, 14 enyenhwe ten azwi e de ambi na a vo kya azwi ambi ji hwen ma e yonna " aken uzwen igibo a hwen annabi na ra bo nken azwi igigyi." 15 Azwi Yesu de aken echon na ebi bun mba re kefugyi era mba nghan uhwe mbe ma aka skutkizi etki ihwen mu. 16 Azwi ukin udgo vo ma, eba hwan abgu aten mbo, ka si atkun enuben. 17 Eka ka nken ughya, e bun ufu'u na e yenzi ka zi e kafarnaun. Ichfu ra to re ufon mu hwen, Yesu ta bi dzu e mba. 18 E ugyo kagyi tso ena punpon re kefugi, enuben mu ra shi ra tketke. 19 Azwi e gha kpu ufon uji ugyen imba itkun so ebwota ma, e de Yesu kyun etki enuben ra bo ra yan azwi re ughya, afuken bun kpue. 20 A she yonna " Ame! ni ti kenna afuken." 21 Ine ningyi era chon na iki kpe ma re ka nken ughya, era de ma eka biu to re atkun enuben azwi e yen ra so muma. 22 Azwi kezi, eba mgha te eyen na mi hwen de ugha ugyen hwa mu nma vunzire na eba hwan ambi abgu mbo ten yen bo re do ma, Yesu re ka nken ugha mu, eba hwan abgu aten mbo yen bo abe mba. 23 Ahwe nino, ugha bagen zi e Tabiris bite yan re azwi na e ji amghan na Bami-idi fu humabgu muma. 24 Azwi enyenhwen ten kpe gyi aken Yesu re eba hwan ambi abgu mbo ten hwa muma eka nken ugha ba ken e fkantkun ikyun yen kazi ena Kafarnaum era don Yesu. 25 Tan eka dzua eki -yen ugyi ma eka yonna " Enyen hwan ambi , ubo ate ufon na ni?" 26 Yesu re yon fi " uzwen, uzwen, eni ra don, voa etki na eni de ambi ba nvo uchoapi ke ene ten, etki ena eni ji ben re amghan ma. 27 Niti voa nna eten etki mbe ambi jiji na ra vorazwizwi'a ke eni re vo aten eni vo etki mbe ambi jiji na hwera tsutsu na imbaenyenhwe ra ke ene ma, ken Attah Ukachan mbe abgu uhwe mbo zen hware." 28 E fko unu ka yonna " ambi na ira vo na ra ki ira vo ayen mbe Ukachan ma ekon?" 29 Yesu re yonfi yonna, " a hwen aten mbe Ukachan; ke eni so uzwen nken mbe enyen na a tkun mbe bo ma." 30 E ba sha yonna "Abi na ura vo ka ara hwe eken azwi na ki ira so uzwen mbu ma ekon? Ekon ura vo a ki? 31 Eba attahmi fu ji e manna nken abin, azwi efu ba hwe ma, 'Ake ambi jiji na zi akpo bo subo e ke ji." 32 Azwikan Yesu re yonfi, "Uzwen igibo, voa e Musa fu ke ambi jiji na akpo'a, attahmi na hwe akpo ma ra ke-ene ambijiji na zi akpo. 33 Ken ambi jiji mbe Ukachan hwe ena ziakpo subo ara ke azwi igigyi ugyon." 34 E sha yonna bakagyi, " ki uswi ambi jiji hwen re ukin-ukin." 35 Yesu she yonna, " Ame nhwe asi amghan mbe ichuenyen; enyen na bo azwi mi ra bwan ubgha'a, re enyenna so uzwen azwi mi ra bwan uhwanu'a. 36 Nna she ene eni den eni so kanna uzwen azwi mi'a. 37 Enyen na attah ma mba kene ra bo azwi mi, enyen na bo azwi mi Nna semba a tama abin'a. 38 Nzi akpo subo ma na nbi a vo ambi ba te utsu mi ma, Nbo na mbi vo ame enyen tkun bo ma. 39 A hwen Utsu mbe enyen tkun bo, Nti don nima ugyen nken mbe eba akpue ken te ma, ke ntan yunkpue ukin nhwen. 40 A hwen hwe asi utsu mbe attahmi, enyen na ma dere imba mu a so uzwen azwi mbo ara dzu etkitsutsu ame nna tanyn mba ukin nhwen." 