Uchun 9

1 udnu gigye dna ka iswen Fuhwere azwi fune tki atere udon mbe etki furfu dna azwi-igigyi. 2 Ikpifun tki efu kya mba hwe.Ikpi dna ka iwsen era tanyi dna azwi keke.Azwimba emba kpu ufi tembu, teburi re amga tembu. 3 Enyu fun mbe labulle dna to ifan, ikpi ugye hwemu dna era tan ny-dna azwi dna keke tkama . 4 A hwere bagadi dna ere tke ambi nyuhwa'mu. Ahwere uhwe udnu gigye. Dna ekyambo hwere zinariya Nkembo nyiso zinariya dna hwere manna re uchun mbe Haruna dna zire anyi re ufka mbe nchen dna hwere udnu gigyema. 5 Etkimbe ikpati mbe udnu gigye mu,ambi kya nigyi mbe kerubi dna hwere efo, dna kyayo ibwe mbo sisi idne,Edna udnu swen nyara ka'a. 6 Azwie kya zwere ma,uhwe si karasi ikpi dna ka-iswen era vo aten dna mbe. 7 Uhwesi dna kagyi rasiikpi dna toifan hwe ibun ba, afgu ugyen nkenmbe enyi, Akara sire ekan mbe hadaya,etki mbo re etkie ambizwizwi mbe nyen-uhwe ba egyia evoma. 8 Nvun dna keke chu nyi dna de ke azwie ikpi mbe ukenchan dna ka iswen ta se hwe, edna kasi ikpi dna kye tama ta voa eten mua. 9 Edna hwen na nyon aken etki mbe ete dna etembe ten. Re ambi ba era kyere iswen re hadaya dna ekpura kema ta zwe ka uchu kuko mbe enye dna ra ke etkia. 10 Ambijiji re ambi vuvo dna akutere ambisisi re kyo-ikyo inde.Naten ambi ba ekpute eteravo ka-bu uki dna era mbe kya udon dna fifi rabo. 11 Krisiti bo etkembe uhwesi dna kagyi re ambisisi dna bo. Aso nke ikpi dna keke dna tkama kata dna abgu enye takpima Asia.krisiti bo etkie ambisisi dna ra bo ikiswen. 12 Voare eken mbe ibwe re ambe iton, re eken mbo akasi nken azwi dna tkanma afka ugye etkimbi kata ambe edna fkazizi bo. 13 Deke eken mbe ibwe re i dno ba hwere re ukye ka'sana etki mbe ba te keke idne ma ke e sonya azwi re ukenchan. 14 Ambi dna ura nyo etkimbe Krisiti dna mbe eken mbo nke nvu dna hwechuchu ambe etki gyo ke hadaya,dna hwere ajia azwimbe Ukechan, dna sake re mbe ambina ira etkie aten ba tea re efoma ke ike etkike Ukechan dna hwe re ugyoma? 15 Etkie dna hwe Krisiti asi enye dna mbe aken dna fifi boma. Avo i dno ma etkie uhwe fu mbo kpe fire azwi dna afkato eba fute azwien akan dna ka iswena azwie ambi zwizwi mbe. 16 Azwie dna nyen ugye mba nyo aken hwe enyufun mbe uhwe fumbo, akembu zira bo. 17 Enyen mba fura dnigiaken dna nyombe hwenma zia bo, aken mibe ambi dna ara choma ziraboa deke amba te hwer ungu. 18 Udnu dna gigye dna ngha voa atan se re eken. 19 Azwie Musa kpu udo kere enyen-hwema, ambe eken mbe iton re ibwen, re aniben re echu iba,ufe sa itkpu akpu fgu ufka udon re enyen uhwe. 20 Anyi dna,ena hwen eken mbe udnu. Gigye dna Ukenchan kye dne udon etki mboma. 21 Ambe eken mbu fgu seh azwie ikpimu re ufku tambi dna evo aten re do ma. 22 Azwien udon nyonma, Ambi kayu esakye rakpu re eken. Deke ekan bwu bwo iki ma hwa, dna to kike hwa. 23 Ahwe idno ma, ambi ba era hwan etkieambi ba eravo akpoma, esake akpue re eken mbe ibia mbi ten.Ambi ba te akpoma, re etkie egye esakea kpure hadaya dna tkama. 24 Krisiti kasi nkembe azwidna tkama, voa edna ekya re abgua, Ehwa azwie ambi dna hwere uzwen. Aka akpo re etkie gyo, achu etkie gyo azwi mbe Ukechan etki mbi. 25 A soa azwi fun dna ambe etkie gyo kekya re ufia azwe uhwesi dna ngagyi ra voma, dna karasi nke azwi dna tka ma kata afkan ugyen nkembe enyi re eken mbe edna ugye. 26 Deke aki hwe i dno, akira vo ekan ra tka afkan ugyen azwie emo mbo azwi igigyima. A chu zibo egyo nhwen mbe awzi igigyi ma, ke a sake kpue ambi zwizwi mbi ambe etkiegyo ke. 27 Azwie embe te enyen hwere a fu afka ugye, enyufun mbo seh ehwan kpukpen. 28 Ahwe i dno ma, krisiti mbe egyo kye afka ugyen ke a kpuzi ambi zwizwi mbi kata,Angauci rabo edna to ifan,voa dna akyubi kpuazi ambizwizwi mbi re ufia, abi fkazi eba tera bare ma.