41 Yahudawa bra tso unukpen aken etki mbo etki na a yonna "Ame nhwe asi amghan zi akpo subo ma." 42 E yonna "ahwen voa imba mbe Yusufu, imba uchi re uni igyi eri te re ate ten? Nvene ken ara yonna ' Nzi akpo subo?' 43 Yesu e yonfi a she yonna " Ni swenkpu unukpen aken re egyi ene. 44 Enyen ugyen bo aka azwi mia nvoa na Atta tsua asi'a, Ntan yun mba ukin na nhwen. 45 Eba hwe nken ufka annabawa, 'Ukachan hwan atsun enyenhwe kata.' Enyen na ma fkan gyi ambi Attah hwan ma ra bo azwi mi. 46 Enyen na de fkan re Attah hwa nma vonzire enyen na zi azwi Ukachan- a de Attah. 47 Uzwen enyen na ma so uzwen hwe re ugyon na tsutsu. 48 Nhwe asi amgha mbe ugyon itsu. 49 Eba attah mene ji e manna nken abin, e fu mbe re ifu. 50 A hwen amghan na subo azwi akpo, ke enyen na ma ji re akya fu reufia. 51 Nhwe asi amghan na hwe uwun na suba akpo. ke enyen na ma ji amghan hwen ara hwe tsutsu. Amghan na nna kema ibiigyi mi na ra ke ugyon e igigyi." 52 E Yahudawa bra mbe re uwuon, e tso usi re egye yonna "ambi ke enyen hwen ra ki igyi mbo ira ho ma ekon?" 53 Yesu mbe she kyai, "Uzwen-igibo ke eni ma ta ho nna ibi igyi mbe imba enyenhwe re naeni vuo eken mbo eni hwenna re ugyon nken mene. 54 Enyen na ma ho ibi igyi mi avuo eken mi hwe re uhyon na tsutsu, Ntan yun mba ukin na nhwen. 55 Ken ibi igyi mi hwe ambi jiji na uzwen, eken mi hwe ambi ivuo na uzwin. 56 enyen na ma ho ibi igyi mia vuo eken mi hwe nken mi, ame ben nken mbo. 57 Azwi attah hwe uwun a tkunma, re na ame nhwe uwun etki mbe Attah ma, nino se enyen na ma ho ame ra hwe uwun etki mi. 58 Amghan hwen zi akpo subo, hwa ze ana ena be attah bra fu ji e fu mbe re ifu ma. Enyen ma ji amghan hwen ra hwe re uwun a tsutsu." 59 Yesu yon aken ten nken ikpi fun etki mbe yahudawa bra azwi ara hwan ambi mu e kafarnaum ma. 60 Ifkine nken mbe eba bo ra hwan ambi azwi mbo ma fkan aken ten e yonna " ambi nhwan hwen swenre; enyen kpe aka hwa" 61 Yesu, azwi a gyi re aken era kpen unukpen aken ma, a kae yonna eni vo ra zwi ikube etki aken hwen? 62 Eni vovo ine keeni de imbaenyehwe ka ra tko akpo azwi a zi mu ma? 63 Nvun ra ke ugyon asi; igyi vo ra ka ambi ugyen'a. Aken ba nshe ene ten hwe nvun, e te asi ugyon. 64 Hwe nino enye ba ken mene so uzwen." Yesu kaiswen gyi tore eba ra soa uzwen'a re eba fkak kpua afkan. 65 A she yonna " ambi ke nsh eneyonna enye ugyen bo ra kaa azwi mia nvoa na attah tsua asi yon ari bo'a." 66 Etki aken ten eba ra hwan ambi abgu mbo ifkine ko igyi re do e kya ra kyun reufia. 67 Yesu ka eba bwo imba ifan ten, " Abene fa eni yunna? 68 Siman Bitrus fko unu a yonna " Bami-idi azwi aban iyun ka so? U hwe re aken mbe ugyon mbe etki tsutsu, 69 I so re uzwen ide gyi re aken abu uhwe enyen kikye mbe Ukachan." 70 Yesu she yonna " Nhwo ene enyen bwo imba ifan? ugyen nken mene hwe ena mbe shetan." 71 A yon ino ken Yahuda Siman Iskariyoti, ken ahwe ugyen nken mbe bwo imba ifan ten na ra fka kpua afkan ma.